Malaki 4
4
Dituku dia Mukelenge Dilualua
1Yehowa wa misumba udi wamba ne, Monai, dituku nedilue didi diosha bu kahia ka mu tshikutu, ne bonso badi badisue ne benji ba malu mabi honso nebikale bu bisonsa; ne dituku adi didi dilua nedibashidishe, kadiena dibashila nansha muji nansha ditamba. 2Kadi diba dia buakane nedinubandile nuenu badi banemeka dina dianyi, mibidi yenu neyondahibue mu nkenka yadi. Nuenu nenuluhuke, nenunaye bu bana ba ngombe haluhukabo mu tshikumbi. 3Yehowa wa misumba udi wamba ne, Nenudiate bantu babi, bualu bua nebikale bu dinfuenkenya muinshi mua makasa enu mu dituku dindi ngenza malu au.
4Vulukai mikenji ya Mose muntu wanyi, inakamuelela mu Holeba bua Bena Isalele bonso, mayisha anyi ne mei anyi mene.
5Monai, nennutumine Eliya muprofete diambedi dituku dia Yehowa kadiyi dianji kulua, dituku adi dinene ne didi dikuatshisha bantu buowa. 6Yeye neakudimune mitshima ya batatu bua ihingane kudi bana babo, neakudimune mitshima ya bana bua ihangane kudi batatu babo; bua meme tshilu kubutula buloba ku mulau.
Nke Ahọpụtara Ugbu A:
Malaki 4: TSH
Mee ka ọ bụrụ isi
Mapịa
Lee anya n'etiti ihe abụọ
Kesaa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
Bible in Tshiluba © Bible Society of the Democratic Republic of Congo, 2003.