Tsutɨarika 48
48
'Epɨrahini meta Manatsexi 'aixɨa kememu'itɨarie
1Merikɨtsɨ 'arike Kutse katiniutamarieni kename paapaya rekuye. Hikɨ kaneyani yuniwema warawitɨtɨ Manatsexi 'Epɨrahini mame. 2Kepauka Kakuwu mɨretima, waɨriyarika kananukuyerɨni yu'utatsie. 3Kutse kaniutahɨawe mɨpaɨ 'utaitɨ:
—Kakaɨyari Naimekɨmɨtɨrɨkaɨye kaneniutahɨawe Rutsi kiekaritsie, Kanani kwieyaritsie. 'Aixɨa kaneniuyurieni, 4mɨpaɨ 'utaitɨ: «Ne yanepɨtiyurieni waɨkawa tɨɨri pemɨwarayexeiyakɨ, pemɨtamɨirekɨ, 'anuiwaritsie yuwaɨkawatɨ nuiwarite mepayenexɨani. 'Ikɨ kwie yuheyemekɨ puwakwietɨni».
5Merikɨte 'aniwema memuyuhuta 'Ekipitu pemɨwarayexei nekamatsitahɨawiwekaku 'akuxi, mepɨneniwematɨni. 'Epɨrahini Manatsexi yuheyeme mepɨneniwematɨni yaxeikɨa Xuweni meta Tsimehuni kememɨneteniwema. 6Mɨkɨ wa'utɨmake pemɨwarayexeiya mepɨ'aniwematɨni, kwie memɨyetuiriyarienitsie wamatsikama mɨkɨta mana mepɨwayetuirieni. 7Parani-'Arami ne'akunuaku, Xakeri 'amaama kanemɨni 'Epɨrata 'aurie, hikɨ Wereni mɨrakutewa, mɨkɨ huyeyari'utɨa tekaneikateuku, Kanani kwieyaritsie.
8Hikɨ 'Ixaheri Kutse niwemama waruxeiyaka, mɨpaɨ katiniuta'iwauni:
—¿Mɨkɨ temari kemɨ'ane mepɨyɨa?
9Kutse yupaapa mɨpaɨ katiniutahɨawe:
—Mɨkɨ neniwema mepɨhɨkɨ Kakaɨyari mɨnetsiheyenɨ'airi 'ena memutinunuiwaxɨ.
Hikɨ 'Ixaheri yuniwe mɨpaɨ katiniutahɨawe:
—'Enahurawa keniwati'uitɨa nemɨyutanenewienikɨ wahetsiemieme.
10'Ixaheri matsi kani'ukiratsitɨkaitɨniri, pɨkahaunierekairi. 'Ayumieme Kutse 'ahurawa kaniwati'uitɨani yuniwema. Paapaya kaniwaruti'itseni kaniwarutitapa. 11Hikɨ Kutse mɨpaɨta katiniutahɨawe:
—Neri tawarita nekamatsixeiyake nepɨne'eriekai. Matsi hikɨ Kakaɨyari pɨnetsi'upitɨa meta 'aniwemata nemɨwaxeiyakɨ.
12Hikɨ Kutse yuniwema kaniwaranukuhapani yupaapa hɨxie, mɨkɨta kaniutihɨximakeni. 13'Anukukeka yuniwe 'Epɨrahini yutseriekɨ kaniuwiya, yu'utakɨta Manatsexi. Hikɨ yupaapa hɨxie kaniwati'uitɨani, 'Epɨrahini 'etsimutewikaikɨ, yuteukari 'Ixaheri 'utata mutikenikɨ, Manatsexi mɨmatsikayatɨkaikɨ yuteukari tserieta mutikenikɨ. 14Peru wateukari 'Ixaheri yutanenenewienike yumamate kaniupataxɨani, 'Epɨrahini hetsɨa yutseriekɨ heimana kaneutimeni tsepa 'etsimutewikai, Manatsexi hetsɨata yu'utata miemekɨ pɨtiunakixɨ tsepa mɨmatsikayatɨkai. 15Kanitsutɨani mɨpaɨ 'utaitɨ:
«Kakaɨyari 'aku,
'Apɨrahami 'Itsahaki 'ahamatɨa kememɨte'u'uwakai,
pemɨnetsi'ɨwiya kepaukapai nemutinuiwaxɨ,
mana mɨtiyetɨa meta hikɨ.
16Niuki tuayame mɨnetsi'utawikweitsitɨa naime 'axamɨti'anetsie,
'aixɨa keniwayurieka 'ikɨ tɨɨri.
'Uxa'atɨni warie nepaxaxatsiwani,
yaxeikɨata ne'ukiyarima 'Apɨrahami 'Itsahaki wahepaɨ.
Xeke'utiwawere xeke'utaxiɨni 'ena kwiepa».
