मत्ती 27
27
पिलातुसा चे सामणे ईशु
(मरकुस 15:1; लूका 23:1,2; यूहन्ना 18:28–32)
1जिसे बेले ङिओ उभरला तां सारे प्रधान याजका ते लौका चे बङका ने ईशु नु मारती नाखणे ची सलाह करली। 2वाणे ईशु नु ब़न्धवाले ते गेहली जती कर पिलातुस अधिकारीया चे हाथा मां सोंपती ङिले।
यहूदा ने आत्महत्या करली
(प्रेरितां चे काम 1:18,19)
3 #
प्रेरि 1:18,19 जिसे बेले ओचे पकड़ावणे आले यहूदा ने ङेखले कि ईशु दोषी ठहराला गेला तां ओ पछताला, ते वे त्रीस चान्दी चे सिक्के प्रधान याजका ते बङका चे गोढु फेरती आला, 4ते केहले, “मैं बेकसूर नु मरावणे वास्ते पकड़वाती कर पाप करला।”
वाणे केहले, “अम्हानु का? तु ही जाण।”
5तब यहूदा वां सिक्का नु मन्दरा मां भुकाती कर चाह्ला गेला, ते जती कर आपणे आप नु फांसी लाली।
6प्रधान याजका ने वां सिक्का नु चती कर केहले, “याहनु मन्दरा मां मेहलणे ठीक कोनी, कांकि हा लुहींया ची कीमत छै।” 7तां वाणे सलाह करती कर वां सिक्का लारे प्रदेसीया नु दफनावणे वास्ते कुम्भारा चा खेत मोल गेहती गेला। 8ये वजह कनु ओ खेत आज़ तक “लुहींया चा खेत” किहवावे। 9बल्ति जको वचन यिर्मयाह भविष्यवक्ता चे जरिये केहला गेलता ओ पूरा हुला, “वाणे वे त्रीस सिक्के, यानि वा ठहराली हुली रकमी नु जानु इस्राएल ची ऊलाद्धी महु कितना ने ठहराली हुती। 10ते जिंवे प्रभु ने मनु आज्ञा ङिली हुती यूंही, वानु कुम्भारा चे खेता चा मोल ङिती ङिला।”
पिलातुस चे सवाल
(मरकुस 15:2–5; लूका 23:3–5; यूहन्ना 18:33–38)
11जिसे बेले ईशु राज्यपाल चे सामणे भिला हुता तां राज्यपाल ने ईशु कनु पूछले, “का तु यहूदिया चा राजा छी?”
ईशु ने ओनु केहले, “तु आप ही किही पला।” 12जिसे बेले प्रधान याजका ते बङके ओचे उपर दोष लावी पलते, तां ओणे कुई उत्तर ना ङिला।
13ऐचे उपर पिलातुस ने ओनु केहले, “का तु ना सुणी कि ये दुधे विरोध मां कितनीया ग़वाहीया ङी पले?”
14पर ईशु ने ओनु हेक बाते चा वी उत्तर कोनी ङिला, इठे तक कि राज्यपाल नु बङा अचम्भा हुला।
मौत चे ङण्ड ची आज्ञा
(मरकुस 15:6–15; लूका 23:13–25; यूहन्ना 18:39—19:16)
15राज्यपाल ची हा रीत हुती कि फसह चे तेंहवारा उपर लौका वास्ते कुई हेक कैदीया नु जानु वे चाहते छोड़ती ङिता। 16ओ समय वांचे इठे बरअब्बा नांवा चा हेक मनला आला कैदी हुता। 17तां जिसे बेले वे भेले हुले तां पिलातुस ने वाकनु पूछले, “तम्ही कानु चाहवा कि मैं तम्चे वास्ते छोड़ती ङिये, बरअब्बा नु, जा ते बल्ति ईशु नु जको मसीह किहवावे?” 18कांकि ओ जाणता कि वाणे ओनु साड़ा कनु पकड़वाले हुते। 19जिसे बेले पिलातुस न्यां ची गद्दी उपर ब़ेहला हुता, तां ओची घराआली ने किहवाती भेज़ले, “तु ओ धर्मीया चे मामले मां हाथ ना अड़ायो, कांकि मैं आज़ खाबा मां ओची वजह कनु ब़ोहत ङोख चले।”
20प्रधान याजका ते बङका ने लौका नु उभारले कि वे बरअब्बा नु मांगती गिहो, ते ईशु चे नाश करवाओ। 21राज्यपाल ने वाकनु पूछले, “यां ङुंहु महु कानु चाहवा कि मैं तम्चे वास्ते छोड़ती ङिये?”
वाणे केहले, “बरअब्बा नु।”
22पिलातुस ने वांचे कनु पूछले, “बल्ति ईशु नु जको मसीह किहवावे, ओचे मैं का करे?”
