Xo̱jo̱n Salmoo̱ 113
113
Kjo̱a̱ndaxota̱a̱ Néná
1¡Ti̱ꞌantsjàjnúu̱ Néná, jún xi mosoo̱ kui májnú!
¡Ti̱ꞌantsjàjnúu̱ Jaꞌeén Néná!
2¡Ngatamachikonñé Jaꞌeén Néná,
ndeskande ngotꞌe̱, ko̱jo ta̱kjiꞌání!
3Ndeskande nga tjo, kó ngaskande nga ꞌbosꞌien tsꞌueé,
nganiꞌántsjaá Jaꞌeén Néná.
4Néná boá xi tsꞌénbotixómá ndeskande nga̱soón ngayeje na̱xi̱ńdaá,
kó nga̱soón nkꞌajmii̱ tikón kjo̱a̱jee̱.
5ꞌYá xí ka̱maa̱ kjo̱chótji̱ngi Néná.
Ki̱a̱ ndiꞌakꞌajmii̱ tikón ngi̱ndiee̱ nínga botixómá.
6Néná boá xi ta̱ngatꞌanii̱ kjo̱a̱ni̱ma̱takoón nga kotsijee̱n ndiꞌakꞌajmii̱ ko̱jo tꞌanangii̱.
7Néná boá xi ngi̱jin xa̱a̱ kjininkꞌani xota̱ xi ni̱ma̱a̱,
kó ngi̱jin xtjié jàn ꞌboxiéjinni xota̱ xi kjo̱a̱ni̱ma̱ ndyi̱foaꞌatioo̱,
8tsi̱ꞌe̱ nga ki̱a̱ nijan tsꞌénkꞌíndo nínga síndo xota̱ xi botixómaá,
kui xota̱ xi botixómá ki̱a̱ na̱xi̱ńdaá.
9Kuí boá xi tsꞌén nga ínchjín xi ndi̱i̱, ꞌbeé xtín xota̱ ndiꞌa,
kó tsjaá kjo̱a̱tsja nga na̱an ma.
¡Nganiꞌántsjaà Néná!
Nke Ahọpụtara Ugbu A:
Xo̱jo̱n Salmoo̱ 113: MAIX
Mee ka ọ bụrụ isi
Mapịa
Lee anya n'etiti ihe abụọ
Kesaa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014