संत.मत्ती 27
27
ईसु के पिलातुस दुबाःड़े ईइदी
(संत.मरकुस 15:1; संत.लुकास 23:1–2; संत.जोहन 18:28–32)
1जब निदवा नेना दो जामा महापुरोहितकु आउर होड़ आलकु अगुवाकु ईसु के गो-गोएःग लःअय सलाह लअकु। 2फिन हुंकू हुनी के तोल केते इदी लियाकु, आउर राज्यपाल पिलातुस के जिमाओ लियाकु।
जहुदा अपने से फंसरी नेनाय
(प्रेरित.कामी 1:18–19)
3 #
प्रे.कामी 1:18,19 ईसु के ससःब चिई जहुदा, हुनी के दोसी ठहराव तदियाकु नोःआँ के नेल लःअय, दो हुनी मुरुक पसताव नेनाय, आउर हुनी महापुरोहितकु आउर बुजरूग जाहुदी अगुवाकु के, होना चाँदी रअः तीस ठर्ड़रा के नोःआँ कंहड़ी-यअते रूवाड़ऊ लिकुआय। 4“ईङ मिहोंड़ बेकासुरी होड़ के गो-गोएःग ची लःअय सःब ची केते पाप तदिङ।”
“नोःआँ चलते हुंकू होड़ हुनी के बेता लियाकु, आले के एतान? नोःआँ केदो आम पड़ीमे।”
5नोःआँ चलते जहुदा चाँदी रअः होना ठर्ड़रा के बड़े बिनती ओड़ाअ रे गिड़ी केदाय, आउर सेन केते फंसरीः नाय।
6महापुरोहितकु चाँदी रअः ठर्ड़रा के हलांग केते कंहड़ी लअकु, “आबु आला कनहुन रअः मोताबिक नोःआँ के, बड़े बिनती ओड़ाअ रअः खजाना रे दो-दोहो उचित कनोआँ, एता लःअय ची नोःआँ के गो-गोएःग ची लःअय एम लअः ढिबुवा हेके।” 7हिना लःअय हुंकू सलाह लअकु, आउर होना ढिबुवा तरअः कुंभरा आला ओत किरिङ लअकु, जेकर से ची बाहरी तरअः जिरोसालेम हिजोअ कु के, गोजोअः तयोम हिना रे तेपेःड कुआ। 8हिना लःअय नहाअः जगुत “होना ओत के मयोम रअः ओत” कंहड़ीआकु।
9 #
जखरि 11:12,13 नोःआँ लकान परमेसर आली आगमजानी जेरेमियस आला नोःआँ कंहड़ी लअः पुराव नेना, “हुंकू चाँदी रअः तीस ठर्ड़रा इदी लअकु होना दाम के, जेके इसराइली होड़कु हुनी के एमोअ लःअय ठहराव थिलाअकु। 10आउर परभु ईङ के एम लअः हुकूम मोताबिक होना दाम तरअः, हुनी कुंभरा आला ओत किरिंग लअकु।”
पिलातुस ईसु के सवाल कुली लियाय
(संत.मरकुस 15:2–5; संत.लुकास 23:3–5; संत.जोहन 18:33–38)
11नहाअः ईसु राज्यपाल मड़ांग रे तिंगु ताहिनाय, राज्यपाल हुनी के कुली लियाय। “आम जाहुदीकु आली राजा हेके एतान?”
ईसु उतारा एम लःअय, “आम ठीक गी कंहड़ी आम।” 12बड़े पुरोहित आउर जाहुदी नेताकु हुनी तेंग रे दोस लगाय केनाकु, दो हुनी एतान होः उतारा काय एम लअः।
13नोःआँ रे पिलातुस हुनी के कुली लियाय, “आम काम आयुम दा एतान, ची नुकू आम तेंग रे ईकिन दोस लगाव दाकु?”
