ኀበ ጢሞቴዎስ 2 2
2
ምዕራፍ 2
በእንተ ኄር መስተጋድል
1 #
መዝ. 68፥5። ወአንተኒ ወልድየ ጽናዕ በጸጋሁ ለእግዚእነ ኢየሱስ ክርስቶስ። 2#1ጢሞ. 3፥2። ወዘሰማዕከ በላዕሌየ በኀበ ብዙኃን ሰማዕት ኪያሁ መሀሮሙ ለመሃይምናን ሰብእ እለ ይደልዎሙ ከመ ይምሀሩ ለባዕዳን። 3#1፥8፤ 4፥5። ወጻሙ ከመ ኄር መስተጋድል ላእከ ኢየሱስ ክርስቶስ። 4#1ቆሮ. 9፥25።እስመ አልቦ ዘይትቃተል ወይኄሊ ንብረተ ዝ ዓለም ዘእንበለ ከመ ያድሉ ለዘሤሞ። 5መስተጋድልኒ ኢይከውኖ ምዝጋና ለእመ በሕጉ ኢተጋደለ። 6ወዘኒ ይጻሙ ሐረሳዊ ግብረ ይቀድም ረኪበ ፍሬሁ። 7ወለቡ ዘእቤለከ የሀብከ እግዚአብሔር ጥበበ በኵሉ። 8#2ሳሙ. 7፥12፤ 1ቆሮ. 15፥4-20። ተዘከሮ ለኢየሱስ ክርስቶስ ዘተንሥአ እምዉታን ዘእምዘርዐ ዳዊት ዘመሀርኩ በስሙ። 9#ኤፌ. 3፥1-13። ዘበእንቲኣሁ እሰርሕ ወእትሞቃሕ ከመ ጕሕልያ ወባሕቱ ቃለ እግዚአብሔርሰ ኢይትአሰር። 10#2ቆሮ. 6፥6። ወበእንተዝ እትዔገሥ በኵሉ በእንተ ኅሩያኒሁ ከመ እሙንቱሂ ይርከቡ ሕይወተ ዘበኢየሱስ ክርስቶስ ወስብሐተ ዘለዓለም ዘበሰማያት። 11#2ቆሮ. 4፥11፤ 1ጴጥ. 4፥13። እሙን ነገር እምከመ ዐረይነ መዊተ ንዔሪ ሕይወተ። 12#ማቴ. 10፥33፤ ሉቃ. 12፥9። ወእምከመ ዐረይነ ትዕግሥተ ንዔሪ ነጊሠ ወእመሰ ክሕድናሁ ውእቱኒ ይክሕደነ። 13#ዘኍ. 23፥19፤ ሮሜ 3፥3፤ 14፥1፤ 1ጢሞ. 6፥4። ወእመኒ ኢአመናሁ ውእቱሰ ምእመነ ይነብር ወኢይክል ክሒደ ርእሶ።
በእንተ እምነተ ገባራዊ
14 #
1ጢሞ. 6፥4። ከመዝ ዘክሮሙ ወአስምዕ ቅድመ እግዚአብሔር ወኢትትላኰይ በግብር ዘኢይበቍዕ በዘይትገፈትዑ እለ ይሰምዑ። 15#1ጢሞ. 4፥6፤ ቲቶ 2፥8። አስተፋጥን ከመ ትረሲ ርእሰከ ኅሩየ ለኀበ እግዚአብሔር ከመ ገባራዊ ዘኢይትኀፈር ዘርቱዐ ይመትር ቃለ እግዚአብሔር በጽድቅ። 16#1ጢሞ. 4፥7። ወለነገረ ርኩሳንሰ ዘአልቦ ባቍዕ እበዮ እስመ ያአብይዋ ለኀጢአቶሙ። 17#1ጢሞ. 1፥20። ወነገሮሙኒ ከንቱ ከመ ዘይትረአይ ወይልህቅ በብዙኃን እለ ሄሜኔዎስ ወፊሎጦስ። 18#1ቆሮ. 15፥12። እለ አውከኩ እምጽድቅ ወይብሉ ወድአ ኮነ ትንሣኤ ምዉታን ወይገፈትዑ ሃይማኖቶሙ ለብዙኃን። 19#ምሳ. 10፥25፤ ማቴ. 7፥23። ወዘሰ ጽኑዕ በመሠረተ እግዚአብሔር ይቀውም እንዘ ቦ ዝንቱ ማዕተብ ወየአምሮሙ እግዚአብሔር ለእሊኣሁ ወይርኅቅ እምዐመፃ ኵሉ ዘይሰሚ ስመ እግዚአብሔር። 20#ሮሜ 9፥21። ውስተ ቤትኒ ዐቢይ አኮ ባሕቲቱ ንዋየ ወርቅ ወብሩር ዓዲ ቦ ዘዕፅኒ ወዘልሕኵትኒ ቦ ዘለክብርኒ ወቦ ዘለኀሣርኒ። 21ወእመቦ ዘአንጽሐ ርእሶ እምዝ እኩይ ይከውን ንዋየ ክብር ቅዱሰ ወባቍዐ ለመልእክተ እግዚኡ ወድልወ ለኵሉ ምግባረ ሠናይ። 22#1ጢሞ. 6፥11። ጕየያ ለፍትወተ ውርዙት ወዴግና ለጽድቅ ወለሃይማኖት ተፋቅሮ ወሰላም ምስለ ኵሎሙ እለ ይጼውዕዎ ለእግዚአብሔር በልብ ንጹሕ። 23#1ጢሞ. 4፥7። እበዮ ለነገረ እበድ፥ ወሥላቅ ወተኃሥሦ ከንቱ ተአምር ከመ መንሱተ ያመጽእ። 24#ቲቶ 1፥7። ወገብረ እግዚአብሔርሰ ኢይትገዐዝ አላ ከመ ሕፃን የዋሀ ይከውን ምስለ ኵሉ ወመምህረ ወመስተዐግሠ እምኵሉ። 25ወይጌሥጽ በየውሀት ለእለ ይትቃረኑ እመቦ ከመ የሀቦሙ እግዚአብሔር ይነስሑ ወያእምርዎ ለጽድቅ። 26ወያንቅሁ ነፍሶሙ እመሥገርተ ሰይጣን እስመ ወድአ አሥገሮሙ ለተሊወ ፈቃዱ።
Nke Ahọpụtara Ugbu A:
ኀበ ጢሞቴዎስ 2 2: ሐኪግ
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye