انجیل مَرقُس 16
16
زندَه آبُدَئِه عیسی
1وَختی رازِ شنبه مکدّس گذشت، مریم مَجْدَلیَّه، مریم نَنَهِ یعکوب و سالومَه، روغن عطری شُخِلی تا اُچِت و اُ جَسد عیسی عطر بِزنِت. 2پَ تِی اوّلین رازِ هفتَه، صبح شَفَک، موکَهِ در اُندَهِ آفتُو، زنیا اُ طرف مَکبَرَه چِدِت. 3آنایا شُن یَه اَگُت: «کِه مِ سنگ گاتا اَسِی اَما از جلووِ دَهَنَه مَکبَرَه اُ لَرد اَزاد؟» 4وَختی اُ مَکبَرَه رَسِدِت، شُدی مِ سنگا که بُری گات هاد، از جلووِ دَهَنَه مَکبَرَه اُ لَرد زادَ بُدِ. 5وَختی اُ تِک مَکبَرَه چِدِت، اُ یَک جَوونی شُدی که طرف راست اُداستاد و عبایی سَفید شُبار هاد. زنیا از دِدَهِ آنا بُری تِرسِدِت. 6مِ جَوونا شُ آنایا گُت: «مَتِرسی. شما اَزدُمِ عیسای ناصری هی که شُن صلیب کِه. آنا زندَه آبُدِ؛ اِکا نی. جَی که جَسدُش شُنَدِستادا بِبِنی. 7ولی اُچی و اُ شاگردیاش و اُ پِطرُس بِگائی که آنا کَبل از شما اُ منطکَهِ جلیل اَچِه؛ آنکا شَبِنی، هَموناکِه شُ شما گُتِستاد.» 8پَ زِنیا دَر اُندِت و از مَکبَرَه گُروختِت، اَسِی که لَرزَه شُن جو اُفتَدِستاد و هُشکشو اُشزادِستاد. آنایا چِی شُن هِسکَه نِگُت، اَسِی که شواَتِرسی. 9وَختی عیسی تِی اوّلین رازِ هفتَه صبح شَفَک زندَه آبو، اوّل اُ مریم مَجْدَلیَّه ظاهر بو، که از آنا هفتا دیو شُدَر کِردِستاد. 10مریم چو و شُ یارِی عیسی که ماتام شُگِرِتِستاد و گِریخ شواَکِه، خبر اُشدَ. 11ولی آنایا وَختی شُشُنُفت که عیسی زندَه آبُدِ و مریم اُ آنا اُشدِدِ، باور شُنِکِه.
12بعد از آنا، عیسی وَ شَکل و ظاهری دِگَه اُ دو نفر از آنایاکِه اُ طرف یَک دِهی اَچِدِت، ظاهر بو. 13آن دوتا آگِشتِت و شُن بَکیَه خبر دَ، ولی حرف آنایا هم باور شُنِکِه.
ماموریت گات
14بعد عیسی اُ مِ یازدَه شاگرد، در حالی که سِرِ سفره اُداستادِت ظاهر بو و اُ آنایا وَخاطر بی‌ایمونی و سنگدلیشو نِهِب اُشدَ، اَسِی که حرف کسِی که اُ آنا بعد از زندَه آبُدَش شُدِدِستاد، باور شُنِکِردِستاد. 15عیسی شُ آنایا گُت: «اُ کُل دنیا اُچی و خبر خَشِ پادشاهِنِ خدائا اُ هَمَهِ خلایِک اعلام بِکنی. 16هرکَه ایمون بیارِ و غُسل تعمید بِگِرِ، نجات پیدا اَکو. ولی هرکَه ایمون نیارِ، محکوم اَبِه. 17و اِ نِشونَه‌یّا اُمرَهِ کَسِیه که اُ ما ایمون شُهَه: آنایا وَ اسم ما اُ دیویا از آدامیا دَر اَکنِت و اُ زابُنِی تازه حرف اَزنِت. 18آنایا اُ ماریا وَ دستیاشو اَگِرِت، اَگَه زهر کُشَندَه هم واخرِت، چِی شُن نابِه، دستیاشو لِی مریضیا اَنِسِت و آن مریضیا شفا اَگِرِت.»
19پَ خداوند عیسی بعد از اِکِه اِ حرفیَه‌وا شُ آنایا زاد، اُ آسِمو بَرا بُردَ بو و اُ دست راست خدا شَست. 20پَ شاگردیا چِدِت و مَجا تعلیم شواَدَ، خداوند اُمرَهِ آنایا کَر شَکِه و خاد نِشونَه‌ئِی که شاگردیا اَنجوم شواَدَ، پیغوم آنایائا تایید شَکِه.
