Xo̱jo̱n Salmoo̱ 111

111

Si̱ꞌantsjàa̱ Néná

1Tsjàa̱ ndokꞌóchji̱ì Néná ngayejeni ini̱ma̱na,

kjiꞌanga nijan ka̱matikójne̱ xota̱ xi kixi̱i̱,

ko̱jo nga ka̱matikó ngayeje xota̱ na̱xi̱ńdaá.

2Achichí yiꞌi ni xi je katsꞌén Néná,

kó ka̱márií sa̱ꞌínkjó nga skjítꞌoyà xota̱ xi tsja maa̱ kui nii̱.

3Kjo̱a̱je ko̱jo kjo̱a̱tsjakjiꞌi tjiín ni xi katsꞌénda Kui,

kó kjo̱a̱kixi̱i̱ ngatsjéni̱xtjin nga tikón.

4Katsꞌén nga jmíjín xi xchi̱yaa̱ ni xi fíndikónná xi katsꞌénda,

ndaxota̱ Néná, kó tjínrií kjo̱a̱ni̱ma̱takón.

5Néná katsjaá nichinie xota̱ xi bendikón Kuí,

kó ngatsjéni̱xtjin kjo̱a̱ꞌátsjiee̱n ni xi índajo̱.

6Ngaꞌniú xí tjiín ni xi katsꞌénda akoó xota̱ na̱xi̱ńdaá,

kó katsjaá tꞌanangi xi tsoboaá na̱xi̱ńdaá.

7Ja̱koxi̱ boá ni xi katsꞌénda Néná, kó tjínrií kjo̱a̱kixi̱,

ngayeje kjo̱a̱botíxomaa̱ xi ma maꞌniátakón.

8Ngatsjéni̱xtjin ko̱jo ta̱kjiꞌání nga chjínií,

ngi̱jii̱n ni xi kixi̱i̱, ko̱jo ni xi na̱xo̱o̱ kjindibánii̱.

9Néná boá xi íchjítjé xota̱ na̱xi̱ńdaá,

kó jè ꞌniú íjñaá ngo kjo̱a̱ꞌbínda ngatsjéni̱xtjin,

Tsjie ko̱jo ndakon boá Jaꞌeén.

10Ngayeje xota̱ xi mejeén nga xota̱ xi kjínkón ka̱ma,

tjón mára ngatamabendikón Néná.

Kui xota̱ xi bo̱a̱ tsꞌeén, bokó nga xota̱ xi kjínkón boá.

¡Ngatsjéni̱xtjin nga tikón kjo̱a̱niꞌántsjaà!

Nke Ahọpụtara Ugbu A:

Xo̱jo̱n Salmoo̱ 111: MAIX

Mee ka ọ bụrụ isi

Mapịa

Lee anya n'etiti ihe abụọ

Kesaa

Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye

Amaokwu Akwụkwọ Nsọ Ndị Ama Ama siteré na
Xo̱jo̱n Salmoo̱ 111