Amaokwu Akwụkwọ Nsọ Ndị Ama Ama siteré na От Матфея 28

Тама̄кын апалъюқлъюку аӷуляқлъюси қамахлъюки югыт малихся̄ҳтыңлъяҳтыки хўаңамнун, крестиӷаляҳтыки А̄тҳакун Атам, Иӷныӷым, Аглыӷналӷӣмлъю Таӷныӷам. Апыҳтӯсяқитыки қа̄ткысқылъюки қамахлъюки қылӷутканка лъпысинун. Лъпысинитыпыста̄ҳлъықуңа қӯнпың кынляңа кынлытҳӯтылъҳанун нунам».

Иисусым такулюки пикӣ: «Қамахлъюни аҳтуӷьяҳқа̄нӷилъық қилягмилъю, нунамилъю хўаңамнун тагивақа̄гуқ.

Иўырңа аӷнак яқулгым пики: «Алиңыхпынаси. Лӣсимакамси Иисус иваӷақаҳси, қақӯрақа̄ялӷӣ. Хўа̄нъыӷитуқ; уңува̄ма̄қ пинақнилъыӷмитун. Тагитык, ысҳаӷьяҳтуҳтыху лъивиксяқаңа.

Та̄хкын Иисусым пики: «Алиңыхпынатык. Уңипа̄сяҳтуҳтыки малиҳся̄ҳтынка аңлыгусӣтканка, Галилеямунңуқ агляӷлит та̄ганиңуқ ысҳаҳлъықа̄тңа».

Ынка̄м первосвященнигытлъю, сӣванлъыӷытлъю қырңуҳлъютың агӷиткат. Та̄хкын манилитыҳлъяглюки пилъюўаҳтыт, пикӣт: «Уңипа̄нъакыси югыт: “Унугми қава̄сималюта малихся̄ҳтыңита тагилютың тыглыгума̄т югусӣ”. Правителым нагақӯмакагу хўаңкута алыҳқуҳлъықаҳпут ынка̄м сыӷлылӣлъыңна̄нӷитуси». Кылыңакистыт мани тугулюку писқылъыӷмыгыстун пикат. Ынка̄м хўавымун кынляңа Иудеит паниның а̄пҳақа̄т Иисусым югусӣ тыглыкақнилюку малихся̄ҳтыңанун.