Nke Ahọpụtara Ugbu A:
انجیل مَرقُس 16: LAB
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
@ 2024 Korpu Company
انجیل مَرقُس 16
16
زندَه آبُدَئِه عیسی
1وَختی رازِ شنبه مکدّس گذشت، مریم مَجْدَلیَّه، مریم نَنَهِ یعکوب و سالومَه، روغن عطری شُخِلی تا اُچِت و اُ جَسد عیسی عطر بِزنِت. 2پَ تِی اوّلین رازِ هفتَه، صبح شَفَک، موکَهِ در اُندَهِ آفتُو، زنیا اُ طرف مَکبَرَه چِدِت. 3آنایا شُن یَه اَگُت: «کِه مِ سنگ گاتا اَسِی اَما از جلووِ دَهَنَه مَکبَرَه اُ لَرد اَزاد؟» 4وَختی اُ مَکبَرَه رَسِدِت، شُدی مِ سنگا که بُری گات هاد، از جلووِ دَهَنَه مَکبَرَه اُ لَرد زادَ بُدِ. 5وَختی اُ تِک مَکبَرَه چِدِت، اُ یَک جَوونی شُدی که طرف راست اُداستاد و عبایی سَفید شُبار هاد. زنیا از دِدَهِ آنا بُری تِرسِدِت. 6مِ جَوونا شُ آنایا گُت: «مَتِرسی. شما اَزدُمِ عیسای ناصری هی که شُن صلیب کِه. آنا زندَه آبُدِ؛ اِکا نی. جَی که جَسدُش شُنَدِستادا بِبِنی. 7ولی اُچی و اُ شاگردیاش و اُ پِطرُس بِگائی که آنا کَبل از شما اُ منطکَهِ جلیل اَچِه؛ آنکا شَبِنی، هَموناکِه شُ شما گُتِستاد.» 8پَ زِنیا دَر اُندِت و از مَکبَرَه گُروختِت، اَسِی که لَرزَه شُن جو اُفتَدِستاد و هُشکشو اُشزادِستاد. آنایا چِی شُن هِسکَه نِگُت، اَسِی که شواَتِرسی. 9وَختی عیسی تِی اوّلین رازِ هفتَه صبح شَفَک زندَه آبو، اوّل اُ مریم مَجْدَلیَّه ظاهر بو، که از آنا هفتا دیو شُدَر کِردِستاد. 10مریم چو و شُ یارِی عیسی که ماتام شُگِرِتِستاد و گِریخ شواَکِه، خبر اُشدَ. 11ولی آنایا وَختی شُشُنُفت که عیسی زندَه آبُدِ و مریم اُ آنا اُشدِدِ، باور شُنِکِه.
12بعد از آنا، عیسی وَ شَکل و ظاهری دِگَه اُ دو نفر از آنایاکِه اُ طرف یَک دِهی اَچِدِت، ظاهر بو. 13آن دوتا آگِشتِت و شُن بَکیَه خبر دَ، ولی حرف آنایا هم باور شُنِکِه.
ماموریت گات
14بعد عیسی اُ مِ یازدَه شاگرد، در حالی که سِرِ سفره اُداستادِت ظاهر بو و اُ آنایا وَخاطر بی‌ایمونی و سنگدلیشو نِهِب اُشدَ، اَسِی که حرف کسِی که اُ آنا بعد از زندَه آبُدَش شُدِدِستاد، باور شُنِکِردِستاد. 15عیسی شُ آنایا گُت: «اُ کُل دنیا اُچی و خبر خَشِ پادشاهِنِ خدائا اُ هَمَهِ خلایِک اعلام بِکنی. 16هرکَه ایمون بیارِ و غُسل تعمید بِگِرِ، نجات پیدا اَکو. ولی هرکَه ایمون نیارِ، محکوم اَبِه. 17و اِ نِشونَه‌یّا اُمرَهِ کَسِیه که اُ ما ایمون شُهَه: آنایا وَ اسم ما اُ دیویا از آدامیا دَر اَکنِت و اُ زابُنِی تازه حرف اَزنِت. 18آنایا اُ ماریا وَ دستیاشو اَگِرِت، اَگَه زهر کُشَندَه هم واخرِت، چِی شُن نابِه، دستیاشو لِی مریضیا اَنِسِت و آن مریضیا شفا اَگِرِت.»
19پَ خداوند عیسی بعد از اِکِه اِ حرفیَه‌وا شُ آنایا زاد، اُ آسِمو بَرا بُردَ بو و اُ دست راست خدا شَست. 20پَ شاگردیا چِدِت و مَجا تعلیم شواَدَ، خداوند اُمرَهِ آنایا کَر شَکِه و خاد نِشونَه‌ئِی که شاگردیا اَنجوم شواَدَ، پیغوم آنایائا تایید شَکِه.
Nke Ahọpụtara Ugbu A:
:
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
@ 2024 Korpu Company