17Hikɨ Kutse pɨka'inakixɨ yupaapa xeiyatɨ, 'Epɨrahini mutayatsie meutimekaikɨ yutseriekɨ. Yupaapa mamaya 'uwiyaka, kanipata Manatsexi hetsie pɨta, 18mɨpaɨ rehɨawetɨ:
—Nepaapa, tixaɨ mɨpaɨ neniwe 'amɨyumate, Manatsexi pɨhɨkɨ. 'Atserieta miemekɨ mana pɨta keneutime'i.
19Perutsɨ paapaya yapɨkatiutanaki'eri. Mɨpaɨ katinitahɨawe yuniwe:
—Ne nepɨtimate Manatsexi kiekarieya mariwetɨ kanayeimɨkɨ, matsi mutaya pɨta waɨkawa kanitaxiɨmɨkɨ, nuiwaritemama kiekari makate mekanakɨnikuni.
20Mɨkɨ tukaritsie Kakuwu 'aixɨa kaniwaruyurieni mɨpaɨ 'utaitɨ:
«Kepauka nenuiwarima xeime hepaɨtsita 'aixɨa memutiyuaneni,
mɨpaɨ mepɨtekɨhɨawarɨwani:
“Kakaɨyari kematsi'ɨwiyani.
Kemɨtiwa'ɨwiyakai 'Epɨrahini meta Manatsexi”».
Mɨpaɨ 'utayɨka, 'Ixaheri 'Epɨrahini mexɨakame kanayeitɨani 'arike Manatsexi.
21Hikɨ 'imatɨrieka 'Ixaheri Kutse mɨpaɨ katiniutahɨawe:
—Pehurari nemɨmɨnikɨ, perutsɨ Kakaɨyari xehamatɨa kaniuyeikamɨkɨ, kanixe'akunuitɨamɨkɨ xeteukarima wakwietsie. 22'Ekɨ Kutse 'a'iwama wahetsiemieme heitserie pepexeiya waɨkawa, nepɨmatsixatɨa Tsikeni#48:22 Tsikeni. Kiekari panuyɨne hɨri meta naipari. kwieyari, 'amuxeutsixi teɨteriyari nemɨwarunawairi newakwinetɨ.
Nke Ahọpụtara Ugbu A:
Tsutɨarika 48: hch
Mee ka ọ bụrụ isi
Mapịa
Lee anya n'etiti ihe abụọ
Kesaa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
© 2020, Wycliffe Bible Translators, Inc.
Tsutɨarika 48
48
'Epɨrahini meta Manatsexi 'aixɨa kememu'itɨarie
1Merikɨtsɨ 'arike Kutse katiniutamarieni kename paapaya rekuye. Hikɨ kaneyani yuniwema warawitɨtɨ Manatsexi 'Epɨrahini mame. 2Kepauka Kakuwu mɨretima, waɨriyarika kananukuyerɨni yu'utatsie. 3Kutse kaniutahɨawe mɨpaɨ 'utaitɨ:
—Kakaɨyari Naimekɨmɨtɨrɨkaɨye kaneniutahɨawe Rutsi kiekaritsie, Kanani kwieyaritsie. 'Aixɨa kaneniuyurieni, 4mɨpaɨ 'utaitɨ: «Ne yanepɨtiyurieni waɨkawa tɨɨri pemɨwarayexeiyakɨ, pemɨtamɨirekɨ, 'anuiwaritsie yuwaɨkawatɨ nuiwarite mepayenexɨani. 'Ikɨ kwie yuheyemekɨ puwakwietɨni».
5Merikɨte 'aniwema memuyuhuta 'Ekipitu pemɨwarayexei nekamatsitahɨawiwekaku 'akuxi, mepɨneniwematɨni. 'Epɨrahini Manatsexi yuheyeme mepɨneniwematɨni yaxeikɨa Xuweni meta Tsimehuni kememɨneteniwema. 6Mɨkɨ wa'utɨmake pemɨwarayexeiya mepɨ'aniwematɨni, kwie memɨyetuiriyarienitsie wamatsikama mɨkɨta mana mepɨwayetuirieni. 7Parani-'Arami ne'akunuaku, Xakeri 'amaama kanemɨni 'Epɨrata 'aurie, hikɨ Wereni mɨrakutewa, mɨkɨ huyeyari'utɨa tekaneikateuku, Kanani kwieyaritsie.
8Hikɨ 'Ixaheri Kutse niwemama waruxeiyaka, mɨpaɨ katiniuta'iwauni:
—¿Mɨkɨ temari kemɨ'ane mepɨyɨa?
9Kutse yupaapa mɨpaɨ katiniutahɨawe:
—Mɨkɨ neniwema mepɨhɨkɨ Kakaɨyari mɨnetsiheyenɨ'airi 'ena memutinunuiwaxɨ.
