Zabur 142

142

Maná cha kaydá dar kan

Dáuday shayri gwashtánk, hamá wahdá ke gáray tahá at. Dwáé.

1Hodáay bárgáhá zár o peryáta kanán o

cha Hodáwandá rahma lóthán.

2Wati gelagán hamáiay bárgáhá kanán o

wati sakki o sórián hamáiá gwashán.

3Arwáh ke mani bátená béwára bit,

taw ay ke mani ráhay rahshón ay.

Hamá ráhá ke mana rawán

pa man dámé chéresh gétkag.

4Mani rástén némagá bechár,

kass nést ke mani hayálá bebit.

Maná panáh nést o

kass mani zenday pegrá naent.

5Oo Hodáwand! Tai bárgáhá peryáta kanán o gwashán:

“taw mani panáhjáh ay o

zendagénáni zeminá mani bahr.”

6Mani peryátá gósh dár

ke man mazanén sakki o sórián kaptagán.

Maná cha á mardomán berakkén ke mani randá kaptagant,

chéá ke cha man zórákter ant.

7Maná cha kaydá dar kan

ke tai námá benázénán.

Gorhá pahrézkár mani chapp o chágerdá moccha bant

ke taw pa man nékia kanay.

Nke Ahọpụtara Ugbu A:

Zabur 142: HPKB

Mee ka ọ bụrụ isi

Mapịa

Lee anya n'etiti ihe abụọ

Kesaa

Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye

Amaokwu Akwụkwọ Nsọ Ndị Ama Ama siteré na
Zabur 142