Tsutɨarika 47
47
1Hikɨ Kutse katineikuxatɨani Parahuni ti'aitame. Mɨpaɨ katineitahɨawe:
—Nepaapa ne'iwama mepu'axɨari, Kanani kwieyaritsie meheyekɨneka yutewama yunaime tita memɨtehexeiyakai meteha'arietɨ. Kutseheni mɨrakutewatsie mekanetiteni.
2Kutse kaniwarawitɨkɨkaitɨni yu'auxɨwime yu'iwama Parahuni xeitsitɨanike. 3Parahuni mɨpaɨ katiniwaruta'iwawiya:
—¿Ketitakɨ xeme xete'uximayatamete?
Mɨkɨ mɨpaɨ mekatenita'eiya:
—Tame te'a'uximayatsiriwamete, muxatsi wahɨwemete tepɨhɨkɨ, yaxeikɨa meripaitɨ tateukarima kememɨte'uximayakai. 4Tame 'ena tepu'axɨa 'ikɨ kwieyaritsie, 'ɨxa memawekaikɨ Kanani kwieyaritsie, tatewama wehetsiemieme, waɨkawa pehaakaxari mɨkɨ kwieyaritsie. 'Ayumieme tepɨmatsiwawirie waɨkawamekɨ pemɨtatsipitɨanikɨ Kutseheni mɨrakutewatsie temɨtahayewakɨ.
5Hikɨ Parahuni Kutse mɨpaɨ katiniutahɨawe:
—'Apaapa 'a'iwama mepu'axɨa 'ahamatɨa memu'uwanikɨ. 6'Ekipitu kwieyari katini'ahetsiemiemetɨni. 'Aixɨa mɨraku'anetsie keniwarexatɨa mana memekutenikɨ Kutseheni mɨrakutewatsie. Meta xɨka hipame pewamaika 'aixɨa meteheutahɨiwaweme keniwarehɨritɨa netewama.
7Hikɨ Kutse yupaapa Kakuwu newitɨni, Parahuni kaniutahɨawitsitɨani. Kakuwu Parahuni 'aixɨa katiniutahɨawe, 8'ana Parahuni mɨpaɨ katinita'iwawiya:
—¿Kepaɨmeme wiyari pepexeiyari?
9Kakuwu mɨpaɨ katinita'eiya:
—Xeitsienituyari heimana xeitewiyari heimana tamamata wiyari nepexeiya nekuyeikatɨ. Netukari pɨkwaniwe neka'anutinewetɨ, ne'ukiyarima netutsima kememɨteheuterixɨa.
10Hikɨ Kakuwu Parahuni kaniutateutɨani, tixaɨtɨ karayuyeitɨatɨ.
11Hikɨ Kutse yupaapa yu'iwama kaniwayetuirieni kwie 'Ekipitu kwieyari 'aixɨa mɨraku'anetsie, Parahuni kemutayɨkai Kutseheni mɨrakutewatsie, 'arikeke Xamɨtsexi mɨtiuterɨwarie. 12Kutse katiniwamikwakaitɨni yupaapa yu'iwama watɨɨriyama, yuxexuitɨ kememɨteheuyehɨakai.
Kutse kemɨtiuta'aitaxɨ
13Merikɨtsɨ haaka kaniwekaitɨni 'Ekipitu, yaxeikɨa Kanani. 'Ikwai katiniumawekaitɨni naitsarie, teɨteri mekanikwiximekaitɨni. 14Naime pɨrata 'Ekipitu kiekatari meta Kanani kiekatari kɨmana yu'ikwai memunanekai, Kutse kaniwaye'ɨni Parahuni kiita neita'ɨna. 15Kepauka 'Ekipitu kiekatari meta Kanani kiekatari pɨratakɨ memu'ixɨa, Kutse hetsɨa mekaniu'axɨani mɨpaɨ me'utiyuatɨ:
—'Ikwai ketaneumikwa. Tepɨkwixime haakakɨ 'ahɨxie, pɨratari tepɨkahexeiya.
16Kutse kaniwaruta'eiya:
—Xɨka pɨrata xekahexeiyaniri, yutewama xekeniwarahapani, nepɨtixepatsirieni 'ikwaikɨ.
