انجیل مَرقُس 11
11
ورود شاهانَه عیسی
1وَختی اُ دِهاتِی بِیت‌فاجی و بِیت‌عَنْیا رَسِدِت، که نَزیک شهر اورشلیم و تِی کاو زیتون هاد، عیسی دو نفر از شاگردیاش اُشفِرِستَ 2و شُ آنایا گُت: «اُ دِهی که تُن جلووِ اُچی، تا جا چِدی. اُ کُرَّه الاغی اَدَجُری که شُبَستِه و تا آلَه کسی شُ سُوار نِبُدِ. واز اُشبِکنی و بیاری. 3اَگَه کسی شُ شما گُت: ”اَسِی چه اینا کِردای؟“ بِگائی: ”خداوند اُ آنا احتیاج اُشَه و جِخُو اُ اِکا آپَس اَفرِستِ.“» 4مِ دوتا چِدِت و تِی کوچَه‌ای کُرَّه الاغی شُناجو که جلووِ دَری بَستِستاد. و آنا واز شُناکِه. 5بعضی از کسِی که آنکا وَایستَدِستادِت شُن آنایا گُت: «اَسِی چه کُرَّه الاغا واز اُشکِردای؟» 6مِ دوتا هَموناکِه عیسی شُ آنایا گُتِستاد، جواب شُنادَ؛ آنایا هم شُهِشت که اُچِت. 7شاگردیا کُرَّه الاغا حَدِ عیسی شُئو و عباشو شُن لِی آنا بِست، و عیسی سُوار بو. 8خیلیا عباشو سِرِ رَه عیسی شُبِست و مُشتی هم شاخَه‌ئِی که از درختِی سِرِ زِمِنیا شُبُلِدِستاد، تِی رَه شواَبِست. 9کسِی که جلوتَه از عیسی اَچِدِت و آنایاکِه از پشتِ سِرَش داندِت، کال شواَکِه و شواَگُت:
«نجات هادِ!»
«مُتبارکِه، آناکِه وَ اسم خداوند اَدا!»
10«مُتبارکِه پادشاهِنِ جَد اَما داوود که اَدا!»
«نجات، تِی آسِمونِ آسِمونیا!»
11عیسی اُ اورشلیم اُمَ و اُ معبد چو. آنکا اُ مَچی که دوروبَرُش هاد چَش اُشکِه، ولی اَسِی که وَرگار هاد، اُمرَهِ آن دوازده‌تا شاگردا اُ بِیت‌عَنْیا چو.
عیسی اُ درخت انجیر نفرین اَکو
12رازِ بعد، موکَه‌ای که از بِیت‌عَنْیا در اُندِت، عیسی گُشنَش هاد. 13از دور درخت انجیری اُشدی که برگ اُشهاد؛ پَ چو تا بِبِنِه شَشابِه انجیر لِی آنا واجُرِ یا نَه. وَختی نَزیک آبو، غیر از برگ چِی لِی آنا شانِجو، اَسِی که هَنو فصل انجیر نِهاد. 14عیسی شُ درخت گُت: «دِگَه هِسوَخت کسی از تو میوَه نِخَه!» شاگردیاش اِئا شُشُنُفت.
عیسی معبدا پاک اَدَکو
15وَختی اُ اورشلیم رَسِدِت، عیسی اُ معبد چو و اُ کسِی که تِک معبد خرید و فروش شواَکِه شُدَر کِه. آنا میز صرّافیا و بَساط کَموتَر فروشیا شابَردِنَه. 16و اُشنِهِشت کسی اَسِی بار بُردَ از مارَکَهِ صَحن معبد رَد بِبِه. 17عیسی شُ آنایا تعلیم دَ و اُشگُت: «مَ تِی نوشتَه‌ئِی مکدّس نوشتَه نِبُدِ که،
«”اُ خونَهِ ما اَگائِت خونَهِ دعا اَسِی هَمَهِ ملتیا“؟
ولی شما آنا ”لونَهِ دُزیا“ تُکِردِ.»
18کاهِنِی گَپ معبد و معلمِی تورات وَختی اِئا شُشُنُفت، اَزدُمِ رَهی هادِت که اُ عیسی نابود بِکنِت، اَسِی که از آنا شواَتِرسی، اَسِی که هَمَهِ جماعت از تعلیمِی آنا هُشکشو اُشزادِستاد. 19موکَهِ شوم که بو، عیسی و شاگردیا از شهر دَر چِدِت.
یَک درس از درخت انجیر
20صبح وَگَه، هَموناکِه رَد اَبُدِت درخت انجیرا شُدی که از ریشَه هُشک آبُدِستاد. 21پِطرُس شُ یاد اُمَ و شُ عیسی گُت: «استاد، بِبِن! درخت انجیری که نفرین اُتکِه، هُشک آبُدِ.» 22عیسی شُ آنایا جواب دَ: «اُ خدا ایمون تُبِه. 23حکیکتاً، اُ شما اَگام، هرکَه اُ اِ کاوا بِگِه، ”از جا کادَ بِش و اُ خوت تِی دریا هُبی،“ و تِی دلُش شَک نِکو، بلکه ایمون اُشبِه چِی که اَگِه اتفاک اَفتِه، اَسِی آنا اَنجوم اَبِه. 24پَ اُ شما اَگام، مِ چِی که تِی دعا تُئِه، ایمون تُبِه که تُگِرِتِه. و آنا مال شما اَبِه.
