उत्पत्ति 16
16
हागार र इश्माएल
1अब्रामकी स्वास्नी साराईको सन्तान हुन सकेको थिएन। उनकी एउटी हागार नाम गरेकी मिश्री कमारी थिई। 2उनले अब्रामलाई भनिन्, “परमप्रभुले मलाई छोरा-छोरीहरू दिनुभएन। यो मेरी कमारी केटीसित तपाईं सुत्नुहोस्। सायद त्यसले मेरो निम्ति एउटा सन्तान जन्माउन सक्छे कि?” साराईले भनेका कुरा अब्रामले माने। 3उनलाई साराईले रखेल बनाउन हागार दिइन्। (यो हुँदा, अब्रामले कनानमा दश वर्ष बास गरिसकेका थिए।) 4अब्राम हागारसित सुते र त्यो गर्भवती भई। आफू गर्भवती भएको थाहा पाएर हागार घमण्डी भई र साराईलाई हेप्न लागी।
5तब साराईले अब्रामलाई भनिन्, “तपाईंले गर्दा हागारले मलाई तुच्छ ठान्छे। मैले नै त्यसलाई तपाईंलाई दिएकी थिएँ। त्यसले आफू गर्भवती भएको चाल पाएपछि मलाई तुच्छ ठानेकी छे। तपाईं र मेरो बीचमा को ठीक छ भनी परमप्रभुले नै न्याय गरिदेऊन्।”
6अब्रामले उत्तर दिए, “हुन्छ, त्यो तिम्री कमारी हो र तिम्रै अधीनमा छे। तिमीलाई जे मन पर्छ, त्योसित त्यसै गर।” त्यसपछि साराईले हागारमाथि यति कठोर व्यवहार गरिन् कि त्यो घरबाट भागी।
7परमप्रभुका दूतले त्यसलाई मरुभूमिमा शूर जाने बाटोमा पानीका मूलनिर भेट्टाए 8र भने, “हागार, साराईको कमारी, तँ कताबाट आइस् र कता जाँदै छस्?”
त्यसले उत्तर दिई, “मेरी मालिकनीदेखि म भाग्दै छु।”
9दूतले भने, “आफ्नो मालिकनीकहाँ फर्किगएर उसकी कमारी भएर बस्।” 10तब उनले भने, “म तँलाई यति धेरै सन्तान दिनेछु कि कसैले तिनलाई गन्न सक्नेछैन। 11तैँले छोरो जन्माउनेछस् र त्यसको नाम इश्माएल राख्नू किनभने परमप्रभुले तेरो दु:खको पुकारा सुन्नुभएको छ। 12तर तेरो छोरो जङ्गली गधाझैँ हुनेछ, त्यो हरेकको विरुद्धमा हुनेछ र हरेकले त्यसको विरोध गर्नेछ। त्यो आफ्ना सबै कुटुम्बहरूदेखि छुट्टिएर बास गर्नेछ।”
13हागारले मनमा सोची, “के साँच्चै मैले परमेश्वरलाई देखें र यसबारे भन्नलाई अझै जिउँदै छु?” त्यसरी आफूसित बोल्नुहुने परमप्रभुलाई त्यसले ‘मलाई देख्नुहुने परमेश्वर’ भनी नाम दिई। 14त्यसैले मानिसहरूले कादेश र बेरेदका बीचमा भएको त्यो इनारलाई ‘मलाई देख्नुहुने जीवित परमेश्वरको इनार’ भन्दछन्।
15 #
गलाती 4:22
हागारबाट अब्रामको एउटा छोरो भयो। उनले त्यसको नाम इश्माएल राखे। 16त्यति बेला अब्रामको उमेर ८६ वर्ष भएको थियो।
Nke Ahọpụtara Ugbu A:
उत्पत्ति 16: सरल नेपाली
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
Simple Nepali Holy Bible © Nepal Bible Society, 2008.