Amaokwu Akwụkwọ Nsọ Ndị Ama Ama siteré na Mako 5

Kesaa

OYesu nʼamukoba ati, “Mwana wange, otambirwe olwa kwikiriza kwamu. Yaba mirembe, obulwaire bwamu buwonere kimwei”

Waaliwo omukali eyaali abonaaboine nʼobulwaire obwa kajwisyo, okumala emyaka ikumi nʼebiri. Yaali awaireyo ebintu byamwe byona omu basawo baingi abaamujanjabire, baitu nʼatatambwa, ni yeeyongerangambe okubba okubbi.

Niyakikweiteku, amangu ago akajwisyo ni kakanga. Nʼawura omunda omu ye natambirwe obulwaire bwamwe.

Nʼakwata omwana oku mukono, nʼamukoba ati, “Talisa kumi,” ekimanyisya nti, “Kaala we, nkukukoba, imuka.”

OYesu niyaali acaabaza, abakwenda abaazwire e wa Yayiro, omukulu wa ikumbaaniro, ni baaba, ni bakoba oYayiro bati, “Omwala waamu afiire, oMwegesya ocaamugadirya kite?” Ebigambo byʼabakwenda abo oYesu nʼatabitaaku mwoyo nʼakoba oYayiro ati, “Otatiina, ikirizambe.”

Yabazire atyo, kubba oYesu yaali alagiire omuzumu ati, “Muzumu we liga oku musaiza oni!” Awo oYesu nʼagubuulya ati, “Eibara ryamu niiwe naani?” Ni gwiramu guti, “Eibara ryange ninje Legiyooni, kubba tuli baingi.”