25«هر وَخت دعا اَکنی، اَگَه از کسی چِی تُن تِک دِلِه، اُشبِبَخشی تَ بای آسِمونیتو هم، خطائیاتو بِبَخشِه. 26ولی اَگَه شما نِبَخشی، بای آسِمونیتو هم، خطائیاتو نابَخشِه.»
سؤال دربارَهِ اِکتدار عیسی
27آنایا دَفَیدو اُ اورشلیم اُندِت. موکَه‌ای که عیسی تِک معبد کَدام شَزاد، کاهِنِی گَپ و معلمِی تورات و شیخیا شُحَد اُندِت، 28و از آنا شُپُرسی: «وَ چه حَکی اِ کَریَه‌وا اَکنِش؟ کِه حَک اَنجوم اِ کَریَه‌وا شُ تو دَدِ؟» 29عیسی جواب اُشدَ: «ما هم از شما یَک سوالی اُمَ. اُ ما جواب هاتی تَ ما هم اُ شما بِگام وَ چه حَکی اِ کَریَه‌وا اَکنام. 30غُسل تعمیدی که یحیی شَدَ از طرف خدا هاد یا از طرف انسان؟ جواب هاتی.» 31آنایا اُمرَییَه شُور شُکِه و شُگُت: «اَگَه بِگائِم، ”از طرف خدا هاد“، اَگِه، ”پَ اَسِی چه اُ آنا ایمون تُنِئو؟“ 32ولی اَگَه بِگائِم، ”از طرف انسان هاد“…» - آنایا از مردم شواَتِرسی، اَسِی که هَمَه اُ یحیی یَک پیغامبر واکعی شواَدانِست. 33پَ آنایا شُن عیسی جواب دَ: «نادانِم.» عیسی شُ آنایا گُت: «ما هم اُ شما ناگام وَ چه حَکی اِ کَریَه‌وا اَنجوم اَتام.»
Nke Ahọpụtara Ugbu A:
انجیل مَرقُس 11: LAB
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
@ 2024 Korpu Company
انجیل مَرقُس 11
11
ورود شاهانَه عیسی
1وَختی اُ دِهاتِی بِیت‌فاجی و بِیت‌عَنْیا رَسِدِت، که نَزیک شهر اورشلیم و تِی کاو زیتون هاد، عیسی دو نفر از شاگردیاش اُشفِرِستَ 2و شُ آنایا گُت: «اُ دِهی که تُن جلووِ اُچی، تا جا چِدی. اُ کُرَّه الاغی اَدَجُری که شُبَستِه و تا آلَه کسی شُ سُوار نِبُدِ. واز اُشبِکنی و بیاری. 3اَگَه کسی شُ شما گُت: ”اَسِی چه اینا کِردای؟“ بِگائی: ”خداوند اُ آنا احتیاج اُشَه و جِخُو اُ اِکا آپَس اَفرِستِ.“» 4مِ دوتا چِدِت و تِی کوچَه‌ای کُرَّه الاغی شُناجو که جلووِ دَری بَستِستاد. و آنا واز شُناکِه. 5بعضی از کسِی که آنکا وَایستَدِستادِت شُن آنایا گُت: «اَسِی چه کُرَّه الاغا واز اُشکِردای؟» 6مِ دوتا هَموناکِه عیسی شُ آنایا گُتِستاد، جواب شُنادَ؛ آنایا هم شُهِشت که اُچِت. 7شاگردیا کُرَّه الاغا حَدِ عیسی شُئو و عباشو شُن لِی آنا بِست، و عیسی سُوار بو. 8خیلیا عباشو سِرِ رَه عیسی شُبِست و مُشتی هم شاخَه‌ئِی که از درختِی سِرِ زِمِنیا شُبُلِدِستاد، تِی رَه شواَبِست. 9کسِی که جلوتَه از عیسی اَچِدِت و آنایاکِه از پشتِ سِرَش داندِت، کال شواَکِه و شواَگُت:
«نجات هادِ!»
«مُتبارکِه، آناکِه وَ اسم خداوند اَدا!»
10«مُتبارکِه پادشاهِنِ جَد اَما داوود که اَدا!»
«نجات، تِی آسِمونِ آسِمونیا!»
11عیسی اُ اورشلیم اُمَ و اُ معبد چو. آنکا اُ مَچی که دوروبَرُش هاد چَش اُشکِه، ولی اَسِی که وَرگار هاد، اُمرَهِ آن دوازده‌تا شاگردا اُ بِیت‌عَنْیا چو.
