Amaokwu Akwụkwọ Nsọ Ndị Ama Ama siteré na Паволонь сёрмазо Римев 5

Kesaa

А вана Христос кулось минек кисэ сестэ, зярдо минь ульнинек пежетевть! Истя Пазось невтизе миненек, кода Сон вельть вечксамизь.

Ды те седейнежедьксэсь а манчи-визделгавтни минек, секс мекс Пазось валызе минек седейтнес Эсь покш вечкеманзо – Иневанькс Оймеялтонть вельде, конань Сон миненек максызе.

Ды минек кенярксось аволь ансяк теньсэ. Минь кенярдтано истя жо пиштематнененьгак-майсематнененьгак, секс мекс содатано: пиштемась чачты-касты цидярдома, цидярдомась – кеме обуця, кеме обуцясь максы тенек седейнежедькс.

Минь ней ловозь чумовтомокс кемемань коряс, ды секс ладязь эрятано Пазонть марто минек Иисус Христос Азоронть вельде. Те Сон панжизе миненек кинть совамс кемеманть вельде те чанстентень, конасонть минь ней эрятано-аштетяно. Ней минь кенярдозь седейнежедькс марто учотано сень, зярдо миньгак соватано Пазонть марто Сонзэ инексчинтень.

Минек арасель виенек лездамс эстенек. Сестэ Пазонь путовт шкасто Христос кулось минек, пежетев ломантнень, кисэ.

Бути Пазось Иисусонь веренть вельде ловимизь ней чумовтомокс, сестэ Иисус седеяк идесамизь Пазонь кеженть эйстэ.

Кода вейкень, Адамонь, а кунсоломась теинзе весе ломантнень пежетевекс, истя жо вейкень, Иисусонь, кунсоломась теи весе ломантнень Пазонть икеле чумовтомокс.

Ды те зярс аволь весе! Минь кенярдтанояк минек Пазонть эйсэ, секс мекс минь ладязь Пазонть марто минек Иисус Христос Азоронть вельде.