Kulaba 33
33
Mukala wakufuma ku Engepita kuya ku Mowambi
1Muhoko wa mazina ano akutupanika mazina azimbalila oku mishobo ya Baishalela, bayile na kutenda munkungwa oho bafumakale ku Engepita mukwendeshiwa kwa Moshesha na Aloni. 2Ku ndayano za Nyambi ya Ngula, Moshesha watikitile lizina lya mbalila nimwayo aha batungilile munkungwa shikati na shikati.
3Bantu ba Ishalela, ha kulamiwa kwa Nyambi ya Ngula, bafumine ku Engepita mu munzi wa Lamashishi, ha mutena wawulikumi na mutanu wa ngonda wakutatika kwa mwaka, mutena wa kunyima wa Shimbo sha Kupitilila, hinga balushwila meho Baengepita, 4baya bekalile na kufunda bana ba bamyeli babalume baya azihile Nyambi ya Ngula. Nakutenda eshe, Nyambi ya Ngula, wamoneshele ngayi wengile wa ngovu kupitakana banyambi ba Engepita.
5Bantu ba Ishalela bafumine ku Lamashishi na kuya mukutenda munkungwa ku Shukota. 6Oho bafumine ku Shukota bayile mukutenda munkungwa wabo ku Etami ku nkumo ya libelelengwa. 7Kufuma ku Etami, babokele ku Pi Hahiloti ku mushamuko wa Mbaalu Zefwoni, pe bayile mukutenda kami munkungwa kwakwipi na Mingindo. 8Bafumine ku Pi Hahiloti niho bapitile mu Liwate lya Kufubila#33:8 Liwate lya Kufubila: Penza muhoko wa mazina. mukati ka libelelengwa lya Etami.#33:8 Etami: Lizina limina Shula. Oho bendele matena ahatu kami batendele munkungwa ku Mala. 9Kufuma kuyo, bayile ku Elimu, niko kami batendele munkungwa ndaba kuyo kwekalile tuheloke twa mema likumi na tubili na mitondo ya minkomona 70.
10Bafumine ku Elimu bayile na kutenda munkungwa wabo kwakwipi na Liwate lya matete. 11Munkungwa wabo wakulundaminako wekalile mu Libelelengwa lya Shini. 12Niho kami bakatendele munkungwa ku Ndofwika, 13kami oho bafumine ku Ndofwika bayile ku Alushi. 14Bafumine ku Alushi, bayile ku Lefwindima oku kwabulile mema akunwa bantu.
15Bafumine ku Lefwindima, pe bakatendele munkungwa ku Libelelengwa lya Shinayi. 16Bafumine ku Libelelengwa lya Shinayi, pe kami bakatendele munkungwa wabo ku Kimbuloti Hatava. 17Bafumine ku Kimbuloti Hatava pe bakatendele munkungwa ku Hazeloti. 18Bafumine ku Hazeloti bakatendelele munkungwa ku Litama. 19Bafumine ku Litama bakatendele munkungwa ku Limoni Pelizi. 20Bafumine ku Limoni Pelizi pe bakatendele munkungwa ku Limbina. 21Bafumine ku Limbina bakatendele kami munkungwa ku Lisha. 22Bafumine ku Lisha niho bakatendele kami munkungwa wabo ku Kehelata. 23Bafumine ku Kehelata pe bakatendele munkungwa ku Lipili lya Shefwila. 24Bafumine ku Lipili lya Shefwila pe bakatendele munkungwa ku Halanda. 25Bafumine ku Halanda pe bakatendele munkungwa ku Makelote. 26Bafumine ku Makelote pe bakatendele munkungwa ku Tahate. 27Bafumine ku Tahate pe bakatendele munkungwa ku Tela. 28Bafumine ku Tela pe bakatendele munkungwa ku Mitika. 29Bafumine ku Mitika pe bakatendele munkungwa ku Hashimona. 30Bafumine ku Hashimona pe bakatendele munkungwa ku Moshelote. 31Bafumine ku Moshelote pe bakatendele munkungwa ku Mbene Yaakani. 32Bafumine ku Mbene Yaakani pe bakatendele munkungwa ku Hola Hangindingandi. 33Bafumine ku Hola Hangindingandi pe bakatendele munkungwa ku Yotimbata. 34Bafumine ku Yotimbata pe batendele munkungwa ku Ambulona. 35Bafumine ku Ambulona pe bakatendele munkungwa ku Eziyoni Ngemba. 36Bafumine ku Eziyoni Ngemba pe bakatendele munkungwa ku Kandeshi mu Libelelengwa lya Zini (kutontolola ngayi Kandeshi). 37Bafumine ku Kandeshi pe bakatendele munkungwa ku Lipili lya Hola, ku nginza ya Litunga lya Endoma.
