Amaokwu Akwụkwọ Nsọ Ndị Ama Ama siteré na An Roma 12

An gabese la ta̱m ho̱da̱na̱n an copun yanda̱ha̱n retina̱n emma̱n nocurimuc na̱ da. Lag Sila vodasa keka̱bs no, bat nocurimuc no ca̱n voda. I daava̱n lo kaana, a̱n ta̱n napt rina̱n Sila rein nu'to̱n baa no, in rein i kasi, honhono, ta̱ma̱ in ti pusa̱sa̱ na̱ c'de̱be̱.

A̱m el a̱n kons no hyaarene, ai retin Sila hongk za̱im cinna, az a̱n nes hid no sak baa Na'Sil ho̱da̱n rina̱n reina̱n s'hobo. A̱n soot rihi in zattin ri d'reb da, in ti pusa̱sa̱ A'Sil c'de̱be̱. I inya a̱n rein hwiipsa̱c Na'Sil ca̱ m'ga̱u, ca̱n hwennainne.

Lag na sakma̱n cou no baa Na'Sil de̱l no a̱n c'za̱ngkta̱. Gag na ta̱m c'de̱b baan ryaaka̱ d'koba. An poo la s'cepk da.

An lag la rihic naak pa̱t we̱sa̱m no da. Pa̱t na we̱sma̱n rihic naak a̱n rihic kasi.

To̱n na hyannanon ho̱d nu'ha̱nu. Koowe̱ ne̱e̱ ta̱m hyan k'gwin, i hat ho̱da̱na̱n tu ne̱e̱t hid ru.

Lag to̱nc no soot ca̱ m'ga̱u. Ha̱l na rihic naake, a̱n bo̱p rina̱n rein i kasi ke̱kk.

I lan baa no, awaz ti ema, em na rina̱n ti ema kwe̱ a̱n soott i kasi a neta̱n na.

Nwaa baran ri, an em la k'so̱to̱so̱ da. Le̱gse̱ na A'Sil a so̱to̱so̱ no a̱n hwinsa̱d na̱. Rema̱n i el a'ge̱n a̱n laks Na'Sila̱, “I mi a̱n ta̱'m em k'so̱to̱so̱. I mi a̱n ta̱'m ve̱e̱kte̱ ta̱m na̱.” I Kan Go̱mca̱n Kooye̱ a̱n vatin taanlo.

Soot na a̱n za̱ksa̱ s'gab male. Soot na kooye̱ daava gezgez a̱n d'hormo, a̱n emam Kan Go̱mca̱n Kooye̱ m'coko.

A̱m el a̱n kaaga̱m kooye̱ da̱nv no wa, rema̱n pusuuna̱n Sila ne̱in me. Az an guba̱sa̱ la hid no ho̱da̱na̱n i ta ge̱be̱ste̱in da. Go̱t na i kasi, a̱n o̱m ta̱m hid no a la̱ta̱sa̱m d'hin ho̱da̱n geda̱n batma̱n ba̱tda̱n Sila ne̱in no.

An em la k'so̱to̱so̱ da. Gab na sasa a̱n em rihica̱n neta̱n ta he̱n az i honhono.

Soot na i kasi a hyannano no. An em la m'lo̱g da. Soot na la a'walgke, a̱n em c'bara a neta̱n kalkne. An dak la ta̱m d'gen az a̱n pa̱tk koowe̱ a̱n s'ver da.

Lalks Na'Sil zek ta̱ma̱, “Awaz kan ha̱lc rov el a̱n mero, ryaaksa o. A so̱o̱ti ot o, ne̱e̱ o m'ho̱o̱ u so̱o̱.” Av em taanlo, a̱v la a̱n kargsam ru ka̱ngca̱n hwela a̱n d'hi.

Pe̱ge̱ na an ryeesam no d'kob emu Na'Sila̱. Pe̱ge̱ na na̱ emu Na'Sila̱, an ema la na̱ s'nwa̱a̱ da. Se̱e̱te̱ na a c'za̱ngkta̱, c'za̱ngkta̱. An rein ta̱m a̱n naam c'de̱be̱, se̱e̱te̱ na na̱ naam c'de̱be̱.

Se̱e̱te̱ na hyannano a s'gab an robine. A̱n vetasa ta̱m marssam hamcne.

Na ci c'yob hwe̱di nu'we̱d uda̱nka̱. Kooye̱ yobwa ci la yomka ru. I ho̱da̱na̱n i retin bo̱ baa cinna an gabs Ka̱risti. Go̱t ge̱ na el hwe̱di, cinna la kwe̱ i yobca̱n we̱du Ka̱risti. Koowe̱ ta̱m i u'yob baan we̱du hyaaro.