Malakias 3
3
1Me bichalav me sluga, ta vou ka lacharel o drom angla ma. Ta kana ni ka uzdinpe, o Gazda kai tumen roden ka avel ando leko cher, ta i o suecho katar o alav kai tumen mangen. Dikhen kai avel, phenel o Del kai si le sa e zor.#Mt 11.10; Mk 1.2; Lk 1.76; 7.27.
2¿A ko ka achel zuralo kana ka avel? ¿Ko ka achel pe porrne kana ka dikhol? Soke vou si sargo iag kai chistol, ta sargo o sapui katar e llene kai jalaven.#Is 13.6; Ez 30.2-3; Jl 1.15; 2.11; Am 5.18-20; 8.9-14; Sof 1.14-18; Apo 6.17; Mt 3.10-12. 3Ka besel te chistosarel e poponen sargo kana chiston o rup, soke ka jalavel e chaven katar o Levi. Ka chistosarel len sargo o sunakai ta sargo o rup, ta ka anen e Devleke ofrende chiste. 4Ta o Del ka lel e ofrenda katar o Juda ta o Jerusalem, sargo ando vreme kai saia omanglal.
5Ta ka avav tumenge te chinav e kris. Ka dav pe chirimatarke ta pe llenen kai cheren o kurvaluko. Ka dav pe llenen kai jan sovel bange, ta kojaven e slugen andar e love kai morabi te pochinen lenge, kai kojaven e phivlien ta golen kai inai len dad. Kai ni daran mandar kana ni chinen kris orta e llenenge katar aver phuvia.
6Soke me o Del ni boldav mo mislo. Goleke, chave katar o Jakob, ni phabardem tumen.#Nm 23.19; Ebr 13.8; Stg 1.17. 7Katar e llivesa tumare purane, tumen durion katar me zakonura ta ni cheren murni volia. Irin tumen mange ta me ka iriv tumenge, phenel o Del kai si le sa e zor. Ta tumen phenen: ¿Soke morabi te iri amen chuke?#Is 55.7; Zak 1.3. 8¿Ka chorel o manus e Devletar? Tumen choren mandar. Ta tumen phenen: ¿So lian tutar? O diesmo ta e ofrende. 9Sa tumen sen prokete soke sa o foro vazdia mandar. 10Anen o diesmo ando murno cher, ta dikhen dal ni ka putarav e milosotar ta ka dav tumen but barvalipe#Lv 27.30; Nm 18.21-24; Dt 12.6; 14.22-29; Nej 13.12. 11Ni ka mukav te peren pe tumen muke kai zatrin tumare septelie ta tumare vostanura drakhake. 12Sa e phuvia ka phenen tumenge blagosime, soke tumari phuv ka avel but sukar. Me o Del phenav le.
13Tumen phenen mandar ezgode bilache. Ta puchen: ¿So phendam bilacho tutar? 14Gia phenden, kai te radin mange te llan ande patave zalosne ni blazil niso. 15Amen phena kai e llene kai istardon si vesele, ta e llene kai si bilache llal lenge sukar. Zumaven e Devle ta niso ni perel pe lende.#Mal 2.17.
16Ondaka gola llenen kai darana e Devletar phende iek avereke. Ta o Del asunda sa so phenena, ta angla o Del pisisardele ando lil te denpe golli katar e llene kai den liubao e Devle.
17Von ka aven mo barvalipe sukar, phenel o Del kai si le sa e zor. Kana ka avav ta ka prostiv len sargo kana o dad prostil pe chave.#Sal 103.13. 18Ondaka ka tumen pale ka dikhen so si lacho ta so si bilacho. Ka llanen ko blagosil e Devle ta ko iok.
Nke Ahọpụtara Ugbu A:
Malakias 3: BACHRO
Mee ka ọ bụrụ isi
Mapịa
Lee anya n'etiti ihe abụọ
Kesaa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
Biblia ande chib Romani © Sociedad Bíblica Chilena, 2018.