عیسی اُ درخت انجیر نفرین اَکو
12رازِ بعد، موکَه‌ای که از بِیت‌عَنْیا در اُندِت، عیسی گُشنَش هاد. 13از دور درخت انجیری اُشدی که برگ اُشهاد؛ پَ چو تا بِبِنِه شَشابِه انجیر لِی آنا واجُرِ یا نَه. وَختی نَزیک آبو، غیر از برگ چِی لِی آنا شانِجو، اَسِی که هَنو فصل انجیر نِهاد. 14عیسی شُ درخت گُت: «دِگَه هِسوَخت کسی از تو میوَه نِخَه!» شاگردیاش اِئا شُشُنُفت.
عیسی معبدا پاک اَدَکو
15وَختی اُ اورشلیم رَسِدِت، عیسی اُ معبد چو و اُ کسِی که تِک معبد خرید و فروش شواَکِه شُدَر کِه. آنا میز صرّافیا و بَساط کَموتَر فروشیا شابَردِنَه. 16و اُشنِهِشت کسی اَسِی بار بُردَ از مارَکَهِ صَحن معبد رَد بِبِه. 17عیسی شُ آنایا تعلیم دَ و اُشگُت: «مَ تِی نوشتَه‌ئِی مکدّس نوشتَه نِبُدِ که،
«”اُ خونَهِ ما اَگائِت خونَهِ دعا اَسِی هَمَهِ ملتیا“؟
ولی شما آنا ”لونَهِ دُزیا“ تُکِردِ.»
18کاهِنِی گَپ معبد و معلمِی تورات وَختی اِئا شُشُنُفت، اَزدُمِ رَهی هادِت که اُ عیسی نابود بِکنِت، اَسِی که از آنا شواَتِرسی، اَسِی که هَمَهِ جماعت از تعلیمِی آنا هُشکشو اُشزادِستاد. 19موکَهِ شوم که بو، عیسی و شاگردیا از شهر دَر چِدِت.
یَک درس از درخت انجیر
20صبح وَگَه، هَموناکِه رَد اَبُدِت درخت انجیرا شُدی که از ریشَه هُشک آبُدِستاد. 21پِطرُس شُ یاد اُمَ و شُ عیسی گُت: «استاد، بِبِن! درخت انجیری که نفرین اُتکِه، هُشک آبُدِ.» 22عیسی شُ آنایا جواب دَ: «اُ خدا ایمون تُبِه. 23حکیکتاً، اُ شما اَگام، هرکَه اُ اِ کاوا بِگِه، ”از جا کادَ بِش و اُ خوت تِی دریا هُبی،“ و تِی دلُش شَک نِکو، بلکه ایمون اُشبِه چِی که اَگِه اتفاک اَفتِه، اَسِی آنا اَنجوم اَبِه. 24پَ اُ شما اَگام، مِ چِی که تِی دعا تُئِه، ایمون تُبِه که تُگِرِتِه. و آنا مال شما اَبِه.
25«هر وَخت دعا اَکنی، اَگَه از کسی چِی تُن تِک دِلِه، اُشبِبَخشی تَ بای آسِمونیتو هم، خطائیاتو بِبَخشِه. 26ولی اَگَه شما نِبَخشی، بای آسِمونیتو هم، خطائیاتو نابَخشِه.»
سؤال دربارَهِ اِکتدار عیسی
27آنایا دَفَیدو اُ اورشلیم اُندِت. موکَه‌ای که عیسی تِک معبد کَدام شَزاد، کاهِنِی گَپ و معلمِی تورات و شیخیا شُحَد اُندِت، 28و از آنا شُپُرسی: «وَ چه حَکی اِ کَریَه‌وا اَکنِش؟ کِه حَک اَنجوم اِ کَریَه‌وا شُ تو دَدِ؟» 29عیسی جواب اُشدَ: «ما هم از شما یَک سوالی اُمَ. اُ ما جواب هاتی تَ ما هم اُ شما بِگام وَ چه حَکی اِ کَریَه‌وا اَکنام. 30غُسل تعمیدی که یحیی شَدَ از طرف خدا هاد یا از طرف انسان؟ جواب هاتی.» 31آنایا اُمرَییَه شُور شُکِه و شُگُت: «اَگَه بِگائِم، ”از طرف خدا هاد“، اَگِه، ”پَ اَسِی چه اُ آنا ایمون تُنِئو؟“ 32ولی اَگَه بِگائِم، ”از طرف انسان هاد“…» - آنایا از مردم شواَتِرسی، اَسِی که هَمَه اُ یحیی یَک پیغامبر واکعی شواَدانِست. 33پَ آنایا شُن عیسی جواب دَ: «نادانِم.» عیسی شُ آنایا گُت: «ما هم اُ شما ناگام وَ چه حَکی اِ کَریَه‌وا اَنجوم اَتام.»
Nke Ahọpụtara Ugbu A:
:
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
@ 2024 Korpu Company