सब ने ओनु केहले, “ओ क्रूसा उपर चढ़ाला जाओ!”
23पिलातुस ने केहले, “कां? ओणे का बुराई करली?”
पर वे होर वी जोरा-जोरा चे किहुं लाग़ले, “ओनु क्रूसा उपर चढ़ाले जाओ।” 24जिसे बेले पिलातुस ने ङेखले कि कहीं बण ना सग़ी पर ओचे उलटा हुल्लड़ बधता जाये, तां ओणे पाणी चती भीड़ी चे सामणे आपणे हाथ धोले ते केहले, “मैं ऐ धर्मीया चे लुहींया कनु बेकसूर छै, तम्ही ही जाणा।”
25सब लौका ने उत्तर ङिला, “ऐचे लुहीं अम्चे उपर ते अम्ची ऊलाद्धी उपर हो!”
26ऐचे उपर ओणे बरअब्बा नु वांचे वास्ते छोड़ती ङिले, ते ईशु नु कोड़े मरवाती कर सोंपती ङिले,कि क्रूसा उपर चढ़ाला जाओ।
सिपाहीया ने ईशु ची मजाक करली
(मरकुस 15:16–20; यूहन्ना 19:2,3)
27तब राज्यपाल चे सिपाही ईशु नु किले मां गेहती गेले सारी पलटन ओचे चारो-तरफ भेली करली, 28ते ओची ओढ़णी उतारती कर ओनु लाल रंगा चा चोला घलाला, 29ते कांटा चा मुग़ट ग़ूंथती कर ओचे ठोङा उपर मेहला, ते ओचे सज़्ज़े हाथा मां कान्नै ङिले, ते ओचे आग़ु गोङे टेकती कर ओचा मखोल उङारु पड़ती गेले ते केहले, “यहूदिया चा राजा, नमस्कार!” 30ते ओचे उपर थूकले ते ऊंही कान्नै गेहती कर ओचे ठोङा उपर मारु लाग़ले। 31जब वे ओचा मखोल करती चुकले, तां ओ चोला ओचे कनु उतारती कर, बल्ति ओची ओढ़णी घलाली, ते क्रूसा उपर चढ़ाणे वास्ते गेहती टुरले।
ईशु चे क्रूसा पर चढ़ाले जाणे
(मरकुस 15:21–32; लूका 23:26–43; यूहन्ना 19:17–27)
32ब़ाहर जते हुले वानु शमौन नांवा चे कुरेनी शक्स मिड़ला। वाणे ओनु बिंगारी मां पकड़ले कि ओचा क्रूस चली चालो। 33वे जग़हा उपर जको “गुलगुता” यानिकि “खोपड़ी ची जग़हा” किहवावे पुज़ती कर, 34वाणे पित्ते मिलाले हुले अंगूरा चा रस ओनु पीणे वास्ते ङिला, पर ओणे चाखती कर पीणा ना चाह्ला।
35तब वाणे ओनु क्रूसा उपर चढ़ाले, ते पर्चीया नाखती कर ओची ओढ़णी बांटती गेहली, 36ते ओठे ब़ेसती कर ओचे उपर पाहरा ङिऊं लाग़ले। 37ते ओचा दोष-पत्र ओचे ठोङा चे उपर लाला, कि “हा यहूदिया चा राजा ईशु छै।” 38तब ओचे लारे ङोन ङाकु हेक सज़्ज़े पासु ते हेक खब़्ब़े पासु, क्रूसा उपर चढ़ाले गेले।
39आणे जाणे आले ठोङ हलाती-हलाती कर ओची निन्दा करी पलते, 40#मत्ती 26:61; यूह 2:19ते ईं किही पलते, “हे मन्दरा नु ढावणे आला ते तीन ङिहां मां बणावणे आला, आपणे आप नु तां बचा। अगर तु नरीकारा चा पूत छी, तां क्रूसा कनु तले उतरती आ।”
41येही रीति लारे प्रधान याजका वी शास्त्रीया ते बङका समेत मखोल करती कर किही पलते, 42“ऐणे नेरा नु बचाले, ते आपणे आप ना बचा सग़ी। हा तां इस्राएल चा राजा छै। हमा क्रूसा कनु तले उतरती आओ तां अम्ही ओचे उपर विश्वास करु। 43ओणे नरीकारा उपर भरोसा राखला, अगर ओ ऐनू चाहवे, तां हमा ऐनू छुड़ाती गिहो, कांकि ऐणे केहले हुते, ‘मैं नरीकारा चा पूत छै।’ ” 44यूं करती ङाकु वी जको ओचे लारे क्रूसा उपर चढ़ाले गेलते, ओची निन्दा करी पलते।
ईशु ची मौत
(मरकुस 15:33–41; लूका 23:44–49; यूहन्ना 19:28–30)
45ङुपाहरा कनु लाती कर तीजे पाहरा तक सारे देशा मां अन्धारे रेहले। 46तीजे पाहर चे गोढु ईशु ने बङा साङ मारती कर केहले, “एली, एली, लमा शबकतनी?” यानिकि “हे माया नरीकार, हे माया नरीकार, तु मनु कां छोड़ती ङिले?”