17Hikɨ 'ekipitutari yutewama Kutse mekaniyetuirieni, wakaitsixi, kawayutsixi, muxatsi, puxuri, tsipuri, Kutse tɨrikukɨ katiniwapatsiriekaitɨni mɨkɨ wiyaritsie. 18Hairieka wiyaritsie Kutse mɨpaɨ mekateniutahɨawe:
—'Ekɨ pepɨti'aitame, temɨte'anukanaka pɨkayɨwe, pɨrata tepɨkahexeiyari, tatewama 'atewama mepɨhɨkɨri, tixaɨtɨri tepɨkatehexeiya. Tame xeikɨari meta kwie temexeiya. 19'Ekɨ pepɨkatatsipitɨaka temɨkwinikɨ, takwie meta kapa reuyewenikɨ. Ketaneutinanai 'ekɨ takwie mame, petipatatɨ 'ikwaikɨ. Mɨpaɨ Parahuni te'uximayatametemama tepɨhɨkɨtɨni takwie teyunaitɨ. Mɨpaɨ teteyurieme 'ekɨ, 'imɨari pemɨtatsitɨkitɨani temayeyuyurinikɨ, 'akuxi takwie yuxaɨta mɨkayukuhayeikawanikɨ.
20Hikɨ mɨpaɨ tiuyɨku, Kutse 'Ekipitu kwieyari kaniunaneni naime Parahuni hetsiemieme, 'ekipitutari meyehaakakwitɨwetɨ memituirikɨ naime yukwie. Mɨpaɨ tiuyɨku, naitɨ 'Ekipitu kwieyari Parahuni tipiinieya katinayani. 21'Ana yunaitɨ 'ekipitutari waɨriyarika te'uximayatamete mekanakɨne.#47:21 waɨriyarika te'uximayatamete mekanakɨne. Meripaitɨ mieme Kakaɨyari niukieya muti'utsie, tsamariyatari waxapa meta Haika tewiyari heimana tamamata xapayari, Ratinitsixi waxapa. 22Kutse mawari wewiwamete wakwie pɨka'unanai. Parahuni mɨtiwamikwakaikɨ, 'ayumieme yukwie mepɨka'utua.
23Hikɨ Kutse teɨteri mɨpaɨ katiniwarutahɨawe:
—Hikɨtɨtɨ xeme meta xekwie, Parahuni hetsɨa xekanimiemetetɨni ne nemɨxe'utinanaikɨ. Kamɨ 'imɨari xekeneuka'etsa. 24Kepauka 'itsanaxa mayani, 'auxɨwimexɨa tixeɨriekame xepɨtiwewieni yaxeikɨa papaɨmeme, xeime Parahuni xekaniyetuiriekuni, xemerita naukame xemɨtekwakakɨ, meta xemɨka'enitsiemieme.
25Teɨteri mɨpaɨ mekaniutiyuani:
—'Ekɨ pepɨtatsi'utawikweitsitɨa, waɨkawa pepɨtatsi'uparewi. Parahuni te'uximayatsiriwamete tepɨhɨkɨtɨni.
26Kutse mɨkɨ 'inɨari, 'aitsika kanayeitɨani naitsarie 'Ekipitu kwieyaritsie. Hikɨ 'akuxi kaneyuhekɨaka yapaɨmetɨ Parahuni tsiemieme kanayeikani. Perutsɨ mawari wewiwamete xeikɨa wakwie Parahuni tipiinieya pɨkaratɨa.
27Hikɨ 'ixaheritsixi 'Ekipitu mekanitiyaxe Kutseheni mɨrakutewatsie. Mana waɨkawa metehexeiyatɨ mekanakɨne, waɨkawa mekaniutamɨire. 28Kakuwu tamamata heimana 'atahuta wiyari 'Ekipitu kaniukateitɨni. Xeitsienituyari heimana huta tewiyari heimana 'atahuta wiyari kaniutihuni. 29Kepauka 'Ixaheri#47:29 'Ixaheri. Kakuwu pɨtitewata. mɨximetɨ, Kutse katiniutanɨ'airieni. Mɨpaɨ katinitahɨawe:
—Xɨka 'aheyemekɨ penetsinaki'erieka, neteuritɨa keneutame'i 'inɨari mayanikɨ kename yapemɨtikayani, yakenetineutahɨawi yuri pe'utaitɨ, pemɨkanetsikateukunikɨ 'Ekipitu. 30Kepauka nemɨmɨni, ne'ukiyarima wahetsɨa kenenetuamie, 'Ekipitu pepɨkanetsi'ukateukuni.
Kutse mɨpaɨ katinita'eiya:
—Kepemaine yanepɨtikayani.
31Paapaya tawarita kanita'iwawiya:
—Xɨka yapetikayeimɨkɨ yakenetineutahɨawi heitseriemekɨ Kakaɨyari matsi'eniekaku.
Kutse yatinitahɨawe. Hikɨ 'Ixaheri yu'utatsie kakaitɨ 'utihɨximakeka kaniyutanenewieni.
Nke Ahọpụtara Ugbu A:
Tsutɨarika 47: hch
Mee ka ọ bụrụ isi
Mapịa
Lee anya n'etiti ihe abụọ
Kesaa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
© 2020, Wycliffe Bible Translators, Inc.
