Amaokwu Akwụkwọ Nsọ Ndị Ama Ama siteré na Матта 7

Kesaa

– Сораңлар, сизлерге бериледи. Излеңлер, табасызлар. Есикти қағыңлар, ол сизлерге ашылады.

Өйткени сораған ҳәр бир адам алады, излеген табады, есик қаққанға ашылады.

– Солай етип, Мениң усы сөзлеримди тыңлап, оларды орынлаўшылардың ҳәр бири өз үйин жартас үстине салған ақыллы адамға уқсайды.

Солай етип, ҳәмме исте адамлардың өзлериңизге не ислеўин қәлесеңлер, сизлер де оларға соны ислеңлер. Мухаддес Нызамның да, пайғамбарлардың Жазыўларының да мәниси усы.

Ал өмирге апаратуғын қапы тар, жол да енсиз, оны табатуғынлар аз.

– Тар қапыдан кириңлер. Өйткени набыт болыўға апаратуғын қапы кең, жол да енли, оның менен жүретуғынлар көп.

Өзлериңиз жаман бола тура, балаларыңызға жақсы сыйлар бериўди билсеңиз, онда аспандағы Әкеңиз Өзинен сорағанларға қаншелли көп ийгиликлер береди!

– Басқаларды ҳүким етпеңлер, сонда сизлер де ҳүким етилмейсиз. Өйткени сизлер басқаларды қандай ҳүким етсеңлер, өзлериңиз де сондай ҳүким етилесизлер. Қандай өлшем менен өлшеп берсеңлер, өзлериңизге де сондай өлшем менен өлшеп бериледи.

Ал Мениң усы сөзлеримди тыңлап, оларды орынламайтуғынлардың ҳәр бири өз үйин шеге қум үстине салған ақылсыз адамға уқсайды.

Сен неге туўысқаныңның көзиндеги шөпти көрип турып, өз көзиңдеги қаданы сезбейсең? Өз көзиңде қада бола тура, қалай: «Қәне, көзиңдеги шөпти алып таслайын», – деп туўысқаныңа айтасаң?

– Жалған пайғамбарлардан сақ болыңлар! Олар қой терисин жамылып сизлерге келеди, бирақ ишлеринде олар жыртқыш қасқырлар. Сизлер оларды мийўесинен билесизлер. Шеңгелден жүзим ямаса ошағаннан әнжир жыйнай аласыз ба?

Ҳәр бир жақсы терек жақсы мийўе береди, жаман терек жаман мийўе береди.

Жақсы терек жаман мийўе, жаман терек жақсы мийўе бере алмайды.

Жақсы мийўе бермейтуғын ҳәр бир терек шабылып, отқа тасланады.