Xo̱jo̱n Salmoo̱ 95
95
Tsjangatꞌiéná nga ko̱ndáa̱ Néná
1¡Ndibájnú, kó tsjangatꞌiéná nga ko̱ndáa̱ Néná!
¡Xchaꞌayátsjá nga si̱ꞌantsjàa̱ Néná, kui xi xikoó Ndi̱jo̱je xi ꞌboxiéꞌáná!
2Tjian ngindyi̱ko̱n Kui nga ko̱e̱ꞌée̱ ndokꞌóchji̱ì.
Ko̱ndáa̱ salmo̱ nga si̱ꞌantsjàa̱.
3Ngatꞌa̱ Néná, achichí kjo̱a̱je xi tjiín.
¡Kuí boá ngo Re xi nkꞌa ngase xaá, ngi̱jii̱n ngayeje ne xi ngasee̱!
4Ngi̱ya tsja Néná tikón ngayeje ni xi tjín nínga ꞌniú na̱nga̱a̱ tꞌanangii̱,
kó Kuí tsi̱ꞌe̱ na̱xi̱ xi ꞌniú nkꞌaa̱.
5Kuí tsi̱ꞌe̱ ndáchíkoón, ngatꞌa̱ Kuí boá xi katsꞌénda,
kó tsjá boá xi katsꞌénda tꞌanangi xi ꞌniú tikoón.
6¡Ndibájnú, kó ku̱i̱ndyiaxtién nga si̱ꞌantsjàa̱,
ko̱siée̱n tikóná ngindyi̱ko̱n Néná, ngatꞌa̱ Kuí boá xi katsꞌéndaná!
7Ngatꞌa̱ Kuí boá xi Néná má,
kó ñá boá xi xota̱ na̱xi̱ńdaá, xi tindyión ki̱a̱ kꞌijñaá,
ko̱jo ñá boá cho̱tsa̱nga̱ xi síndo ngi̱ya tsja Kui.
Tsi ngotꞌe̱ ko̱nda̱ꞌyájnú nda̱a̱,
8ngata̱ niꞌántajajínjnú ini̱ma̱jnú, xikó kamá ki̱a̱ Meribaa̱,
ko̱jo xikó kamá ni̱xtjii̱n Masaa̱, ki̱a̱ nangi kixií.
9Bi̱ tsó Néná: Kui ni̱xtjin jàn xota̱ xi xchájnú askotꞌayákónna,
kó tsíchji̱a̱ti, ndatsi ja̱bo̱a̱ je kamábe ni xi katsꞌen An.
10Yichán nó nga katsꞌenxchánjo̱ An kui xota̱ tji̱e̱e̱,
kó bi̱ kixian An: Kuí boá kui xota̱ na̱xi̱ńdaá
xi ngi̱jin ini̱ma̱a̱ je katsꞌénkjinna yojoo̱,
kó jmí ni̱xtjin kamábe ndi̱yàna.
11Kuíni nga kjiꞌanga katsꞌenxchán án,
bo̱a̱ kixian An nga kꞌo̱sꞌienjín ki̱a̱ tꞌanangi nínga sa̱ꞌínkjaꞌyá katsaki.
Nke Ahọpụtara Ugbu A:
Xo̱jo̱n Salmoo̱ 95: MAIX
Mee ka ọ bụrụ isi
Mapịa
Lee anya n'etiti ihe abụọ
Kesaa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014