38 #
Kul 20:22-28; Nday 10:6; 32:50. Mukankombela Aloni wakandamine ku Lipili lya Hola ku ndayano za Nyambi ya Ngula, wakafwililile kuyo ha mutena wakutatika wa ngonda wa mutanu wa mwaka wa makumi anaa oho Baishalela bafumakale mu Engepita.
39Mukankombela Aloni wakandamine ku Lipili lya Hola ku ndayano za Nyambi ya Ngula. Wakafwililile kuyo, hinga ekala na myaka 123.
40 #
Kul 21:1. Mwene waku Alandi ku mabukubuku a Kenaani wayuvwile ngayi Baishalela bali na kwiza.
41Kufuma ku Lipili lya Hola pe bakatendele munkungwa ku Zalumona. 42Bafumine ku Zalumona pe bakatendele munkungwa ku Punona. 43Bafumine ku Punona pe bakatendele munkungwa ku Omboti. 44Bafumine ku Omboti pe bakatendele munkungwa ku mbalila ya mapembe a Iye Ambalimu mu litunga lya Mowambi. 45Bafumine ku Iye Ambilima pe bakatendele munkungwa ku Ndimboni Ngandi. 46Bafumine ku Ndimboni Ngandi pe bakatendele munkungwa ku Alumoni Ndibilatami. 47Bafumine ku Alumoni Ndibilatami pe bakatendele munkungwa ku Lipili lya Ambalimu kwakwipi na Lipili lya Nembo. 48Bafumine ku Lipili lya Ambalimu pe bakatendele munkungwa muzimbalila za Mowambi mu nciza ya mushinzi wa Yondana kuliyahikiza na Yeliko, 49bakatendele munkungwa wabo mu mbuwa ya Mowambi kunkumo ya Yondana, mukati ka Mbeti Yeshimoti naku Abele Shitimu kukuma naku mukulo wa mitondo ya Mumbambangoma.
50Nyambi ya Ngula wambile kuli Moshesha muyo mu zimbuwa za Mowambi mu nciza ya Yondana kuliyahikiza na Yeliko, 51kutongweza Baishalela ngayi, “Oho mu kuzabuka Yondana kuya mu litunga lya Kenaani, 52mu ku fwanina kutanda nimwabo bazika mu litunga. Lobeshenu tunankishi twabo nimwato twa mamanya na twa kuyungulula hamo na zimbalila zabo nimwazo za kulemeshela ha mapili. 53Tambulenu litunga, pe mwikalemo ndaba nili na kumipanalyo. 54Tapilenu litunga mukati ka mushobo na mushobo, livumo na livumo, ha kukuna zinyela. Panikenu shitapilo shashinene ku livumo lyalinene na shashishe ku livumo lyalishe. 55Ngoboni ndi kutanda bakakuzika mu litunga mufwako, obo banashalamo bakenga bakakumiyandisha ngonehe zihoke mu meho wenu na mihengela mu mawulu wenu, pe bakamilwisha. 56Ndi kubatanda mufwako, nikamilobesha ngonehe nafungile kubalobesha nibo.”
Libuka Lya Kuyela © Bible Society of Zambia, 2020.