SALMOS 141
141
1X̱ana' Dios, žḻiža' Le'. Da ka' gaze gákḻeno' neda'.
Benle chi'a kate' wḻiža' Le'.
2Ben ga kwen da' ẕnnabla' ḻawo' Le' ka to žen ẕix̱.
Wẕí' da' ẕchisa' ḻawo' Le' ka to biado' žota'-ba' ḻawo' Le'.
3X̱ana' Dios, wdape chi'i žoa'a
nich bi nnia' to da' bi nak chawe'.
4Bi go'o latje se ḻaža'a gona' to da' ẕinnj
nich bi gona' to da' bi nak chawe',
na' nich bi gáwḻena' benne' wen da' ẕinnj ka' tẕen che lni chégake'.
5Cha' to benne' chawe' wsake'e neda', gaken chia' to da' chawe',
na' cha' tiḻe' neda', gaken chia' ka to da' ẕlaḻe'e ẕix̱ dan' ẕgo'e yichja',
na' nnábtezla' Dios gon chawe'e ḻe'.
6Kate' bíx̱jegak benne' blo ka' chegak benne' wen da' ẕinnj ka' ḻe'e ya'a yej ka',
na' gákbe'egekle benách ka' nak chawe' da' ẕnnia'.
7Gáslasgak žit chegak benne' ka' žoa'a yežw ba chégake'.
Gá'ngaken ka bcheko yo ka' gan ža'n beže.
8Che ḻen ẕwia' gan zo' Le', X̱ana' Dios.
Žx̱en ḻaža'a Le'. Bi kwej yichjo' neda'.
9Bwia neda' nich bi sen do yeḻj chegak benne' wen da' ẕinnj ka' neda',
na' nich bi chejchaza' ḻo da' wlékgake'.
10Ben ga chejchazgak benne' wen da' ẕinnj ka' ḻo do yeḻj da' wlékgake',
x̱ak tia' neda' ga na' dot cháwe'do'.
Nke Ahọpụtara Ugbu A:
SALMOS 141: zty
Mee ka ọ bụrụ isi
Mapịa
Lee anya n'etiti ihe abụọ
Kesaa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
© 2002, Wycliffe Bible Translators, Inc. All rights reserved.