Xo̱jo̱n Salmoo̱ 11

Ngayeje nii̱ ngi̱ya tsja Néná tikón

Só xi katsꞌénda Ndabii̱.

1Néná boá xi ꞌniáko̱n an nga tsꞌénkónna.

Kótsꞌèn bo̱a̱ senìi̱ ini̱ma̱na nga ki̱a̱ konga an ngi̱jin na̱xi̱i̱, xikoó tsi ngo ni̱sie.

2Kjénní nga xota̱ xi ndajiín je ndyi̱kjienyà yáchjonyaá,

ko̱jo je síndondaa̱ yáyojó xi tsꞌénkjién,

tsi̱ꞌe̱ nga nínga jñoó kꞌo̱ya yáyojoó xota̱ xi kixi̱ síndo ini̱ma̱a̱.

3Tsi si̱ꞌankjatsón ni xi yaꞌanii̱ nga kamánda kui nga̱sondiee̱,

mí ni xi ka̱maa̱ sa̱ꞌín xota̱ xi kixi̱i̱.

4Néná ki̱a̱ tikón na̱ngo̱xi̱ tsjiee̱,

kó ndiꞌakꞌajmii̱ boá nínga tikón ngi̱ndie xi botixómá,

kó tsꞌénkotsijee̱n ko̱jo tsꞌénkotꞌa ni xi tsꞌén xota̱ nga̱sondiee̱.

5Néná kjitꞌayákón xota̱ xi kixi̱i̱,

ta̱nga ini̱ma̱a̱ chꞌórií xota̱ xi ndajiín,

ko̱jo kui xi tsja maa̱ nga tsꞌén ni xi ꞌniú ndajiín.

6Kuí boá xi sa̱ꞌínkixó xꞌué xí tjítíngá ngi̱jii̱n kui xotaa̱,

ko̱jo ndiꞌí, ko̱jo ndso̱ko̱a̱n asufre̱, ko̱jo tjo̱ xi tsꞌénchjánná sa̱ngíyaá.

Bo̱a̱ kjíꞌí ni xi tsoboaá kui xotaa̱.

7Ngatꞌa̱ Néná kixi̱ boá, kó tjórií kjo̱a̱kixi̱i̱,

kuíni nga xota̱ xi kixi̱i̱ boá xi ka̱ma sku̱i̱e̱ kje̱n.

Nke Ahọpụtara Ugbu A:

Xo̱jo̱n Salmoo̱ 11: MAIX

Mee ka ọ bụrụ isi

Kesaa

Lee anya n'etiti ihe abụọ

Mapịa

Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye

Amaokwu Akwụkwọ Nsọ Ndị Ama Ama siteré na
Xo̱jo̱n Salmoo̱ 11