Ishaya 55
55
Nyambi ukuyuvwila nceshe bantu
1 #
Kuh 21:6; 22:17. Nyambi ya Ngula ukwamba ngayi,
enu nimwenu muli na linyontwa,
yekenu ku mema enu munabulu mali,
yekenu mulande byakulya, ngayi mulye.
Yekenu mulande waine na mahwe
bya kubula ndando hinge mali.
2Bishini mu kubipishila mali,
ha byuma bya kubula kulya,
na Kubipisha ngovu zenu,
ha bya kubula kwikutisha?
Yuvwililenu shiwahe ebye nikwamba,
pe mu kulya byabiwahe na kulikuwa bya mazi.
3 #
Mil 13:34. Haya yuvwililenu shiwahe, pe mwize kukwami,
Nyuvwililenu ngayi muyoye.
Nikalimama nenu kulimama kwa shishemo sha mwaya myaka.
Nikamipanika mfuywezi ziya
na kulupishile kuli Ndavita.
4Monenu, namuhatile kwinga paki ku bantu
na mukakutwaminina,
na mukulwane wa bantu.
5Mona, mukehana bantu mwabula kulimuka,
pe matunga babula kumi limuka baketukila kukwenu,
ndaba Nyambi ya Ngula, Nyambi yenu,
wa Kuyela wa Ishalela,
unamipana maleema.
6Shingashingenu Nyambi ya Ngula,
oho ashili kuwaniwa,
mwihanenu oho ashili hahepi.
7Bakuluwa bashiye nyinkalo yabo yayibi,
na muntu wakubula kulunga ashiye
bihanganiko byendi byowa.
Abokele kuli Nyambi ya Ngula,
ngayi mwanga abayatile na kubayuvwila nceshe.
8Bihanganiko byami kaliha nibyo bihanganiko byenu,
hinge zinzila zenu kaliha, nizo zinzila zami.
Eshi nisho anamba Nyambi ya Ngula.
9Nehi mayilu ekala kwakutali na hanci,
pe nisho shili na nami,
zinzila zami zili hayilu ha zenu,
na bihanganiko byami bili hahatali kupitakana byenu.
10 #
2Koli 9:10. Mvula wa likandavula wafumininanga kuyilu,
kami kaliha byabokelanga kuyilu,
ngoboni byayitililanga hanci.
Byameneshanga na kukulisha zimbuto,
byapanikanga ndimi mbuto na linkende ku mukakulilya.
11Nisho shili na mazu wami,
afwako kukaboka kukwami kwakubula shimina,
ngoboni bikutenda nimwabyo nikushinga kutenda,
pe bakatangama munebye nikabatumina.
12Enu bantu bami,
mukafuma mu Mbambiloni hinga mwawahilila,
mu kumifumisha mu litunga liyo mu ku mwena,
Mapili na binkanda bikembila nyimbo,
na mitondo mu lishaka yikakweshela.
13Mitondo ya mipaini,
yikamena muli mikona.
Mitondo ya mayiliti yikamena
muli mitwampuku.
Kami shuma eshe shikaletesha lizina lya Nyambi ya Ngula
kwinga shilimukisho sha mwaya myaka.
Libuka Lya Kuyela © Bible Society of Zambia, 2020.