Xo̱jo̱n Salmoo̱ 100
100
¡Te̱ꞌéjnúu̱ ndokꞌóchjì Néná!
1¡Ngayeje jún xota̱ xi tindyiónjnú kui nga̱sondiee̱,
chaꞌayàtsjajnúu̱ Néná kó tsjangatꞌiéjnú!
2Tsjangatamájnú nga si̱ꞌanxátꞌajnúu̱ Néná.
Tsjangatꞌiéjnú nga kji̱ndi̱bájnú ngindyi̱ko̱n Kui.
3Cha̱ndikónjnú nga Kuí boá xi Néná,
Kuí boá xi katsꞌéndaná, kó Kuí ndokjo̱a̱ ñá.
Ñá boá xi xota̱ na̱xi̱ńdaá kui má,
ñá boá xi cho̱tsa̱nga̱ xi tsi̱ꞌe̱, xi tindyión kꞌijñaá Kui.
4Ki̱a̱ nga̱ntjo̱a̱ Ndiꞌandikoón ti̱tjásꞌi̱e̱njnú nga ko̱e̱ꞌéjnúu̱ ndokꞌóchjì,
kó ki̱a̱ ndi̱tsee̱n ti̱tjásꞌi̱e̱njnú nga ti̱ꞌantsjàjnúu̱.
Te̱ꞌéjnúu̱ ndokꞌóchji̱ì, kó ti̱ꞌantsjàjnúu̱ Jaꞌeén.
5Ngatꞌa̱ ndaxota̱ Néná,
kó ngatsjéni̱xtjin nga tjiín kjo̱a̱ni̱ma̱takón,
kó kjo̱a̱ꞌniátakoón ta̱kjiꞌání nga kꞌuijñá.
Nke Ahọpụtara Ugbu A:
Xo̱jo̱n Salmoo̱ 100: MAIX
Mee ka ọ bụrụ isi
Mapịa
Lee anya n'etiti ihe abụọ
Kesaa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014