Xo̱jo̱n Salmoo̱ 29
29
Ngaꞌniú xí tjiín nda̱a̱ Néná
Só xi katsꞌénda Ndabii̱.
1¡Cha̱ndikónjnú Néná, jún xi nkꞌajmii̱ ndyi̱niꞌánjnú xaá,
te̱ꞌéjnúu̱ Néná kjo̱a̱je xi tsoboaá, ko̱jo kjo̱a̱a̱ ngaꞌniú xí tjiín!
2¡Te̱ꞌéjnúu̱ Néná kjo̱a̱je xi tsoboaá kjo̱a̱a̱ Jaꞌeén!
¡Ti̱ꞌantsjàjnúu̱ Néná kjo̱a̱a̱ kjo̱a̱tsjakjiꞌii̱ tsjie xi tjiín!
3Nda̱a̱ Néná ndaꞌyaá nga̱són ndáfoaa̱.
¡Néná xí tsi̱ꞌe̱ kjo̱a̱jee̱, kandaꞌyaá nda̱a̱ xikó maá cho̱ꞌo̱o̱n!
¡Néná boá xi tikón ki̱a̱ nga̱són ndáchíkoón tiyaá!
4Nda̱a̱ Néná achichí ꞌniú fonie.
Nda̱a̱ Néná achichí kjo̱a̱jee̱ tjiín.
5Nda̱a̱ Néná kjítꞌó yákoón,
jo̱o̱n, Néná boá xi tsꞌénxi̱ yákón xi tjín na̱xi̱ Líbanoo̱.
6Tsꞌénkjínkꞌá na̱xi̱ Líbanoo̱ xikó má tsꞌén kjínkꞌá ndií cho̱yojoo̱,
kó ti̱ tsꞌénkjínkꞌá na̱xi̱ Sirioo̱n xikó maá ndií cho̱yojo toro̱ tamaá.
7Nda̱a̱ Néná ndiꞌí ꞌbojmi.
8Nda̱a̱ Néná ꞌbítsanieyá nangi kixií,
Néná boá xi ꞌbítsanieyá nangi kixí xi ꞌmí Kandee̱.
9Nda̱a̱ Néná tsꞌénkíꞌé ndí ndi̱kꞌijñá chjo̱ón,
kó tsꞌénkixó xka̱a̱ yá xí tjín ngi̱jin kꞌijñaá,
kó ngayeje xi síndo Ndiꞌaa̱ bi̱ tsó: ¡Ngateꞌeé kjo̱a̱je!
10Néná boá xi botixómá nga boaꞌa stséꞌniuú,
Néná boá xi ngo re xi botixómá ngatsjéni̱xtjin.
11Néná boá xi tsja̱á ngaꞌniú xota̱ na̱xi̱ńdaá,
Néná boá xi sa̱ꞌínchikonñé xota̱ na̱xi̱ńdaá nga tsja̱á kjo̱a̱xioó.
Nke Ahọpụtara Ugbu A:
Xo̱jo̱n Salmoo̱ 29: MAIX
Mee ka ọ bụrụ isi
Kesaa
Lee anya n'etiti ihe abụọ
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014