Tsutɨarika 47
47
1Hikɨ Kutse katineikuxatɨani Parahuni ti'aitame. Mɨpaɨ katineitahɨawe:
—Nepaapa ne'iwama mepu'axɨari, Kanani kwieyaritsie meheyekɨneka yutewama yunaime tita memɨtehexeiyakai meteha'arietɨ. Kutseheni mɨrakutewatsie mekanetiteni.
2Kutse kaniwarawitɨkɨkaitɨni yu'auxɨwime yu'iwama Parahuni xeitsitɨanike. 3Parahuni mɨpaɨ katiniwaruta'iwawiya:
—¿Ketitakɨ xeme xete'uximayatamete?
Mɨkɨ mɨpaɨ mekatenita'eiya:
—Tame te'a'uximayatsiriwamete, muxatsi wahɨwemete tepɨhɨkɨ, yaxeikɨa meripaitɨ tateukarima kememɨte'uximayakai. 4Tame 'ena tepu'axɨa 'ikɨ kwieyaritsie, 'ɨxa memawekaikɨ Kanani kwieyaritsie, tatewama wehetsiemieme, waɨkawa pehaakaxari mɨkɨ kwieyaritsie. 'Ayumieme tepɨmatsiwawirie waɨkawamekɨ pemɨtatsipitɨanikɨ Kutseheni mɨrakutewatsie temɨtahayewakɨ.
5Hikɨ Parahuni Kutse mɨpaɨ katiniutahɨawe:
—'Apaapa 'a'iwama mepu'axɨa 'ahamatɨa memu'uwanikɨ. 6'Ekipitu kwieyari katini'ahetsiemiemetɨni. 'Aixɨa mɨraku'anetsie keniwarexatɨa mana memekutenikɨ Kutseheni mɨrakutewatsie. Meta xɨka hipame pewamaika 'aixɨa meteheutahɨiwaweme keniwarehɨritɨa netewama.
7Hikɨ Kutse yupaapa Kakuwu newitɨni, Parahuni kaniutahɨawitsitɨani. Kakuwu Parahuni 'aixɨa katiniutahɨawe, 8'ana Parahuni mɨpaɨ katinita'iwawiya:
—¿Kepaɨmeme wiyari pepexeiyari?
9Kakuwu mɨpaɨ katinita'eiya:
—Xeitsienituyari heimana xeitewiyari heimana tamamata wiyari nepexeiya nekuyeikatɨ. Netukari pɨkwaniwe neka'anutinewetɨ, ne'ukiyarima netutsima kememɨteheuterixɨa.
10Hikɨ Kakuwu Parahuni kaniutateutɨani, tixaɨtɨ karayuyeitɨatɨ.
11Hikɨ Kutse yupaapa yu'iwama kaniwayetuirieni kwie 'Ekipitu kwieyari 'aixɨa mɨraku'anetsie, Parahuni kemutayɨkai Kutseheni mɨrakutewatsie, 'arikeke Xamɨtsexi mɨtiuterɨwarie. 12Kutse katiniwamikwakaitɨni yupaapa yu'iwama watɨɨriyama, yuxexuitɨ kememɨteheuyehɨakai.
Kutse kemɨtiuta'aitaxɨ
13Merikɨtsɨ haaka kaniwekaitɨni 'Ekipitu, yaxeikɨa Kanani. 'Ikwai katiniumawekaitɨni naitsarie, teɨteri mekanikwiximekaitɨni. 14Naime pɨrata 'Ekipitu kiekatari meta Kanani kiekatari kɨmana yu'ikwai memunanekai, Kutse kaniwaye'ɨni Parahuni kiita neita'ɨna. 15Kepauka 'Ekipitu kiekatari meta Kanani kiekatari pɨratakɨ memu'ixɨa, Kutse hetsɨa mekaniu'axɨani mɨpaɨ me'utiyuatɨ:
—'Ikwai ketaneumikwa. Tepɨkwixime haakakɨ 'ahɨxie, pɨratari tepɨkahexeiya.
16Kutse kaniwaruta'eiya:
—Xɨka pɨrata xekahexeiyaniri, yutewama xekeniwarahapani, nepɨtixepatsirieni 'ikwaikɨ.
