Xo̱jo̱n Salmoo̱ 76
76
Néná boá xi tsꞌén
Só xi katsꞌénda Asaa̱f.
1Néná ya ki̱a̱ nangi Jundáa̱,
kó ki̱a̱ na̱xi̱ńdá Israee̱l ꞌniú yandikón Jaꞌeén.
2Ki̱a̱ na̱xi̱ńdáꞌniú Salee̱n tikón Ndiꞌandikoón,
kó ki̱a̱ na̱xi̱ńdáꞌniú Sioo̱n tikón ngi̱ndiee̱.
3Ki̱a̱ boá nínga Néná katsꞌénxi̱ yáyojoó,
ko̱jo ni xi ꞌbíchjaá ni xi ndajiín, ko̱jo ki̱cha̱ndojoó,
ko̱jo ngayeje ni xi niꞌánkjién nga má kjo̱a̱xcha̱án.
4Ji Ne, Jí boá xi tjiín kjo̱a̱je ko̱jo ngaꞌniú,
¡ta̱bo̱a̱jiín na̱xi̱ xi tjíndo ngatsjéni̱xtjii̱n!
5Já chꞌokon xi fí kjo̱a̱xcha̱án, kachjeꞌéxiín ngaꞌniú xí kisꞌiee̱, kó kisꞌiyojofé.
Ngiti̱ ingojín já xí ꞌniuú, xi kamaá katsꞌénkjién ngase tsja.
6¡Kjiꞌanga niꞌínxchín Jí Ne xi tsi̱ꞌe̱ Jakoo̱b,
karro̱ kjo̱a̱xcha̱án, ko̱jo ndi̱je̱e̱ ki̱a̱ kisꞌiyojo nga kisꞌiyojofé!
7¡Ta̱ Jí tsí xi ma ndakoo̱n!
Kjiꞌanga ꞌniú si̱ꞌinxchín Jí,
ꞌyá xí kjo̱chíkjo̱a̱a̱ nga Ji ku̱i̱ꞌítꞌaa̱.
8Ndeskande nkꞌajmii̱ kandaꞌyáni kjo̱a̱botíjée̱,
kó tꞌanangii̱ kitsjiendikón, sꞌe̱ kisꞌie xió xió.
9Kjiꞌanga Ji kixi̱ tsꞌén kiniꞌínsée̱n xotaa̱,
tsi̱ꞌe̱ nga kaꞌnaxiéꞌé Ji ngayeje xota̱ xi ntꞌiéꞌén xí tjín tꞌanangii̱.
10Nga ja̱koxi̱ kjo̱a̱xcha̱án xota̱ nga̱sondiee̱, Jí boá xi sa̱ꞌíntsjaà,
kó xikoó tsi ngo tji̱xinꞌbíkjá si̱ꞌin Ji kjo̱a̱xchán xí jmí ni chjíjiín xi tsꞌén xota̱ xi kondra̱a̱.
11Si̱ꞌankjatjosóo̱n Néná ngayeje ni xi kiꞌmíyatjóo̱n nga si̱ꞌán,
ngayeje jún xota̱ na̱xi̱ńdá xi tindyiontꞌájnú,
ndibájo̱jnúu̱ kjo̱a̱tjó kui Néná xi fíndikónná.
12Kuí boá xi ni̱ma̱kjo̱a̱ tsꞌénkꞌíndo a̱si̱én ni̱xtjii̱n xota̱xá xí botixómaá,
kó Kuí boá xi tsꞌén nga fotsiéndíkón má ngayeje re xi tjín nga̱sondiee̱.
Nke Ahọpụtara Ugbu A:
Xo̱jo̱n Salmoo̱ 76: MAIX
Mee ka ọ bụrụ isi
Mapịa
Lee anya n'etiti ihe abụọ
Kesaa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014