Xo̱jo̱n Salmoo̱ 23
23
Néná boá xi Ndi̱a̱na
Só xi katsꞌénda Ndabii̱.
1Néná boá Ndi̱a̱na, kó jmí ni chajájínna.
2Nínga tjín ndi̱xcho̱ xi chjindié, ki̱a̱ ꞌbijñána tsi̱ꞌe̱ nga tsꞌenkjaꞌyá an,
ki̱a̱ fíjo̱na tꞌa ndáfoa xi tikón xió xioó.
3Kuí boá xi tsꞌéndàyà nginí ini̱ma̱na,
kó ki̱a̱ fíjo̱na ndi̱yà xí kixi̱, tsi̱ꞌe̱ nga bokó kjo̱a̱tjó xi tjiín Jaꞌeén.
4Ndatsi ki̱a̱ tsoꞌbá an nangi són nínga tjín kjo̱a̱bo̱yaa̱,
jmí ni xi ndajín stsakjonjín an, ngatꞌa̱ Jí boá xi ki̱a̱ tindyintꞌení.
Ńꞌniúu̱ ko̱jo yánísiée̱ boá tsjána kjo̱a̱ꞌniátakón.
5Jí boá xi ikꞌíjñindení ngo yámíxa̱ nínga tjín nichinie, ngindyikón kondra̱na,
Jí boá xi kananginjin Ji isti̱ tokó án,
kó ngaskande tjítjonsón má ni xi ndyi̱a̱ chi̱tse̱nna.
6Ja̱koxi̱ boá, nga kjo̱a̱ndàa̱ ko̱jo kjo̱a̱ni̱ma̱takoón,
kꞌuíndojinna ngayeje ni̱xtjin nga kotíjña̱ an nga̱sondie,
kó tsie ka̱mana nga ki̱a̱ kotíjña̱ an Ndiꞌaa̱ Néná.
Nke Ahọpụtara Ugbu A:
Xo̱jo̱n Salmoo̱ 23: MAIX
Mee ka ọ bụrụ isi
Kesaa
Lee anya n'etiti ihe abụọ
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014