Isaia 16
16
1KUNÂ thö je lakon mamoe hobi kâu at muso hnyei ûheny Sela wale cicö hnyebubu, ka hnyi bucen anyin hluiny Ziona. 2Ke ame he wahluiny Moaba hnyi je hna utihai hnyi Arenona ka helâ me je meno ame gâ monu, ke helâ me hâûeu meno adre oveseâ. 3Ha ju bongon, owisa thö; bi hmenom ju helâ me lit hnyi jebigo: ikhâlâ ju je hna obâ; ca he ka hâiâ tavat adre kec. 4E na he ju ka laba unyâm ta je atök adre obâ; ke haba u Moaba eso u me he ka tubi ödra hnyi hnyimakan at sei: anyin ame he ka hia at ûöveci, a um do hwakecin sei, adre ohia tavat seda ûnyi hnyi hnyei. 5Ke adre me he ka otilâ ke theron hnyi ibe-tengiö, kʼ ame he ka tabâ e ke at hnyi hnathu, hnyi uma mano umo Davita; he ka owisa, me elâm hna owisa, me logot he ka ânyâ wisa.
6Ate hia but long hnyok bi gan anyi Moaba, a e bi gan hmonyin; wale anyin bi gan, me begörany, me wathethot; ke ûnyi baû bi anyin je bi gan. 7Anyin a wale, ame he Moaba ka tenge kuku ge Moaba, adre me he hia ka tenge: öbun e he ka mâng ge je taben Kira-haraseth, adre ti okongoâ. 8Anyin a ut ame kot je utkânâ iny Hesebona, me vine hnyi Sibema; je thaniny je hnyei adre me hia but thu je ûöiny ae so; adre me o ke ne o but Jazera, adre me vheno hnyebuba; ke ame hlau je vheiny, me hanyâûâ köiö. 9Anyin a wale oge me he ka tenge helâ me ûtengien Jazera can vine hnyi Sibema: Hesebona me Eleala lö, oge me he ka hû u ge je deköiök: anyin ame o but hwan vat hon ânyâm je waniny hnyeun me ânyâm menu. 10Ke adre me hom degecâ senyin me hobâ ûnyi hnyi hnyei ame wa wan; ke ame ca he ka hu hmetu khumöng, me hongot senyin hnyi je hnyei vine: ame ca he at ka uto waina hnyi je taben, a at ame ututo; oge hia but bi obiny kuku senyin. 11Anyin a wale ame fuc hnyekuk helâ me kitara can Moaba, kʼ ame fuc hnyekuk can Kira-heres. 12Ke e ka manen Moaba, ke e ame kong hnyekunâ e hon dok ae gorany, kʼ ame dit ka hnyi anyin dok ae kap he ka hic, me e ame ca he bi ka ton.
13Walang hofuc ho Iehova ehac ge Moaba. 14Ke a hia but fuc Iehova walang ang, me ha, ka habe, Hnyi ta huna a kun hoton je hunainy at ame hok hwaban, me adre me he ka hûkotiâ hmanenanginy Moaba, tha e me aten ae se hia hmonyin; kʼ ame he ka wakhalet hmonyin je kolon ke ca ûnyi hnathu hmetu.
maintained by the British and Foreign Bible Society