Zabur 85
85
Zenda nabakshay?
Pa sázger o washáwázáni sálárá. Kórahay chokkáni Zabur.
1Oo Hodáwand! Taw wati sardhagárá rahmat gwart o
Ákubay gwastagén washbahti padá per tarrént.
2Taw wati kawmay mayárbári bakshetant o
áyáni sajjahén gonáh póshetant. Ósht...
3Taw wati sajjahén gazab poshtá dawr dát o
wati hezhmay ás tóst.
4Oo may rakkénókén Hodá!
Gón má wasshán bay o
wati gazabá cha má dur kan.
5Tán abad gón má zahra bay?
Wati hezhmá nasláni nasl drájkassha kanay?
6Márá padá zenda nabakshay
ke tai kawm tai bárgáhá shádehi bekant?
7Oo Hodáwand! Wati mehrá márá pésh bedár o
márá hamá rakkénagá bebaksh ke cha tai némagá ent.
8Har chizz ke Hodáwandén Hodá gwashit, man gósha dárán,
chiá ke pa wati kawmá émeniay kawlá dant, pa wati wapádárán,
chó mabit ke á ahmakiay ráhá per betarrant.
9Béshakk, á mardománi rakkénag nazzik ent ke cha Hodáyá torsant,
tán may sardhagár cha áiay shán o shawkatá sarréch bebit.
10Mehr o wapádári yakdegará dochára kapant,
adl o émeni yakdomiá chokkant.
11Wapádári cha zeminá rodit o
adl cha ásmáná jahláda chárit.
12Béshakk, Hodáwand nékén chizza bakshit o
may zemin áiay bar o samará kárit.
13Adl, áiay démá rawána bit o
pa áiay gámán ráhé tayára kant.
Nke Ahọpụtara Ugbu A:
Zabur 85: HPKB
Mee ka ọ bụrụ isi
Mapịa
Lee anya n'etiti ihe abụọ
Kesaa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
© 2015-2022, Wycliffe Bible Translators, Inc. and the Balochi Bible Translation Team. All rights reserved.