Hikɨ 'Ixaheri yuniwe mɨpaɨ katiniutahɨawe:
—'Enahurawa keniwati'uitɨa nemɨyutanenewienikɨ wahetsiemieme.
10'Ixaheri matsi kani'ukiratsitɨkaitɨniri, pɨkahaunierekairi. 'Ayumieme Kutse 'ahurawa kaniwati'uitɨani yuniwema. Paapaya kaniwaruti'itseni kaniwarutitapa. 11Hikɨ Kutse mɨpaɨta katiniutahɨawe:
—Neri tawarita nekamatsixeiyake nepɨne'eriekai. Matsi hikɨ Kakaɨyari pɨnetsi'upitɨa meta 'aniwemata nemɨwaxeiyakɨ.
12Hikɨ Kutse yuniwema kaniwaranukuhapani yupaapa hɨxie, mɨkɨta kaniutihɨximakeni. 13'Anukukeka yuniwe 'Epɨrahini yutseriekɨ kaniuwiya, yu'utakɨta Manatsexi. Hikɨ yupaapa hɨxie kaniwati'uitɨani, 'Epɨrahini 'etsimutewikaikɨ, yuteukari 'Ixaheri 'utata mutikenikɨ, Manatsexi mɨmatsikayatɨkaikɨ yuteukari tserieta mutikenikɨ. 14Peru wateukari 'Ixaheri yutanenenewienike yumamate kaniupataxɨani, 'Epɨrahini hetsɨa yutseriekɨ heimana kaneutimeni tsepa 'etsimutewikai, Manatsexi hetsɨata yu'utata miemekɨ pɨtiunakixɨ tsepa mɨmatsikayatɨkai. 15Kanitsutɨani mɨpaɨ 'utaitɨ:
«Kakaɨyari 'aku,
'Apɨrahami 'Itsahaki 'ahamatɨa kememɨte'u'uwakai,
pemɨnetsi'ɨwiya kepaukapai nemutinuiwaxɨ,
mana mɨtiyetɨa meta hikɨ.
16Niuki tuayame mɨnetsi'utawikweitsitɨa naime 'axamɨti'anetsie,
'aixɨa keniwayurieka 'ikɨ tɨɨri.
'Uxa'atɨni warie nepaxaxatsiwani,
yaxeikɨata ne'ukiyarima 'Apɨrahami 'Itsahaki wahepaɨ.
Xeke'utiwawere xeke'utaxiɨni 'ena kwiepa».
17Hikɨ Kutse pɨka'inakixɨ yupaapa xeiyatɨ, 'Epɨrahini mutayatsie meutimekaikɨ yutseriekɨ. Yupaapa mamaya 'uwiyaka, kanipata Manatsexi hetsie pɨta, 18mɨpaɨ rehɨawetɨ:
—Nepaapa, tixaɨ mɨpaɨ neniwe 'amɨyumate, Manatsexi pɨhɨkɨ. 'Atserieta miemekɨ mana pɨta keneutime'i.
19Perutsɨ paapaya yapɨkatiutanaki'eri. Mɨpaɨ katinitahɨawe yuniwe:
—Ne nepɨtimate Manatsexi kiekarieya mariwetɨ kanayeimɨkɨ, matsi mutaya pɨta waɨkawa kanitaxiɨmɨkɨ, nuiwaritemama kiekari makate mekanakɨnikuni.
20Mɨkɨ tukaritsie Kakuwu 'aixɨa kaniwaruyurieni mɨpaɨ 'utaitɨ:
«Kepauka nenuiwarima xeime hepaɨtsita 'aixɨa memutiyuaneni,
mɨpaɨ mepɨtekɨhɨawarɨwani:
“Kakaɨyari kematsi'ɨwiyani.
Kemɨtiwa'ɨwiyakai 'Epɨrahini meta Manatsexi”».
Mɨpaɨ 'utayɨka, 'Ixaheri 'Epɨrahini mexɨakame kanayeitɨani 'arike Manatsexi.
21Hikɨ 'imatɨrieka 'Ixaheri Kutse mɨpaɨ katiniutahɨawe:
—Pehurari nemɨmɨnikɨ, perutsɨ Kakaɨyari xehamatɨa kaniuyeikamɨkɨ, kanixe'akunuitɨamɨkɨ xeteukarima wakwietsie. 22'Ekɨ Kutse 'a'iwama wahetsiemieme heitserie pepexeiya waɨkawa, nepɨmatsixatɨa Tsikeni#48:22 Tsikeni. Kiekari panuyɨne hɨri meta naipari. kwieyari, 'amuxeutsixi teɨteriyari nemɨwarunawairi newakwinetɨ.
Nke Ahọpụtara Ugbu A:
:
Mee ka ọ bụrụ isi
Mapịa
Lee anya n'etiti ihe abụọ
Kesaa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
© 2020, Wycliffe Bible Translators, Inc.