โยฮัน 16
16
1“น้าย เต๋ย หว่า เยีย บั๋ว เม่ย บัว เหว่ย ปุน เม่ย บัว ไม้ ถุย โป่ว. 2นิ่น บัว อ๋อย หฒุ่น เม่ย บัว ธ้วด หวุ่ย ต้อง. เฒี่ยง โห่ อ๋อย เถา, หาย เต้า ไต๋ เม่ย บัว ฯฒฯ หล่าย โหฒว เหว่ย ฟู-สู ทิน-ฮู่ง. 3นิ่น บัว อ๋อย ฮนั้ง น้าย โหฒว เหว่ย หฒุ นิ่น บัว ไม้ ฮิ้ว ตุ๊ หฒั่ง เตี๋ย, หย่า ไม้ ฮิ้ว ตุ๊ เยีย. 4น้าย เต๋ย สี่ เยีย บั๋ว เหฒียง เม่ย บัว. หาย หฒั่น ปวั้ง น้าย เต๋ย สี่ เม่ย บัว ฯฒฯ ไฮ่ จั๋ง ตุ๊ เยีย บั๋ว เจี๋ย เม่ย บัว หมี่ อ๊ะ.
สีง ลี่ง โหฒว เญย กง
“น้าย เต๋ย สี่ ฒิ่น ด่าง เยีย ไม้ บั๋ว เม่ย บัว, เหว่ย หฒุ เยีย หธ่อ เหธา เม่ย บัว เยียม. 5มป่า อี้ หฒั่น เยีย อ๋อย หฒุ หฑวน เถา พ้าย เยีย ต้าย วั้ว เต้า. เม่ย บัว หย่า ไม้ ม่าย หาย เต้า หน่าย เยีย, ‘เม่ย มี่ง หาย?’ 6เหว่ย หฒุ เยีย ก๊อง น้าย เต๋ย สี่ บั๋ว เม่ย บัว, เม่ย บัว เญย เฮญี้ยว หฒะเก้ง เฑ่า ไห่ อ๊ะ. 7มป่า เยีย ก๊อง เฒียน บั๋ว เม่ย บัว, เยีย หฑวน มี่ง เซ เหว่ย ปุน เม่ย บัว เก้า ตุ๊ หลง. สี ก๊อง เยีย ไม้ หฑวน, เถง เมี่ยน วั้ว เต้า ไม้ ต้าย ล์อ เม่ย บัว. เยีย หฑวน มี่ง, เยีย ฯฒฯ พ้าย นิ่น ต้าย ล์อ เม่ย บัว.
8“เถง เมี่ยน วั้ว เต้า ต้าย วั้ว หฒั่น, นิ่น อ๋อย ปิ๋ว เม่ง ปุน ป้าม เมี่ยน ฮิ้ว ตุ๊ นิ่น บัว ต่อง เถา ฒุ์ย เญย เจ๊า, เถา โหฒว หอบ เญย เจ๊า, แอ๋ง เถา เซี้ยม ฒุ์ย เญย เจ๊า. 9เถา ฒุ์ย เญย เจ๊า, หลาย นิ่น บัว ไม้ เสียน เขา เยีย. 10เถา โหฒว หอบ เญย เจ๊า, เหว่ย หฒุ เยีย มี่ง เยีย เญย เตีย วั้ว, เม่ย บัว ฆะฮ้า ไม้ ปวัด เยีย หมี่ อ๊ะ. 11เถา เซี้ยม ฒุ์ย เญย เจ๊า, เหว่ย หฒุ กุ๊น ป้าม เกน วั้ว เต้า ฒู้ง หฒุ ตี่ง ฒุ์ย อ๊ะ.
12“เยีย หธ่อ ม่าย สี่ ธั้ม เญย บั๋ว เม่ย บัว มป่า เฑ่า เหย เม่ย บัว อี้ หฒั่น เตี๊ย ไม้ ตุ๊. 13ปุน เมี่ยน ฮิ้ว ตุ๊ เฒียน เล์ย วั้ว เต้า สีง ลี่ง ต้าย วั้ว หฒั่น, นิ่น อ๋อย ปุน เม่ย บัว ฮิ้ว ตุ๊ เหฑ่ง เฒียน เล์ย. นิ่น ก๊อง เญย หว่า ไม้ เฒ์ย นิ่น กั้น ฮนั้ม ธ้วด ต้าย ก๊อง. นิ่น ขูง อ๋อย ก๊อง ต้ง นิ่น ตุ๊ ไฮ์ เจี๋ย เญย หว่า ฮนั้ง, หย่า ก๊อง ฆะฮ้า ฮี้ง อ๋อย ธ้วด ต้าย เญย สี่ บั๋ว เม่ย บัว. 14นิ่น อ๋อย ปุน เมี่ยน ท่าย เยีย ฯฒฯ ต้อ เยีย เญย หว่า ต้าย ก๊อง บั๋ว เม่ย บัว. 15หฒั่ง เตี๋ย ม่าย เญย เหยียด ฒู้ง เซ เยีย เญย. เหว่ย น้าย เยีย หธีง ต้าย ก๊อง สีง ลี่ง อ๋อย เฒาะ เยีย บั๋ว นิ่น เญย เหยียด ฒู้ง บั๋ว เม่ย บัว.
