1 Samweli 27
27
Dafidi ɛ̀ sa Filisiti bete baanɩ
1Dafidi ɛ sa amɩnlɛ gɛ ɛ dɔ̀ alan, <<Sawulo eè wolo mɩ awi nyayɩ yaanɩ. Okoro ade gɛtɛ nan talɩ n mɛ fɔ n di gɛtɛ nan serenti n san Filisiti bete bɔɔ gɛtʋnkwaa gaanɩ. Gɛlɛ fɔ, Sawulo eè kere miin gebugiti Isareli gɩfɩɩ gaanɩ ɛ ya, fɔ nmɩ mɔ nan mɔlɩ n ye walɔ yaanɩ.>> 2Okoro Dafidi ma bɛnɩ nkpɩn bisiyee fɔ bɛ tɔ gɛ bɛ san Akisi gɛtɛ wote n di Mahoki gɛ è di Gati wogyu fɔ wakʋn. 3Gɛ Dafidi ma wɔ bɛnɩ fɔ bɛ sara Gati, Akisi wakʋn. Ɛnɩ-kamasɛ è de wɔsɔ ma wo bebi, gɛ Dafidi è de wɔsɔ ɛbɛ bɛnyɔɔ fɔ, Ahinoam gɛtɛ e ye Yasereli fɔ ma Abigeli gɛtɛ e ye Kameli gɛ è di Nabali wɔkpɩnsɔ fɔ. 4Gɛtɛ Sawulo ɛ nʋn alɛ Dafidi e serenti ɛ da Gati fɔ, en mini biri tɛrɛma wɔ.
5Duwi dɩkɩ Dafidi ɛ dɔ̀ Akisi alan, <<Gengyi maade ii di wɔ gʋnʋn fɔ, yɛ mɩ nan wura ditelebi dɩkɩ n sara daanɩ. Wʋn kʋtʋma nmɩ aasaranyan ma awɔ tàà sara aa digyu-tele daanɩ.>>
6Okoro Akisi ɛ ka Sikalagi ditele ɛ tɛ wɔ, nyawʋ wuu koro Sikalagi wu biligi Yuda begyu-dɩrɛ booyo be ye ma ǹdò. 7Dafidi ɛ sara Filisiti bete baakʋn gɩkyan ma bebon bɛnaa.
8Ɛwʋ gɛ Dafidi ma wɔ bɛnɩ bɛ ka dɩkpatɩ bɛ ma kpila Gesuri bete, ma Girisi bete, ma Amaleki bete baanyan. Bɛnɩ bɛtɔkɔ bɛ sara ɔlanlan wʋtɔkɔ ye sɩyɛɛ ɔya kpekpesi wʋkɩ waanɩ, gɛ bɛ sara gɛtʋnkwaa gɛtɛ gɩ̀ dɔ gɩɩ fɔrɔ Suru, Egyipiti wosele waanɩ fɔ. 9Ɔya-kamasɛ gɛtɛ Dafidi ɛ̀ tà bɩtà ma gɩlan gɩkɩ gɩɩ bɛnɩ fɔ, ɛn taa kere eteni abɛɛ ɛnanɩ ɛ ya, mɔ ɛɛ ka bɔɔ bɛyɛran, ma bɔɔ bɛkwɔ, ma baakpɔŋɔ ma baakpɔŋɔ-tɩtɩɩ, ma baanyɩmɩnyan, fɔ e biri ɛ ba Akisi wakʋn. 10Gengyi Akisi è lila wɔ alan, <<Ɛnyan ɛbɛ gɛ a ka dɩkpatɩ a ma kpila baanyan ǹdò?>> Dafidi ɛɛ dɔ̀ alan, <<Negefi gɛtɛ wʋ̀ sa Yuda fɔ, abɛɛ Negefi gɛtɛ wʋ̀ sa Yerameli, abɛɛ Negefi gɛtɛ wʋ̀ sa Keni fɔ.>> 11Dafidi en kere eteni abɛɛ ɛnanɩ ɛ ya bàà san Gati, yema ɛ sa amɩnlɛ alan, <<Baà ma dɔ̀ tii koro wade alan, <Ade nyayɩ gɛ ma wɔ bɛnɩ bɛ mɛ.> >> Gɛlɛ gɛ Dafidi ɛ mɛ ɔya gɛtɛ ɛ sara Filisiti bete bɔɔ gɛtʋnkwaa gaanɩ fɔ. 12Akisi e to Dafidi e di gɛ ɛ dɔ̀ ɛ tɛ koro alan, <<Ɛwɔ gbagba wɔ bɛnɩ Isareli bete bɛ kyʋn wɔ, okoro ɛɛ̀ mɛ mɩɩndɩ̀ gakpaakpa.>>
Nke Ahọpụtara Ugbu A:
1 Samweli 27: ADE
Mee ka ọ bụrụ isi
Kesaa
Lee anya n'etiti ihe abụọ
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
2025 Ghana Institute of Linguistics Literacy and Bible Translation