17Hikɨ 'ekipitutari yutewama Kutse mekaniyetuirieni, wakaitsixi, kawayutsixi, muxatsi, puxuri, tsipuri, Kutse tɨrikukɨ katiniwapatsiriekaitɨni mɨkɨ wiyaritsie. 18Hairieka wiyaritsie Kutse mɨpaɨ mekateniutahɨawe:
—'Ekɨ pepɨti'aitame, temɨte'anukanaka pɨkayɨwe, pɨrata tepɨkahexeiyari, tatewama 'atewama mepɨhɨkɨri, tixaɨtɨri tepɨkatehexeiya. Tame xeikɨari meta kwie temexeiya. 19'Ekɨ pepɨkatatsipitɨaka temɨkwinikɨ, takwie meta kapa reuyewenikɨ. Ketaneutinanai 'ekɨ takwie mame, petipatatɨ 'ikwaikɨ. Mɨpaɨ Parahuni te'uximayatametemama tepɨhɨkɨtɨni takwie teyunaitɨ. Mɨpaɨ teteyurieme 'ekɨ, 'imɨari pemɨtatsitɨkitɨani temayeyuyurinikɨ, 'akuxi takwie yuxaɨta mɨkayukuhayeikawanikɨ.
20Hikɨ mɨpaɨ tiuyɨku, Kutse 'Ekipitu kwieyari kaniunaneni naime Parahuni hetsiemieme, 'ekipitutari meyehaakakwitɨwetɨ memituirikɨ naime yukwie. Mɨpaɨ tiuyɨku, naitɨ 'Ekipitu kwieyari Parahuni tipiinieya katinayani. 21'Ana yunaitɨ 'ekipitutari waɨriyarika te'uximayatamete mekanakɨne.#47:21 waɨriyarika te'uximayatamete mekanakɨne. Meripaitɨ mieme Kakaɨyari niukieya muti'utsie, tsamariyatari waxapa meta Haika tewiyari heimana tamamata xapayari, Ratinitsixi waxapa. 22Kutse mawari wewiwamete wakwie pɨka'unanai. Parahuni mɨtiwamikwakaikɨ, 'ayumieme yukwie mepɨka'utua.
23Hikɨ Kutse teɨteri mɨpaɨ katiniwarutahɨawe:
—Hikɨtɨtɨ xeme meta xekwie, Parahuni hetsɨa xekanimiemetetɨni ne nemɨxe'utinanaikɨ. Kamɨ 'imɨari xekeneuka'etsa. 24Kepauka 'itsanaxa mayani, 'auxɨwimexɨa tixeɨriekame xepɨtiwewieni yaxeikɨa papaɨmeme, xeime Parahuni xekaniyetuiriekuni, xemerita naukame xemɨtekwakakɨ, meta xemɨka'enitsiemieme.
25Teɨteri mɨpaɨ mekaniutiyuani:
—'Ekɨ pepɨtatsi'utawikweitsitɨa, waɨkawa pepɨtatsi'uparewi. Parahuni te'uximayatsiriwamete tepɨhɨkɨtɨni.
26Kutse mɨkɨ 'inɨari, 'aitsika kanayeitɨani naitsarie 'Ekipitu kwieyaritsie. Hikɨ 'akuxi kaneyuhekɨaka yapaɨmetɨ Parahuni tsiemieme kanayeikani. Perutsɨ mawari wewiwamete xeikɨa wakwie Parahuni tipiinieya pɨkaratɨa.
27Hikɨ 'ixaheritsixi 'Ekipitu mekanitiyaxe Kutseheni mɨrakutewatsie. Mana waɨkawa metehexeiyatɨ mekanakɨne, waɨkawa mekaniutamɨire. 28Kakuwu tamamata heimana 'atahuta wiyari 'Ekipitu kaniukateitɨni. Xeitsienituyari heimana huta tewiyari heimana 'atahuta wiyari kaniutihuni. 29Kepauka 'Ixaheri#47:29 'Ixaheri. Kakuwu pɨtitewata. mɨximetɨ, Kutse katiniutanɨ'airieni. Mɨpaɨ katinitahɨawe:
—Xɨka 'aheyemekɨ penetsinaki'erieka, neteuritɨa keneutame'i 'inɨari mayanikɨ kename yapemɨtikayani, yakenetineutahɨawi yuri pe'utaitɨ, pemɨkanetsikateukunikɨ 'Ekipitu. 30Kepauka nemɨmɨni, ne'ukiyarima wahetsɨa kenenetuamie, 'Ekipitu pepɨkanetsi'ukateukuni.
Kutse mɨpaɨ katinita'eiya:
—Kepemaine yanepɨtikayani.
31Paapaya tawarita kanita'iwawiya:
—Xɨka yapetikayeimɨkɨ yakenetineutahɨawi heitseriemekɨ Kakaɨyari matsi'eniekaku.
Kutse yatinitahɨawe. Hikɨ 'Ixaheri yu'utatsie kakaitɨ 'utihɨximakeka kaniyutanenewieni.
Nke Ahọpụtara Ugbu A:
:
Mee ka ọ bụrụ isi
Mapịa
Lee anya n'etiti ihe abụọ
Kesaa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
© 2020, Wycliffe Bible Translators, Inc.