47जको ओठे भिले हुते, वांचे महु कितना ने ईं सुणती कर केहले, “हा तां एलिय्याह नु हकारे पला।” 48वांचे महु हेक तुरन्त द्रोड़ला, ते ब़ुड़ा चती सिरके मां ब़ोड़ला, ते कान्नै उपर मेहलती कर ओनु चूपाला।
49नेरा ने केहले, “रुकती जावा, ङेखु एलिय्याह ओनु बचाऊं आवे के ना।”
50तब ईशु ने बल्ति ऊंची अवाजी मां साङ मारती कर जेन्द छोड़ती ङिली।
51ते ङेखा, मन्दरा चा पड़दा उपर कनु लाती तले तक फड़ीती कर ङोन टुकड़े हुती गेला। ते धरती हलती गेली ते चट्टाना तिड़कती गेलीया, 52ते कब्रा खुलती गेलीया, ते मरले आले पवित्र लौका चे ब़ोहत सारी मुड़दी जीती हुली, 53ते ईशु चे जीते हुवणे चे बाद वे कब्रा महु निकलती कर पवित्र शहरा मां गेले ते घणा नु ङिसले। 54तब सूबेदार ते जको ओचे लारे ईशु चा पाहरा ङी पलते, भूकम्प ते जको कोच्छ हुले ओनु ङेखती कर घणे ङरती गेले ते केहले, “सच्चमां हा नरीकारा चा पूत हुता!”
55 #
लूक 8:2,3 ओठे ब़ोहत सारीया असतरीया जको गलील कनु ईशु ची सेवा करतीया हुलीया ओचे लारे आलीया हुतीया, दूर कनु ङेखी पलतीया। 56वांचे मां मरियम मगदलीनी, ते याकूब ते योसेस ची आई मरियम, ते जबदी चे पूता ची आई हुती।
ईशु चे दफनाले जाणे
(मरकुस 15:42–47; लूका 23:50–56; यूहन्ना 19:38–42)
57जब आथण हुले तां यूसुफ नांवा अरिमतिया चे हेक साहुकार बन्दे, जको आप ही ईशु चा चैला हुता, आला। 58ओणे पिलातुस कनु जती कर ईशु ची लाश मांगली। ऐचे उपर पिलातुस ने लाश ङिती ङेणे ची आज्ञा ङिली। 59यूसुफ ने लाश चली, विनु चिट्टी चादरी मां बलेठले, 60ते विनु आपणी नवीं कब्री मां मेहले, जको ओणे चट्टान मां खुदवाली हुती, ते कब्री चे दरवाजे उपर बङा पत्थर रेहड़ती कर चाह्ला गेला। 61मरियम मगदलीनी ते नेरी मरियम ओठे कब्री चे सामणे ब़ेहलीया हुतीया।
कब्री उपर पाहरा
62आग़ला ङिओ जको सब्त चा ङिओ हुता, प्रधान याजक ते फरीसी भेले हुती कर पिलातुस नु केहले, 63#मत्ती 16:21; 17:23; 20:19; मरकु 8:31; 9:31; 10:33,34; लूक 9:22; 18:31–33“हे महाराज, अम्हानु चैता छै कि ओ भरमाणे आले ने जिसे बेले जीता हुता केहले हुते, ‘मैं तीन ङिहां चे बाद जीता हुती जई।’ 64तां आज्ञा ङे कि तीन ङिहां तक कब्री ची रखवाली करली जाओ, इसड़े ना कि ओचे चैले आओ ओनु चोरी करती चती जाओ ते लौका नु किहुं लाग़ो, ‘ओ मरले आला महु जीता हुती आला।’ बल्ति भांसला धोक्का पेहले कनु बुरा हुवी।”
65पिलातुस ने वानु केहले, “तम्चे कनु पाहरेदार तां छी, जावा आपणी समझी चे मुताबिक रखवाली करा।” 66तां वे पाहरेदारा नु लारे गेहती गेले ते पत्थरा उपर मौहर लाती कर कब्री ची रखवाली करु लाग़ले।
Nke Ahọpụtara Ugbu A:
मत्ती 27: ODR
Mee ka ọ bụrụ isi
Kesaa
Lee anya n'etiti ihe abụọ
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
CC BY-NC-ND 4.0