Zabur 122
122
Hodáwanday lógá berawén
Dém pa Urshalimá borzád rawagay sawté. Dáuday Zabur.
1Áyán ke gwasht:
“Hodáwanday lógá berawén”
man shádán bután.
2Chón wassh! May pád cha tai darwázagán potertag o óshtátagant,
oo Urshalim!
3Urshalim anchosh bandag butag
ke shahr cha har némagá gón wat chó tagerdéá gwaptag.
4Hamódá ke kabilaha rawant, Hodáwanday kabilah
ke Hodáwanday námá benázénant
hamá ahd o karáray hesábá ke Esráilá dayag butag.
5Ódá dádrasiay taht barjáh dárag butagant
Dáuday kahól o hándánay taht.
6Pa Urshalimay émeniá dwá kanét,
harkas ke tará, ó Urshalim, dósta dárit, ásudag bát.
7Tai shahray diwáláni tahá sohl o émeni bát o
tai kalátán ásudagi.
8Wati brát o sangatáni háterá gwashán:
“Tará sohl o émeni sar bát.”
9Wati Hodáwandén Hodáay lógay háterá
tai ábád bayagay lóthók án.
Nke Ahọpụtara Ugbu A:
Zabur 122: HPKB
Mee ka ọ bụrụ isi
Mapịa
Lee anya n'etiti ihe abụọ
Kesaa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
© 2015-2022, Wycliffe Bible Translators, Inc. and the Balochi Bible Translation Team. All rights reserved.