โยว-เฑ่า ทิ้ว เป๋น เฌียน-โย่ว
16“ไม้ หนั่ง เล่า เม่ย บัว ไม้ ตุ๊ ปวัด เยีย. ฆะฮ้า ไม้ หนั่ง เล่า เม่ย บัว แอ๋ง ตุ๊ ปวัด เยีย.”
17ม่าย เต๋ย นิ่น เญย ไซ-ก๋อ, ล่าน หน่าย ล่าน, “น้าย เอ๋ย เล์ย ฮนั้ง หาย นอ? ไซ-เตี๋ย ก๊อง, ‘ไม้ หนั่ง เล่า เม่ย บัว ไม้ ตุ๊ ปวัด เยีย. ฆะฮ้า ไม้ หนั่ง เล่า เม่ย บัว แอ๋ง ตุ๊ ปวัด เยีย.’ นิ่น หย่า ก๊อง ‘น้าย เซ เหว่ย หฒุ เยีย หฑวน หฒั่ง เตี๋ย วั้ว.’” 18นิ่น บัว หย่า หน่าย, “นิ่น ก๊อง ‘ฆะฮ้า ไม้ หนั่ง เล่า’ วั้ว โจ๋ว หว่า, เอ๋ย เล์ย ฮนั้ง หาย นอ? เยีย บัว ไม้ ฮิ้ว ตุ๊ นิ่น ก๊อง หาย หญู่ง.”
19เยซู ฮิ้ว ตุ๊ นิ่น บัว อ๋อย หน่าย นิ่น, นิ่น ฯฒฯ ก๊อง บั๋ว นิ่น บัว, “เยีย ก๊อง, ‘ไม้ หนั่ง เล่า เม่ย บัว ไม้ ตุ๊ ปวัด เยีย. ฆะฮ้า ไม้ หนั่ง เล่า เม่ย บัว แอ๋ง ตุ๊ ปวัด เยีย.’ ต้ง น้าย โจ๋ว หว่า เญย เอ๋ย เล์ย เม่ย บัว ล่าน หน่าย ล่าน ไม้ เฒ์ย? 20เยีย ก๊อง เฒียน บั๋ว เม่ย บัว, เม่ย บัว อ๋อย หฒุ งุ์ยๆ เญย เญี้ยม, มป่า ป้าม เมี่ยน เฌียน-โย่ว, อะเฮน้ย เญย. เม่ย บัว อ๋อย เฑ่า, มป่า เม่ย บัว เญย โยว-เฑ่า อ๋อย ทิ้ว เป๋น เฌียน-โย่ว. 21มเซียะ ตอน อ๋อย ดุ๊ด ซิน เญย เฒี่ยง โห่ เถา, นิ่น เฑ่า ไห่ หลาย อ๋อย หฒุ เตี๊ย มุน. มป่า ยู์ง ลิ์ว กู้งว์า, นิ่น ไม้ จั๋ง หฒุ นิ่น เตี๊ย มุน, เหว่ย หฒุ นิ่น ตุ๊ เต้า กู้งว์า เยียม ลู่ง เดี๊ย ฯฒฯ อะเฮน้ย ไห่.
22“เม่ย บัว หย่า ฮนั้ง น้าย นอ. อี้ หฒั่น เม่ย บัว เฮญี้ยว เฑ่า, มป่า เยีย แอ๋ง อ๋อย ต้าย ล์อ เม่ย บัว, เม่ย บัว ฯฒฯ เฌียน-โย่ว ออน-เหลาะ. น้าย หญู่ง ออน-เหลาะ ไม้ ม่าย หาย เต้า ไฮ่ เฒาะ ตุ๊ ธ้วด. 23เถา วั้ว ฮนอย เม่ย บัว ไม้ หน่าย หาย หญู่ง เยีย. เยีย ก๊อง เฒียน บั๋ว เม่ย บัว, เม่ย บัว เต๊ง เยีย เญย บั๋ว เถง หฒั่ง เตี๋ย โท้ หาย หญู่ง, นิ่น ฯฒฯ ปุน วั้ว หญู่ง เม่ย บัว.#16:23 ม่าย เต๋ย โล์-ฮนอย โซว ก๊อง “เม่ย บัว เถง หฒั่ง เตี๋ย โท้ หาย หญู่ง, นิ่น ฯฒฯ เต๊ง เยีย เญย บั๋ว ปุน วั้ว หญู่ง เม่ย บัว”. 24เถา อี้ หฒั่น เม่ย บัว ไม้ แก้ง เต๊ง เยีย เญย บั๋ว โท้ เจี๋ย หาย หญู่ง. กุ๊น โท้ ม่าะ! เม่ย บัว ฒู้ง อ๋อย ตุ๊, ฯฒฯ เฌียน-โย่ว เถา ต้าว.
