Xo̱jo̱n Salmoo̱ 137
137
Ngo só xi nda nangi xi tsa̱ñájín
1Nga kixindyionjne̱ ki̱a̱ tꞌa ndejèꞌ xi chji̱a̱ni nangi Babiloniaa̱,
kichaꞌájne̱ nga jaꞌátsjienjne̱ na̱xi̱ńdáꞌniú Sioo̱n.
2Ki̱a̱ tjiaa̱ yá sausee̱, ki̱a̱ ikjienboaꞌajne̱ arpa̱jne̱.
3Kó kui xota̱ xi kijíjo̱ꞌniújne̱ ki̱a̱a̱, bo̱a̱ katsójne̱ tsi̱ꞌe̱ nga ko̱ndàjne̱,
ti̱kuii xi katsꞌén ndasenjne̱ nga kichaꞌájne̱, tsíꞌájne̱ nga tsjakꞌuiéjne̱, nga bi̱ katsójne̱:
¡Ndajnú ngo só tsi̱ꞌe̱ na̱xi̱ńdáꞌniú Sioo̱n!
4¡Kótsꞌèn ka̱majne̱ ko̱ndàjne̱ só xi tsi̱ꞌe̱ Néná ki̱a̱ nangi xi jmí tsi tsa̱ji̱n!
5Ji Na̱xi̱ńdáꞌniú Jerusale̱n, tsi sa̱ꞌinchíyaá ji,
nga xíyà ndsa̱ án xi kixi̱i̱.
6Ngasitꞌaꞌniú najén án ki̱a̱ nkꞌaa̱ ngi̱ya ndso̱ꞌba án,
tsi ngiti̱ kjo̱a̱ꞌátsjienjínna ji,
ko̱jo tsi ngiti̱ nkꞌajín kꞌuijñá an na̱xi̱ńdáꞌniú Jerusalee̱n,
nga̱soón ni xi ꞌniú tsjá má ngasena.
7Ji Ne, ti̱ꞌinje̱ Ji xki̱ xota̱ tji̱e̱e̱ Endoo̱n,
kjo̱a̱a̱ ni̱xtjin nga kiniꞌánkjié na̱xi̱ńdáꞌniú Jerusalee̱n,
kjiꞌanga bi̱ katsó nga askjandáyà:
¡Ti̱ꞌankjiejnú na̱xi̱ńdáꞌniuú!
¡Ti̱ꞌankjiejnú ndeskande xó xí kamándani!
8Ji na̱xi̱ńdá Babilonia̱, ti̱ bo̱a̱ ti̱ tsꞌén si̱ꞌankjiee ji nga.
¡Achichíra̱ tsjaa̱ kui xi kjo̱a̱ꞌáchjií ni xi ndajín xi kiniꞌín ji!
9¡Achichíra̱ tsjaa̱ kui xi stso̱bo̱a̱ ndíi̱, kó ki̱a̱ ko̱tꞌa ki̱a̱ tꞌa ndi̱jo̱jee̱!
Nke Ahọpụtara Ugbu A:
Xo̱jo̱n Salmoo̱ 137: MAIX
Mee ka ọ bụrụ isi
Mapịa
Lee anya n'etiti ihe abụọ
Kesaa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014