Zakarias 13
13
1Gua llive ka avel iek pai kai ka likel katar e phuv e chavenge katar o David ta e llenenge kai zivin ando Jerusalem, te sai jalaven po bilachipe ta po melalipe.#Sal 46.4; Ez 47.1-12; Jl 3.18; Jn 4.10-14; 7.37-38; Apo 21.6; 22.1-2. 2Gua llive, phenel o Del kai si le sa e zor, ka chudav katar e phuv e anava katar e slike ta nikada ios ni ka denpe golli lendar. Ta i ka ikanav katar e phuv e profetanen ta suako duo melalo. Me o Del phenav le. 3Ondaka, kana fiko ka mangel te poraukil, isto leke dada ka phenen leke:
Ni ka zivi, soke ando anav e Devleko kojadan. Ta isto leke dada ka den le e churiaia kana ka poraukil.
4Ande gua vreme sa e poraukura ka jan lallao kana ka poraukin, ta nikada ios ni ka thoven pe pete o gertachi morchako te kojaven. 5Ta ka phenen:
Me ni sem profeta, me radiv e phuv sar kana sema terno. 6Ta ka puchen le: ¿So si gala rrane pe che va? Ta vou ka phenel: Rranisarde len ande chera katar me pharnave.
O chobano e Devleko rranime
7O Del kai si le sa e zor phenel gia:
¡Uste, ioi jarni, de pe mo chobano
ta mo pharnavo!
¡Mundar e chobano, ta e stoka ka avel rispime,
ta me ka dav pe bakre mai minone!#Mt 26.31; Mk 14.27.
8Dui katar suako trin llene katar e phuv ka jasaon.
A iek katar e trin ka achel llundo ande phuv. 9Ta ka nakhavav ande iag
golen kai ka achen llunde,
ta ka chistou len sargo o rup,
sargo kana chiston o sunakai.
Ondaka von ka ikharen man,
ta me ka asunav len ta ka phenav lenge:
Foro murno,
ta von ka vacharen:
O Gazda si amaro Del.#Is 1.25; 48.10; Os 2.23; Mt 26.31; Mk 14.27.
Nke Ahọpụtara Ugbu A:
Zakarias 13: BACHRO
Mee ka ọ bụrụ isi
Mapịa
Lee anya n'etiti ihe abụọ
Kesaa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
Biblia ande chib Romani © Sociedad Bíblica Chilena, 2018.