เยซู ฮี่ง ป้าม เกน หมี่ อ๊ะ
25“น้าย เต๋ย เหยียด ฒู้ง สี่ เยีย หล่ง หว่า-เป๊ย บั๋ว เม่ย บัว. เฒี่ยง โห่ อ๋อย เถา, เยีย ไม้ หล่ง หว่า-เป๊ย อ๊ะ. เยีย เญย เตีย เญย เจ๊า เยีย อ๋อย ก๊อง เม่ง บั๋ว เม่ย บัว. 26เถา วั้ว ฮนอย เม่ย บัว อ๋อย เต๊ง เยีย เญย บั๋ว เถง หฒั่ง เตี๋ย โท้ หาย หญู่ง. เยีย ไม้ เฒ์ย ก๊อง เยีย เถง เม่ย บัว โท้. เยีย ไม้ หฒุ เถง โท้, 27เหว่ย หฒุ หฒั่ง เตี๋ย กั้น ฮนั้ม เม่ย บัว. นิ่น ฮนั้ม เม่ย บัว เหว่ย หฒุ เม่ย บัว ฮนั้ม เยีย หย่า เสียน เยีย เยียม หฒั่ง เตี๋ย ต้าย. 28เยีย เยียม หฒั่ง เตี๋ย ต้าย เปียะ ป้าม เกน. อี้ หฒั่น เยีย อ๋อย เล่ย ป้าม เกน หฑวน หฒั่ง เตี๋ย วั้ว.”
29นิ่น เญย ไซ-ก๋อ บัว แอ๋ง ก๊อง บั๋ว นิ่น. “อี้ หฒั่น ไซ-เตี๋ย ก๊อง เม่ง เญย บั๋ว เยีย บัว หย่า ไม้ หล่ง หว่า-เป๊ย. 30อี้ หฒั่น เยีย บัว ฮิ้ว ตุ๊ เม่ย ฮิ้ว เหฑ่ง หม่าน สี่, ฒู้ง ไม้ เฉียม หฒุ หาย เต้า หน่าย หาย หญู่ง เม่ย. เหว่ย น้าย เยีย บัว เสียน เม่ย เยียม ทิน-ฮู่ง ต้าย.”
31เยซู เตา นิ่น บัว, “เม่ย บัว อี้ หฒั่น เสียน อ๊ะ? 32เฒี่ยง โห่ อ๋อย เถา, ฒู้ง เถา ต้าย อ๊ะ. เม่ย บัว เหยียด ฒู้ง อ๋อย เปย๋า หฑาน เหฑ่ง. เก๊าะ-เมี่ยน อ๋อย เปย๋า หฑวน เก๊าะ-เมี่ยน เญย เปย๊า, ขูง กวั่ง เยีย กั้น ดุ ล่าน เมี่ยน เยียม ฮนั้ง. มป่า ไม้ เฒ์ย หฒะเก้ง ขูง เยีย กั้น เหว่ย หฒุ ม่าย หฒั่ง เตี๋ย เหธา เยีย เยียม. 33เยีย ฮนั้ง น้าย บั๋ว เม่ย บัว, อ๋อย เม่ย บัว เหธา เยีย จวั่ง แหม่ง เฒี่ยง ฯฒฯ ตุ๊ แป้ง ออน. เยียม น้าย ป้าม เกน เม่ย บัว ม่าย โค้ว หน่าน, มป่า กุ๊น ปู๋ง เฮญี้ยว. เยีย ฮี่ง เจี๋ย ป้าม เกน หมี่ อ๊ะ.”
Nke Ahọpụtara Ugbu A:
โยฮัน 16: IuMiTH
Mee ka ọ bụrụ isi
Mapịa
Lee anya n'etiti ihe abụọ
Kesaa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
Mien Bible (Thai Script) © Thailand Bible Society, 2007