Amaokwu Akwụkwọ Nsọ Ndị Ama Ama siteré na Mako 6

Kesaa

Ye nʼabakoba ati, “Mwize, twabe omu kifo mwetwasobola okubba iswenkai, muwumuleku.” Baali babuurwe nʼakaire okulya emere olwa bantu abaingi abaizanga we baali. Bani baabbanga bakuzwawo, abandite ni baika.

OYesu nʼabakoba ati, “Omulangi ateebwamu ekitiinisya woona woona, okutoolaku omu kibuga kya waabwe, nʼomu kika kyamwe, nʼomu nyumba ya waamwe.”

OYesu niyaligire mu bwato, nʼabona abantu baingi abakumbaine, nʼabakwatirwa ekisa, kubba baali nkʼentaama ezinyambula muliisya! Awo nʼabeegesya ebintu bingi.

Era eni oYesu tiyakoleireyo byamaano, okwiyaku okutambayo abalwaire abadoolidooli, nakubakwataku. Yeewuunyire muno kubba abantu baayo tibaalina kwikiriza. Awo nʼayaba nakwegesya omu byalo ebyerereirewo.

OYesu nʼatwala emigaati etaanu nʼencwi ibiri, nʼaimula amaiso egiri eiguru, ni yeebalya oKanca. Nʼayendayenda emigaati, nʼagiweerya abeegesebwa baamwe bagigabire abantu. Era nʼencwi eibiri nʼaziyendayenda, boona boona ni bafuna. Boona boona ni balya ni baikuta. Abeegesebwa ni bakumbaania ebitundutundu bya migaati nʼebya ncwi ebyasigairewo, ni biizulya ebiibbo ikumi nʼabibiri