Keriben 23
23
XXIII
O Bišutrito Šero
1He o Pavlos dikl’as pro bāre manuša phusade jakhentsa, he phend’as, Manuša, phrala, me ǧid’om angal mro Devel, savoro lāčipen andre mro jilo, až’ andr’ adad’ives.
2He o Učo Rašaj, o Ananiāšis, vičind’as adalen, have ehas pašal leste, te les māren pro muj.
3He o Pavlos phend’as leske, O Devel mārela tut, tu pārno bara! Bešes adaj te phenes avri pre mande o čāčipen, he vičines te man māren mamuj o Bāro Lav?
4He odola, have ehas pašal phende, Tu tromas te tut košes e Devleskre Uče Rašaha?
5Pales phend’as o Pavlos, Me na ǧāndl’om, phrala, kaj jov ehi o Učo Rašaj. Ehi čhindo, Ma vaker bilāčes pal o Najbāreder tre manušengro.
6Kana o Pavlos dikl’as, kaj jek koter ehi Sadukejskā, h’āver ehi Farizejskā, diñas vika angal o bāre manuša, he phend’as, Manuša, phrala, me som Farizeos, Farizejskā čhāvo; užārav he pat’av andro ušt’iben kathar o mūle. He tumen pes phučen mandar.
7He kana vakerd’as auka, o Farizejskā he o Sadukejskā manuša pes mārenas, he o manuša ehas ulade.
8O Sadukejskā manuša phenen, kaj nāne ušt’iben kathar o mūle, nāne devleskro bičhado, nāne Vōd’i; korkoro o Farizejskā manuša vakeren, kaj ehi so‐duj.
9He ehas bāri vika, he o čhinipnaskre, have ehas e Farizejskā manušentsa, ušt’ile upre, he mārenas pes, he vakerde, Amen na rakhas bilāčipen andr’adava manuš; te hi auka, kaj jek Vōd’i, vaj jek devleskro bičhado vakerd’as leha, nāne lāčes te māras mamuj amāro Devel.
10He kana avle bāre viki, o šereskro lurdo daralas, kaj te les na keren kotera, he vičind’as e lurden te ǧan tēle, he te les len a zōraha avri lendar, he te les liǧan andro rajkāno kher.
11He tajsa, rāt’i, o Devel terd’ilas paš leste, he phend’as, Ačha lāče jileha, Pavlu! Har tu pal mande vakerd’al andri Jeruzalema, auka tu aveha mre jakhengro andri Rima.
12He kana ehas d’ives, varehave bibolde pēle ke peste jekhethāne, he phandle pes a sovlaha, he phende, kaj na xana, he na piena, aži kaj te na mudāren e Pavlos.
13H’ehas buter har štārvardeš manuša, have kerde ada sovel maškar peste.
14He jon avle ko Najbāreder Rašaja, he ko Najphureder Manuša, he phende, Amen pes phandl’om a bāra sovlaha, kaj amen na xaha he na piaha, aži kaj te na našavas e Pavlos.
15Ak‐akanak, tumen, bāre manuša, ǧan! he phenen e šereskreske, te les liǧal tēle tajsa ke tumende, har tumen kamen te les šunen lāčeder pal varehavi būt’i, he amen, kana avela pašal, užāraha te les našavel.
16He kana o čhāvo a Pavloskra pheñakro šund’as, kaj les užāren, gēl’as andro rajkāno kher, he vakered’as e Pavloha.
17Pales o Pavlos vičind’as jekhe šelengres t’avel ke peste, he phend’as, Liǧal adale rākles ko šereskro! Ehi les vareso te leske phenel.
18L’il’as les, liged’as les ko šereskro, he phend’as, O Pavlos, o phandlo manuš, vičind’as man t’avel ke peste, he mangl’as man te liǧav adale rākles ke tute. Ehi les vareso, te tuke phenel.
19He o šereskro lurdo les l’il’as e vasteha, he gēl’as leha avri e manušendar, he phučl’as pes lestar, So kames te mange phenes?
20He jov phend’as, O bibolde ehi jekha gōd’aha, he mangen tut, te liǧas e Pavlos tajsa angal o bāre manuša, odoleske, har phenen, kaj te pes phučen lāčeder pal varehavi būt’i.
21Ma šun len! Užāren buter har štārvardeš manuša, have pes phandle a sovlaha, kaj na xana, he na piena, aži kaj te les na našaven. Ak‐akanak užāren tro lav.
22He o šereskro lurdo mukl’as e rākles te ǧal, he phend’as leske a zōraha, Ma phen ñikaske, kaj tu mange sikad’al adala būt’a.
23He vičind’as t’aven ke peste duj šelengre, he phend’as, Muken duj‐šel lurden, he eftavardeš grasteskren, he duj‐šel xārreskren te ǧan rāt’i andri Kezaria!
24He den lenge grasten! te šaj thoven e Pavlos pre lende, he te les liǧan sastes ko Feliksos, o Najbāreder Themeskro.
25He čhind’as jek l’il auka:
26O Klaudios Lisiāšis bičhavel ke tute, he phenel, Jav sasto, but lāčo Themeskro Feliksos.
27O bibolde l’ile adale manušes, he kamenas te les našaven. Me avl’om e lurdentsa, he l’il’om les avri ǧidones. Me prinǧārd’om, kaj jov ehi Rimanos.
28He kana kamavas te ǧānav, soske jon phende, kaj ehi bilāčo manuš, thod’om les avri angal lengre bāre manuša.
29He dikl’om, he jon phende, kaj adava manuš kerelas mamuj o Bāro Lav. Na phende, kaj ehi auka bilāčo, kaj les te našaven vaj te phanden.
30He kana mange phende, har o bibolde užārenas adale manušes, na ačl’om, he bičhad’om ke tute. Vičind’om leskre mamujengren te phenen angal tute, soske keren mamuj leste. Ačh mre Devleha!
31Pales, o lurde, har lenge ehas vičindo, l’ile e Pavlos, he ligede les rāt’i andro Antipatris.
32Pales, tajsa, mukle e grasteskren te ǧan leha, he jon gēle pāle ko rajkāno kher.
33He kana avle andri Kezaria, he dine e Themeskreske o l’il, ligede e Pavlos angal leste.
34He pales, kana o Themeskro gind’as o l’il, phučl’as, Hava phuvatar ehi?
35Šunava tut, phend’as, kana avena tre mamujengre. He vičind’as, te les ikeren andro Herodoskro čhibāleskro kher.
Nke Ahọpụtara Ugbu A:
Keriben 23: MOR1936
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
First published by the British and Foreign Bible Society in 1936.