Xo̱jo̱n Salmoo̱ 87
87
Soó na̱xi̱ńdáꞌniú Jerusale̱n
Só xi nda na̱xko̱yá tsi̱ꞌe̱ soó Koree̱.
1Kuí boá xi iskjininkꞌa na̱xi̱ńdáꞌniuú ki̱a̱ nga̱soón na̱xi̱ tsjiee̱.
2Néná achichí tjoó nga̱ntjo̱a̱a̱ na̱xi̱ńdáꞌniú Sioo̱n,
tjó ngasee̱ ta̱bo̱a̱jiín ndiꞌaa̱ xota̱ tji̱e̱e̱ Jakoo̱b.
3Ji na̱xi̱ńdáꞌniú xí tsi̱ꞌe̱ Néná.
Achichí tsjatsó ni xi ndokjo̱a̱ kjo̱a̱a̱ ji.
4Án boá xi sa̱ꞌinkaxoma an nangi Ejiptoo̱,
ko̱jo nangi Babiloniaa̱, ngi̱jii̱n xota̱ na̱xi̱ńdá xí bena.
Kó ki̱a̱ nangi Filistea̱, ko̱jo Tiroo̱, ko̱jo Etiopiaa̱,
ki̱a̱ katokjáni kui xotaa̱.
5Kó bi̱ ka̱tso̱ xota̱a̱, kjo̱a̱a̱ na̱xi̱ńdáꞌniú Sioo̱n:
¡Kui xi̱ꞌbi̱ ko̱jo kuí jàn, ki̱a̱ katokjáni!
Kó ti̱kuíní Néná xí tikón ndiꞌakꞌajmii̱ xí ꞌniú ku̱i̱ꞌíjñá kui ngi̱ndiee̱.
6Néná ku̱i̱ꞌíxki̱ kjiꞌanga ku̱i̱ꞌítꞌa jaꞌeén ngayeje na̱xi̱ńdaá,
kó bi̱ ka̱tso̱: Kui xi̱ꞌbi̱, kꞌi̱e̱ katsen kꞌi̱e̱e̱.
7Kósꞌe̱ kui xota̱ na̱xi̱ńdá xí siee̱, ko̱jo xi kjínkꞌatsjaa̱, bi̱ ka̱tso̱:
¡Kꞌi̱e̱ na̱xi̱ńdáꞌniú Jerusalee̱n ndibánií kjo̱a̱ꞌnaxiéꞌájne̱!
Nke Ahọpụtara Ugbu A:
Xo̱jo̱n Salmoo̱ 87: MAIX
Mee ka ọ bụrụ isi
Mapịa
Lee anya n'etiti ihe abụọ
Kesaa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014