14सेरे होः ईसु उतारा रे पिलातुस के मि बात होः काय कंहड़ी रूवाड़ लअः, नोःआँ रे राज्यपाल मुरुक छकित नाय।
ईसु के गो-गोएःग रअः हुकूम एमोअ
15राजपाल पास्का परब रअः मोका रे होड़कु आला मरजी मोताबिक मिहोंड़ जेहेल उनी के बाई कु केनाय। 16हिमीन बेरा मियांड जेसुस बराब्बस#27:16 बराब्बस थोड़ेक मारी पुथी रे हुनी आला नुमू ईसु बराब्बस हेके। नुमू रिनी होड़ जेहेल ताहिनाय। 17हिना लःअय होनाःड़े जवार उनकु होड़कु के पिलातुस कुली लिकुआय, “आपे एतान चाहाः तनापे? ईङ आपे लःअय ओके के बाईयीङ बराब्बस#27:17 बराब्बस आम लःअय ईसु बराब्बस के बाईयाले ची ईसु ख्रीस्त के। के चाहे हुनी ईसु के जे ख्रीस्त कहलाआय?” 18एता लःअय ची हुनी पाड़ी केनाय, ची हुंकू ईसु के हिसंगा ते सःब ची तदियाकु।
19पिलातुस नेयाय रअः गद्दी रे दुड़ूः ताहिनाय गी, ची हुनी आली आउराईत कंहड़ी गोःड लःअय, “हुनी धरमी होड़ के एतान होः आलुम एतान की, एता लःअय ची तिसिंग ईङ सपना रे हिनी चलते मुरुक बेचैन नेनिङ।”
20निआँ ताला रे महापुरोहितकु आउर अगुवाकु, होड़कु के नोःआँ उकसाव लिकुआकु, ची हुंकू पिलातुस तरअः बराब्बस के ब-बाई आउर ईसु के गो-गोएःग रअः अरजीयाकु। 21राजपाल फिन हुंकू के कुली लिकुआय, “आपे एतान चाहाः तनापे, बनहोंड़ रे ओके के आपे लःअय बाईयीङ?”
हुंकू उतारा एम लअकु, “बराब्बस के।”
22नोःआँ चलते पिलातुस हुंकू के कुली लिकुआय, “दो ईङ, ईसु के एता नियींग, जे ख्रीस्त कहलाआय?” जामाकु उतारा एम लअकु।
“नुई के कुरूस रे रकाबिमे।”
23पिलातुस कुली लिकुआय, “बकिर नुई एतान गुनाह तदाय?”
बकिर हुंकू दो आउर जोड़ से गुल दाकु, “हुनी के कुरूस रे रकाबिमे!”
24 #
कन 21:6–9
जब पिलातुस नेल लःअय ची हुनी आला एतान बात होः का चलाअ ताना, उलटी गुल-गबाड़ हुयाव तोराआ, दो हुनी दाअः कोय केते होड़कु मड़ांग रे तीः आबुन लःअय, आउर कंहड़ी लःअय, “नुई धरमी होड़ के गो-गोएःग रअः बारे रे बेकासुर एदानिङा आपे पड़ीपे।”
25आउर जामा होड़कु उतारा एम लअकु, “नुई के गो-गोएःग रेनअः दोस आले रे आउर आले आलकु चेंगाकु रे पड़ाअ।”
26तब पिलातुस हुंकू लःअय बराब्बस के बाई लियाय, आउर ईसु के कोड़राव ची केते कुरूस रे रा-रकाःब लःअय सिपाहीकु के जिमाओ लिकुआय।
सिपाहीकु ईसु के ठठ्ठा लियाकु
(संत.मरकुस 15:16–20; संत.जोहन 19:2–3)
27नोःआँ तयोम पिलातुस आलकु सिपाहीकु ईसु के राजपाल आला भीतरी बंगला रे ईदी लियाकु, होनाःड़े ईसु आला चाईरो चौगिरदा सिपाहीकु आलकु पुरा पलटनकु के राअः जवार लिकुआकु। 28हुंकू, हुनी आला गेन्दरअ ताय के उडुंग लअकु, आउर हुनी के जरलया गेन्दरअ सोलोंग ऊ-लियाकु। 29हुनी आला बोहोअ रे जानुम रअः मुकूट गलाङ केते दोहो लअकु, आउर हुनी आला कोन्जरा तीः रे ढुढ़ी रअः हापा एमा लियाकु, तब हुनी मड़ांग रे इकड़ुम केते, हुंकू, हुनी के नोकान कंहड़ी यअते ठठ्ठा-ओ लियाकु, “जाहुदीकु आली राजा जोहार।” 30फिन हुंकू हुनी तेंग रे थु लआकु, आउर ढुढ़ी रअः ठेंगा के रेःग केते, हुनी आला बोहोअ तेके हुमाअ गे केनाकु 31जब हुंकू हुनी के लन्दा ठठ्ठा तयोम, हुनी आला गेन्दरअ उडुंग लअकु आउर हुनी के आएंग आला गेन्दरअ के सोलोंग ऊ लियाकु आउर कुरूस रे रा-राकाःब लःअय इदी लियाकु।
