Esodo 2
2
1E HU ke at hnyi lap anyi Levi ame hom ke hlu a at Levi. 2Kʼ ame erkin dut momo me hnokoâ da: kʼ ame wâ momo a e so, me e ame ikhâlâ but hnyi kun ta tehi. 3Ke ca khana hmetu he ka ikhâlâ e hnen momo, me e ame hom tang waje hobi kâu e, me botro ge hemara me bilit, me ip wanakat hnyin, me ip ju hnyi! samun hnyi baten wagewe. 4Kʼ ame tot sâkâû haniny, me me wâ ûnyi ame he ka o kaû. 5Ke ame o but hlu nöku Farao he ka sou hnyi wagewe; kʼ ame vheno baten wagewe anyin wahlu; ke ame wâ tang waje hnyi samun, me e ame kunâ ke hlu ki hom. 6Ke e ame khöng e, me wâ wanakat, ke wâ bi ame tenge wanakat. Ke e ame betenge gan me ha, ka habe, Nokon at Heberu ang. 7Ke haba haniny ame ha ka hlu nöku Farao, ka habe, Hawa, mʼ inye be ka hawâ köu ke sangadra ûnyi ge at Heberu he ka hat wanakat hobi köu? 8Ke haba hlu nöku Farao ame thu kâu, kʼ habe, He thö. Kʼ ame he but hlu me hawâ hinyen wanakat. 9Ke haingen nöku Farao kâu, ka habe, Hom dö wanakat eang me hat hobi könya kʼ oge me he ka bi hwaban köu. Ke haba momo ame hom wanakat, ineʼ hat e. 10Ke gan dut wanakat, me e ame hom e ka hlu nöku Farao, ke nokon dut e. Ke e ame hwenyi ien Mose, ke haingen, ka habe, Anyin a oge hom ûnyi hnyi köiö.
11Ke haba hnyi je bong wale a gan dut hnyin Mose, me e ame he ka je liamekeiny mē, me wâ anyidra huliwa ae hmak: ke e ame wâ ke at Aigupito ame kot at Heberu aliamekeiny mē. 12Ke e ame ngengele, ke a wâ but ae ba at, me ame kot moko at Aigupito me ikhâlâ hnyi öny. 13Ke haba hnyi bong a loiny e ame he hnyöu ai, me wà bi, li at Heberu Ödru me û, ke haingen ka at ame ânyâ monu, ka habe, Can ieû u me kot hanâm? 14Ke ame thu, ka habe, Ia otilö u hnân than me at owisa unyihmun? u me ûnykûme he ka hlingö nya heli me hnâm hna hlingâ at Aigupito? Ke Mose, ame ot, me habe, E hnatbu e manen dut ûnyi eling. 15Ke e khanö Farao but ûnyi eling, me ame elâm he ka hlingö Mose. Ke Mose ame kec ga Farao, me laba hnyi bnyei Midiana: ke e ame laba ju hon ke an. 16Ke e hu ge at bi hut hnyi Midiana lakon ta hlu a seven: kʼ ödrin e o but he ka se köiö me ounöngötâ ta je kumete he ka habelen ta je hnahat mamoe haleny ka-mödrin. 17Kʼ ame o but hnyat tuö mamoe me obʼ ödrin: kʼ ame todrö Mose mehadruo ʼdrin me habelen haledrin hnahat mamoe. 18Kʼ ödrin e o but kö Reuela a kamödrin, me haingen, ka habe, Ieû gabun iibon e ie o hnyi bong angî 19Haingödrin, ka habe, Hnen ke at Aigupito hna singʼ öhmun ge hnyat tuö mamoe, ke ame se köiö minya bi, me habelen hnahat mamoe. 20Ke ame ha ka lakon je hlu, ka habe, E but ua? ke ieû gabun öbun e hna but at e? He thö ka hawâ e me hnyi han. 21Ke so kö Mose he ka tha laba me at e: ke ame ham Zipora a nokon hlu kö Mose. 22Kʼ ame hnokoâ nokon baga, me ame hwenyi ien Geresoma: anyin a haingen, ka habe, Iny atkanyua hnyi ke hnyei bi.
23Ke hwaban ta je bong e ae se hia, a mokcu than Aigupito; kʼ ame mâng je lakon Isaraela can hna hwenbʼ ödra kʼ adre me hongot tenge, kʼ ame o but ka Khong anyidra hwatenge can hna hwenbʼ ödra. 24Ke Khong ame löng anyidra mâng, kʼ ame ûnykûme Khong hnen hna ûhihinyköu me Aberahama, me Isaaka, me Jekob. 25Ke Khong ame wâ je lakon Isaraela, me Khong ame wâhmakhmetu ödra.
maintained by the British and Foreign Bible Society