SALMOS 142
142
1Neda' ẕnnia' zižje, žḻiža' X̱anžo Dios.
Dot ḻaža'a ẕnnabla' X̱anžon' yeyache' ḻáže'le' neda'.
2Ḻawo' Le' žawa' ẕia che da' žak chia'.
Ḻawo' Le' ẕḻoe'ela' že' zedla' neda'.
3Kate' že' ḻáẕda'wa' zedḻe'e, Le', X̱ana' Dios, nnezlo' da' žaken chia'.
Wlékgake' to do yeḻj ḻo x̱neza', nich senen neda'.
4Ẕwia' kwitla', san bi zoa no benne' gákḻene' neda'.
Bi zoa no benne' gape chi'ikze' neda'.
Bi zoa no benne' kwi'e wnné yoe chia' neda'.
5Žḻiža' Le', X̱ana' Dios, ẕnnia':
“Žx̱en ḻaža'a tozo' Le'.
Tozo' Le' žaz ḻaža'a ḻo yežlyó nga.
6Benle da' žḻiža' Le', dan' ẕzáka'ḻi'a.
Beslá neda' ḻo na'gak benne' ka' ẕbia ḻáže'gake' neda', na' zej nakže' waḻe ka neda'.
7Bebéj neda' ḻo da' žaken chia' nich gak we ḻawa' Le'.
Benne' chawe' ka' chéchjgeke' neda' kate' gon chawo'o neda'.”
Nke Ahọpụtara Ugbu A:
SALMOS 142: zty
Mee ka ọ bụrụ isi
Mapịa
Lee anya n'etiti ihe abụọ
Kesaa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
© 2002, Wycliffe Bible Translators, Inc. All rights reserved.