Xo̱jo̱n Salmoo̱ 130
130
Ngi̱ya tsja Néná tikón kjo̱a̱chiyáná
1¡Ji Ne, Jí boá xi tsꞌénchji̱a̱a̱ nga ni̱ma̱ tꞌíxiaán, ndeskande ngi̱jii̱n ini̱ma̱na!
2¡Ji Ndi̱a̱, ndaꞌyée̱ nda̱na,
kó tasínijìi̱n nga ni̱ma̱ ka̱tso̱ nda̱na nga Ji kuichjiaá!
3Ji Ndi̱a̱, tsi xꞌi̱e̱xki̱ Ji ngayeje jéjne̱,
ꞌyá xí ka̱maa̱ ku̱i̱ndyiakixi̱ ngindyikin Ji Ndi̱a̱.
4Ta̱nga Jí boá xi tjiín kjo̱a̱niꞌánjetakón, tsi̱ꞌe̱ nga ko̱nda̱koón Jí.
5Ngi̱ya tsja Néná tikón kjo̱a̱chiyána, ini̱ma̱na tsꞌénkoyaa̱ Kui,
eén boá xi tsꞌénkoyàa̱.
6Ini̱ma̱na tsꞌénkoyaa̱ Ndi̱a̱ná,
ꞌniú ngase tsꞌénkoyàa̱, ta̱bo̱a̱jiín xota̱ xi koyaa̱ nga sisi̱eén.
¡Jo̱o̱n, xikoó xota̱ xi kondaa̱, kui xi koyaa̱ nga si̱si̱eén!
7Jún xota̱ na̱xi̱ńdá Israee̱l, chiyájnúu̱ Néná,
ngatꞌa̱ Néná boá xi tjiín kjo̱a̱ni̱ma̱takoón,
kó Kuí boá xi tsie kjo̱a̱ꞌnaxiéꞌá tjiín nga.
8Néná boá xi kꞌo̱xiéꞌá xota̱ na̱xi̱ńdá Israee̱l kjo̱a̱a̱ ngayeje jé xí katsꞌén.
Nke Ahọpụtara Ugbu A:
Xo̱jo̱n Salmoo̱ 130: MAIX
Mee ka ọ bụrụ isi
Mapịa
Lee anya n'etiti ihe abụọ
Kesaa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014