زبور ۶۲
۶۲
دوه شپېتم زبور
د خدای په ساتنه اعتبار
(د سرود مشر یدوتون دپاره: د داود زبور)
1 زما ځان مومي ارام صرف د خدای حضور کې
ځکه نجات مې د هغه له خوا دی
2 یوازې هغه مې ساتي او ژغوري ما
هغه دی زما پناه ځای
نو زه به هېڅکله ونه خورم ماتې
3 ترڅو به تاسې ټول کوئ په هغه چا بریدونه
چې هغه ووژنئ
څوک چې په شان وي د کوږ شوي او لوېدلي دېوال؟
4 دوی صرف غواړي چې راښکته کړي هغه
د خپل عزت له ځایه
دوی له دروغو څخه خوند اخلي
په خوله کوي د برکت خبرې
په خپلو زړونو کې هغه باندې لعنت وایي
5 ای زما ځانه، ارام پیدا کړه صرف د خدای حضور کې
زما د امید سترګې هغه ته دي
6 یوازې هغه مې ساتي او ژغوري ما
هغه دی زما پناه ځای
نو زه به نه خورم ماتې
7 زما خلاصون زما عزت دواړه د خدای له خوا دي
قوي ساتونکی دی زما
او پناه ځای دی زما
8 ای زما قومه همېشه کوئ توکل په خدای
خپل تکلیفونه ټول هغه ته ووایئ
ځکه هغه دی پناه ځای زمونږ
9 انسانان ټول دي په مثال د پوکي
که هغوی لوی دي که واړه دي هغوی
ټول دي یوشان او هېڅ نه دي
واچوئ تله کې هغوی تاسې
نو د دوی وزن به هېڅ شی نه وي
وزن د دوی به وي له هوا هم کم
10 په تاو تریخوالي توکل مه کوئ
په لوټمارۍ باندې د ګټې امید مه کړئ تاسې
که شتمني د ستاسو زیاته هم شي
خو په هغې باندې تکیه مه کوئ
11 ما څو ځلې اورېدلي دي دا
چې خدای وایي دی قدرت ورسره
12 ای څښتنه، ستا مینه ده تلپاتې مینه
ځکه هرچا ته مطابق د عمل اجر ورکوې
Nke Ahọpụtara Ugbu A:
زبور ۶۲: APB
Mee ka ọ bụrụ isi
Mapịa
Lee anya n'etiti ihe abụọ
Kesaa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
Text of this book may be quoted in any form (written, visual, electronic or audio) up to and inclusive of five hundred (500) verses without express written permission of the publisher, provided the verses quoted do not amount to a complete book of the Bible nor do the verses quoted account for 25% of the total text of the work in which they are quoted. Notice of copyright must appear on the copyright page of the work as follows:
Scripture taken from the Holy Bible in Afghan Pashto,
Copyright © 2023 UBS. Used by permission. All rights reserved.