ईसु के कुरूस रे रा-रकाःब
(संत.मरकुस 15:21–32; संत.लुकास 23:26–39; संत.जोहन 19:17–19)
32जब सिपाहीकु बाहरी सेनोः केनाकु, दो हिमीन रे कुरेने रे ताही नुई सिमोन नुमू रिनी मिहोंड़ होड़ भेटाव नेनाय, हुंकू हुनी के सःब केते, ईसु आला कुरूस के गोअ ईइदी लःअय रेंड़हा लियाकु। 33हुंकू गुलगुता ठाँव “जेके खपरोही रअः ठाँव” मेन गेआकु सोदोर नेनाकु। 34#सिरिंग 69:21हुंकू ईसु के पित्त मेसा लअः अंगुर रस नु-नु लःअय एमा लियाकु, बकिर हुनी होना के चखाव केते, नु-नु काय नाम नेना।
35 #
सिरिंग 22:18
हुंकू ईसु के कुरूस रे रकाःब लियाकु आउर चुटका साला केते, हुनी आला गेन्दरअ ताय के अपास रे हाटिङ लअकु। 36नोःआँ तयोम, हुंकू हुनी के प-पहरा लःअय दुड़ूः नाकु। 37ईसु आला बोहोअ तरअः तेंग रे हुनी रे लगाव लआ दोस चिठी, सिपाहीकु पट्टी रे लिखा केते ठोकाव लअकु। होना नोःआँ लकान ताहिना “नुई जाहुदीकु आली राजा ईसु हेके।” 38हुंकू ईसु लोः बारहोड़ डाकु के कुरूस रे रकाःब लिकिनाकु, मिहोंड़ के हुनी तरअः जोम पखी आउर एटाअ के हुनी तरअः कोन्जरा पखी।
ठठ्ठा लियाकु
39 #
सिरिंग 22:7; 109:25 आउर हिजोः-सेनोः होड़कु बोहोअ डोबोः-डोबोः ईसु के निन्दा यअते सेनोः केनाकु, 40#सं.मत्ती 26:61; सं.जोह 2:19नोकान कंहड़ी केनाकु, “ए बड़े बिनती ओड़ाअ के ध-धासावी आउर पे रोज रे, होना के फिन बा-बनावी अपन बंचाव कोअ मे, जदि आम परमेसर आली होपोन हेके, दो कुरूस तरअः अड़गु हिजोःमे।”
41निआँ लकान बड़े पुरोहित आउर धरम पुथी सि-सिखावकु, जाहुदी नेताकु हुनी आला नोःआँ कंहड़ी केते ठठ्ठाय केनाकु, 42“नुई एटाअकु के बंचाव लिकुआय, आनेःग के बबनचाव काय दाड़ी लअः, नुई इसराइल रिनी राजा हेके? नुई नहाअः कुरूस तरअः अड़गु हिजोआय, तब आले नुई रे बिसवासेआले। 43#सिरिंग 22:8नुई के परमेसर रे भरसा ताहिना, जदि परमेसर नुई लोः खुस एदानिया दो नहाअः नुई के बंचाई। नुई दो कंहड़ी तदाय, ‘ईङ परमेसर आली होपोन हेके।’”
44जे डाकु ईसु लोः कुरूस रे रकाःब ताही लिकिनाकु, हुंकिन होः निआँ लकान ठठ्ठाय केनाकिन।
ईसु आला गोजोः
(संत.मरकुस 15:33–41; संत.लुकास 23:44–49; संत.जोहन 19:28–30)
45फिन गोटा दुनिया रे दुपहरा तरअः तीन बजे जगुत अंधार ना। 46#सिरिंग 22:1करीब तीन बजे आस-पास ईसु जोड़ से गुल केते कंहड़ी लःअय, “ईलोई ईलोई लामा सबकतानी?” नोःआँ रअः माने हेके, “ए ईङ आली परमेसर, ए ईङ आली परमेसर, आम ईङ के एता लःअय बाई किंदङाम?”
