Xo̱jo̱n Salmoo̱ 17
17
Ndaꞌyéní, kó ti̱ꞌinsénní
Ndabii̱ bi̱ tsꞌén tsíchji̱a̱a̱ Néná.
1Ji Ne, ndaꞌyé Ji ngo kjo̱a̱ xi kixi̱, kó ti̱ꞌinsénní kjiꞌanga ni̱ma̱ xiaán,
ndaꞌyé ji nga kuichjiaá, ngatꞌa̱ jmí kjo̱a̱ndiso fotjojiín ndso̱ꞌba án.
2Ndókjo̱e̱ Ji kjo̱a̱niꞌánjé xí tsoboána,
ngatꞌa̱ jè yé ji ni xi kixi̱i̱.
3Jè kichitꞌe Ji ini̱ma̱na, jè kitsitsijìnní nga jñoó nga kachjatꞌayékínní,
kó jmí ni xi ndajín kasakojiín,
jè be an nga jmí én chꞌo tsó kuichji̱a̱jín an.
4Kjo̱a̱a̱ ni xi tsꞌén xota̱ nga̱sondiee̱,
ko̱jo ta̱ngatꞌanii̱ én xí je kandokjo̱e̱ ji,
jè katsꞌenkjìi̱n yojona ni xi tsꞌén xota̱ xi tamaá.
5Ki̱a̱ tsꞌénfítji̱ngi an ndi̱yà xí tse̱,
tsi̱ꞌe̱ nga ko̱ngajonjín ndsa̱ko án.
6Ji Ne, án boá xi kuichjiaá, kó Jí si̱ꞌinsénní.
Tasínijìnní, kó ndaꞌyé Ji énna.
7¡Take Ji kjo̱a̱ni̱ma̱takón tsjakjiꞌi xi tjiín,
Ji xi ꞌnaxiéꞌé Ji, ngi̱ya tsja xota̱ xi ndyi̱mongatji̱ngii̱,
xota̱ xi mongase nga Ji xi xchíi̱n!
8Chínní xikoó tsi ndyikin Ji,
ngi̱ndie nga̱a̱ tꞌíjñiꞌmíní,
9tsi̱ꞌe̱ nga sku̱i̱e̱jínna xota̱ xi ndajín xi ndyi̱kjánjo̱na,
ko̱jo kjo̱a̱a̱ kondra̱ xi je íchjáꞌyána nga mejeén sa̱ꞌínkꞌiénna.
10Jmí ini̱ma̱jiín kui xotaa̱,
kó ta̱soboá én nkꞌakon boá xi ndyi̱chji̱a̱.
11Tjimátji̱ngi tiña tiñajne̱, kó ndyi̱konda chikín chikínjne̱,
ngatꞌa̱ mejeén nga kꞌo̱jmi tꞌanangijne̱.
12Ja̱kon xandi̱je̱ xi ndyi̱koyaa̱ ni xi skji̱ni̱e̱ má kón,
ja̱kon ndií xandi̱je̱ xi síndoꞌmá ngi̱yaa̱ ti̱xa̱na̱xi̱i̱ má kón.
13¡Ye ꞌne̱ Ne, ti̱sítji̱n Ji!
¡Ti̱xkénje̱ Ji, kó ti̱ꞌinkixé Ji!
¡Chjábé Jí ki̱cha̱ndojóo̱, kó ꞌna̱xiéꞌé Ji ini̱ma̱na ngi̱ya tsja kui xota̱ xi ndajiín!
14Ti̱ꞌinkjìn Jí ndse̱ nga ko̱ꞌna̱xiéꞌéní ngi̱ya tsja kui xota̱ xi ndajiín,
kui xi achichí ni xi kjimaa̱ nga kꞌuieé ni xi tjín nga̱sondiee̱.
¡Ngatsiee̱ ndií kuí tsobo̱a̱,
kó ngatꞌijñaá ni xi kꞌo̱ngii̱, ndí xí xi̱xi̱ ngasee̱!
15Ta̱nga an ki Ji Ne, skuié án kje̱n ji nga tjiín kjo̱a̱kixi̱.
Nga kjo̱a̱ꞌána, achichí tsjá ka̱mana nga skotsijee̱n Ji.
Nke Ahọpụtara Ugbu A:
Xo̱jo̱n Salmoo̱ 17: MAIX
Mee ka ọ bụrụ isi
Kesaa
Lee anya n'etiti ihe abụọ
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014