Salmos 26
26
Ijnko chojni jína nixje̱he̱ Díos
Salmo kuènté David
1Itꞌéni Díos, chróndáchrua kixin jínani;
ó noha kixin í chóntahyani ijie̱.
Kixin jeheni kuíto̱ehyani tinkáchónkini ti jaha.
2Tsjehé á jína itjeni, Itꞌéni Díos.
Chrotsjehé jína nkexrín tjenka̱yáxin a̱séni.
3Ó noheni kixin jaha tjue̱héni,
la ndoá xritjakꞌeni éxi tsíkéto̱an.
4Jeheni tꞌitohñani ti sin nkojínxónhña tjenka̱yáxin
la ko kꞌuájikohyani ti sin xrichꞌia.
5Tóxríe̱nhñani ti tónkotsé ti sin tjenka̱yáxin nkehe jínahña
la ko kjuákꞌekohyani ti sin tjasin ijie̱.
6Méxra̱ ó kꞌóntini itjani kixin tja̱ko̱xi̱ni kixin í chóntahyani ijie̱,
la xi̱kaha jína tso̱chjinani ti altar kuèntá, Itꞌéni Díos,
7la jína tsotsjeni, tsjikosáyahani,
la tsondáchroni kaín ti kjuaxroan#26:7 kjuaxroan maravillas, milagros kjuásian.
8Itꞌéni Díos, jeheni mé tjue̱heni ti ni̱nko itjen jaha,
kixin ntiha itjen ti kjuachaxin kuèntá.
9Chrokjuájonhña kjuachaxin kixin sáchrókjuikoni ti chojni chónta ijie̱
la ko nchekꞌitjáñakoáhyani ti sin tsíkjàya.
10Itja ti sin a la chónta ijie̱
kixin nchónhña chichaon kjuacha sin kixin kjuíchꞌia sin.
11A̱ndá jeheni la chóntahyani ijie̱.
Ti̱konoéhéni la nchekaáni.
12Jaha ó noha kixin ndoá xritjakꞌeni;
méxra̱ tjikosáyahani, Itꞌéni Díos, ti tjejó kaín ti sin kónkotsé.
Nke Ahọpụtara Ugbu A:
Salmos 26: poeNTplus
Mee ka ọ bụrụ isi
Kesaa
Lee anya n'etiti ihe abụọ
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
© 2016, Wycliffe Bible Translators, Inc. All rights reserved.