47नोःआँ आयुम केते, हिना आस-पास तानकु थोड़ेक होड़ कंहड़ी तानाकु, “नुई इलियस के राअः दियाय।” 48#सिरिंग 69:21फिन हुंकू मेसे मिहोंड़ होड़ तुरते नीर यअते, दाअः सो-सोखाव वाला आगु लःअय, आउर हुनी के जोजो अंगुर रस#27:48 जोजो अंगुर बुलोअ लकान बनाव उना अंगुर रस के। रे डुबाव केते, आउर ढुढ़ी रअः ठेंगा रे लगाव केते, हुनी ईसु के नुनू लःअय एमा लियाय।
49बकिर बंचाव उनकु होड़कु कंहड़ी तानाकु, “ताहीः चाई मे, नेलीयाबु, इलियस नुई के बा-बनचाव हिजोअ आय ची कोवान।”
50तब ईसु फिन आउर मिखेप जोड़ से गुल केते, जीव ताय के बाई केदाय।
51 #
उइठ 26:31–33
हिमीन बेरा बड़े बिनती ओड़ाअ रअः परदा तेंग तरअः लतार जगुत बार भागा चिराअ ना। ओत हिलाव नेना, सेरेंग दरकाव ना, 52मारघटा खोलाव ना आउर ढेर गोएःग उनकु पबितर होड़कु आला होड़ो फिन जिवीःड-बिरिःड नाकु। 53हुंकू ईसु आला जिवीःड-बिरिडोः तरअः तयोम, मारघटा तरअः उडुंग हीःग नेनाकु, आउर पबितर सहर जिरोसलेम रे सेन केते, ढेर होड़कु के दिसतार नेनाकु।
54रोमी सिपाहीकु आली नेता आउर ईसु के पहरा एमोअ कु भुईंडोल के आउर नोःआँ जामा घटना के नेल केते, मुरुक बोरोः नाकु आउर कंहड़ी तानाकु, “सचे गी, नुई परमेसर आली होपोन ताहिनाय।”
55 #
सं.लुका 8:2,3 होनाःड़े ढेर आउराईतकु गलील तरअः ईसु के सेवा-सुसार लःअय गलील हीःग थिनाकु हुंकू लंका रे तिंगु केते नेनेल केनाकु। 56हुंकू मेसे मरियम मगदलिनी, याकुब आउर जोसेफ आली आया मरियम, आउर जबेदी आलकु होपोन आली आया ताहिनाय।
ईसु के तेतेपेःड
(संत.मरकुस 15:42–47; संत.लुकास 23:50–56; संत.जोहन 19:38–42)
57आयुबोः बेरा अरमतिया रिनी मियांड धनगार जोसेफ नुमू रिनी हीःग नेनाय, हुनी होः ईसु आली चेला बनाव ताहिनाय। 58हुनी पिलातुस दुबाःड़े सेन केते ईसु आला गोएःग होड़ो के कोय लःअय, आउर पिलातुस हुकूम एमा लिकुआय ची गोएःग होड़ो के जोसेफ के ईमाईपे। 59जोसेफ गोएःग होड़ो के इदी लःअय, आउर हुनी के मियांड निमन मलमल कफन रे गुड़मुड़ाव लियाय, 60आउर अपन नावाँ काबुर रे दोहो लःअय, जेके पहिल रे सेरेंग के लाअ ची ताही लिकुआय। आउर मारघटा रअः दुवार तेके बड़ेः केन टुकू के गुंड़राव छेका केते सेनोः नाकु। 61मरियम मगदलिनी आउर एटाअ आउराईत मरियम, होनाःड़े मारघटा मड़ांग रे दुड़ूः ताहिनाकु।
ईसु आला काबुर के ओ-ओगरा
62होना सुख रअः दोसरा हिला, महापुरोहित आउर फरीसीकु पिलातुस दुबाःड़े सेन नेनाकु। 63#सं.मत्ती 16:21; 17:23; 20:19; सं.मर 8:31; 9:31; 10:33,34; सं.लुका 9:22; 18:31–33आउर कंहड़ी लअकु, “हुजूर, आले के याईद एदनाअ ची हुनी धोखा एमोई, जब हुनी जिवीःड ताहिनाय, हिमीन बेरा कंहड़ी ताही लःअय, ची ‘ईङ पे रोज तयोम फिन जिवीःड-बिरिःड कुईंग।’ 64हिना लःअय पे रोज जगुत मारघटा के प-पहरा लःअय हुकूम एमा कु, नोकान आलु हुयाव कोअ, ची हुनी आलकु चेला ईसु आला गोएःग होड़ो के चोर इदी केते, आउर होड़कु के बेता कु ची हुनी गोएःग केते जिवीःड-बिरिःड तनाय। नोःआँ पहिल रअः धोखा तरअः तयोम रअः जादे धोखा हुयाव कोआ।”
65“पिलातुस हुंकू के बेता लिकुआय, आपे प-पहरा लःअय सिपाहीकु के इदी दाड़ीआपे” “जु जाईसन चहाआपे हिकानेपे।”
66हुंकू सेनोः नाकु आउर हुंकू टुकू रे मरका लगाव लअकु, आउर मरघटा के प-पहरा लःअय सिपाहीकु के दुड़ूः लिकुआकु।
Nke Ahọpụtara Ugbu A:
संत.मत्ती 27: ASR
Mee ka ọ bụrụ isi
Kesaa
Lee anya n'etiti ihe abụọ
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
© 2023 NLCI CC BY-NC-ND 4.0