Ishaya 52
52
Nyambi ukalamwina Yelushalema
1 #
Kuh 21:2, 27. Pinduka obe Ziyoni, pinduka ulishumishe,
vwala bivwalo byobe byabiwahe,
obe Yelushalema, lukena lwa kuyela.
Ndaba bakubula kuya ku mukanda
bafwako kukengina mu mapangati wobe.
2Obe Yelushalema litotomone lukungu,
katuka pe wikale ha litanda lyobe,
obe Yelushalema wa kantapwa,
lishobole obemwine mawenge mu ncingo,
obe mwana wa mbuyama wa Ziyoni.
3Nyambi ya Ngula ukwamba ngayi, “Mwalandishiwile na kubula ku tambulaho shuma shimo, pe mukakuliziwa kwa kubula mali. 4Ha kutatika bantu bami bayile na ku nyunyumana mu Engepita, pe Baashiliya ba bayandishile kwa kubula shuma. 5#Lom 2:24. Pe haya Nyambi ya Ngula ukwipula ngayi, hayaboni nikutenda biti, ha kuwana ngayi bantu bami batwaliwile kwakubula ndando? Nyambi ya Ngula ukwamba ngayi, baya babalelelenga ba kubahengamina, kami ba kulimbwilisha lizina lyami. 6Nohobene kumbili bantu bami bakalimuka lizina lyami, nohobene ha mutena uyo bakalimuka ngayi, Ami nikwamba. Monenu, Amibene.”
7 #
Nah 1:15; Lom 10:15; Efwe 6:15. Eshe boni awaha mawulu a ntumwana,
ukuleta ncango zaziwahe,
ukwiza na kukankalala ha mapili,
ukubilika ncango za ku mwena,
ukuleta byambo byabiwahe.
Wabilikanga byambo bya kupulwisha,
na kutongweza Ziyoni ngayi, “Nyambi yobe niye ukulela.”
8Yuvwilila! Bakakulama bobe bali na kubilika,
nimwabo bakwimbila na ku wahilila,
bakatwesha ku mona meho na meho,
Nyambi ya Ngula ukaboka ku Ziyoni.
9Tangalenu na ku wahilila,
enu mapembe a Yelushalema,
Nyambi ya Ngula, ukabengezeka bantu bendi.
Ukalamwina Yelushalema.
10Nyambi ya Ngula, ukaholola liboko lyendi,
lya kuyela ku bakamatunga nimwabo.
Bantu nimwabo bamu kaye,
bakamona kupulwisha kwa Nyambi yetu.
11 #
2Koli 6:17. Katukenu, Katukenu,
fumenuko wangu ku Mbambiloni,
hinga mukwata shuma sha mazilo,
fumenuko, liyeleshenu, enu ba Levi,
bakakushimba bya kuliyavwisha,
bya mu Litala lya Nyambi.
12Ngoboni kukaya na ku nyankupa,
hinge kukenda na bowa mufwako,
ndaba Nyambi ya Ngula ukaya kumbili yenu.
Nyambi wa Ishalela,
ukamilama kuzimbalila nimwazo.
Kuyanda kwa Mukamulimo
13Monenu, mukamulimo wami, ukatangama,
ukapanikiwa maleema,
na kuyemeziwa na kuneneheshiwa.
14Bantu babengi bakomokele oho bamumonene,
Wabipile shikuma lutu, kami kaliha wamonekele ngo muntu.
15 #
Lom 15:21. Matunga amengi, akamukomoka,
na bamyene, bakalikomokela na kubula bya kwamba.
Bakamona ebye babulile kutongweziwa,
na ku yuvwishisha ebye babulile kuyuvwa.
Libuka Lya Kuyela © Bible Society of Zambia, 2020.