Amaokwu Akwụkwọ Nsọ Ndị Ama Ama siteré na Matyo 7

Kesaa

Pítə nə, pə́ yǐ fɛ̂ nə́ pəənə́, chwa nə, pɨ yǐ zə́ənə, póʼtə nə, pə́ yǐ ŋáʼ ntsǒndɛ̂ á mbô pəənə́.

Ńté ńgə́ ŋwu ntsəm páʼ ä pítə nə́, ä kwáalə, ŋwu páʼ ä chwa nə́, ä zə́ənə, nə́ ŋwu páʼ a póʼtə nə́, ntsǒndɛ̂ ə́ yǐ ŋáʼnə.

Lə́ələ́ pə́ ńgə́ ŋwu ntsəm páʼ a zóʼ nə́ atséebə mə jɨ ńnéŋə zə́ələ́ á mə́mə afaʼ, a chî lə́ ándó ŋwu páʼ a nə ńjî nə́ ənu ḿbɔ́ ndɛ̂ əjǐə a ndu ngwúbə.

Lə́ələ́ pə́ ńgə́ anuə atsəm páʼ gho kɔŋ nə́ ńgə́ mbɔʼ pɨ pə́ ghɛlə̂ á mbô gho, kə́ ńgɛlə̂ azô ə́lə́ələ́ á mbô pó, ńté ńgə́ lɛ̌ ndzaŋ noŋkə Mosisə pó ndzeʼkə́ məntúmə́sê ə́ sóŋ nə́.

Ńté ńgə́ ntsǒnkáʼ páʼ wɨ́d ghɛn nə́ á ndú nchîmbî ə́ kə́gə, ndú yi wɨ́ ə́ tyantə̂, pɨ pə́ kə́ nə̈ ńdaŋə̂ á mə́ ghɛn nə́ ə́wɨ́ pó kə́ ńkə́gə.

Kwú nə́ pə́ nə́ mɔ́ kə́nyaŋ ntsǒnkáʼ ńté ńgə́ tə́kɔʼ ntsǒnkáʼ wə̂ lə́ yi páʼ wɨ́d pwɔ́dnə nə́, páʼ wɨ́d ə̈ ghɛn nə́ á ndú nəwûə, pɨ pə́ kə́ ńkwúnə ə́wɨ́ ńnə́ənə.

Təmbɔʼ pɨ páʼ nə́ pə́ nə́ ngaŋə́ghɛlə təpɔŋ, nə jîə a mə́ fɛ̂ nə́ əpú pi əshîʼnə á mbô pɔ́ pɨ́ á yǐ ńtíʼ ḿbə́ pə́ ə́lɛ́ nə́ Tǎ əwɨ páʼ a chî nəpóolə, á mə́ fɛ̂ nə́ əpú pi əshîʼnə á mbô pɨ pó pítə nə́ yə́.

Kɔ gho tsɔ́ʼtə əsáʼ pɨ pə́ ndaʼ ńjî ńgə́ kɔ əsê kə́ ńtsɔ́ʼtə əghô əsáʼə. Ńté ńgə́ əsêndú páʼ ghö tsɔ́ʼtə nə́ əsáʼ pɨ pə́ ndaʼ ə́wɨ́, pə́ yǐ kə́ tsɔ́ʼtə əghô lə́ ə́lə́ələ́. Ndzaŋ gho kə́ʼ nə́ fɛ̂ nə́ pɨ, lə́ tsɔʼə ndzaŋ pə́ yǐ nə́ kə́ kə́ʼ ə́fɛ̂ nə́ gho.

Lə́ ŋwu ntsəm páʼ a zóʼ nə́ atséebə mə jɨ, ńkě zə́ələ́ á mə́mə afaʼ néŋ pô a chî lə́ ándó akəkógə́ ŋwu páʼ a kə pɔ́ nə́ ndɛ̂ əjǐə á ndu məŋkwâʼlə̌.

Lə́ ghɛlə̂ akə̂ gho tə́ ńnáŋə mɔ́ akəmə atítíə á chî nə́ nələ́g mɔ́mɛ́ əgho ḿbə́ ńkě chî təmbɔʼ gho zə́ənə akəmə nkwə́ŋ páʼ a chî nə́ á nələ́g gho pô? Gho yǐ lǎa lə́ ə́lɛ́ pɔŋə́ sóŋ nə́ ndim gho ńgə́, tíʼ maŋ fógə mɔ́ akəmə atítíə nə́ á nələ́g gho, páʼ akəmə nkwə́ŋə á chî nə́ nə́ nəzô nələ́gə?

Lɔg nə́ ndɛd nə́ məntúmə́sê mə́ məfɨgə, pö yǐəə á mbô pɨ lə́ ándó məmbéŋ mə́ ndzɛlə, ḿbə́ ńchî lə́ ándó əfunə́ páʼ nji ə́ tə́ nə́ ńdzáŋə ághóobə́. Nə́ yǐ jîə ághɔ́b lə́ nə́ mənta mɔ́b pö zə́m nə́. Pə́ chî lə́ ńdagə̂ pyâ á mə́m kɨ́kɔb kəənə lámə́sə á mə́m məŋkɨ́nkɨ́ə?

Lə́ələ́ á pə́ ńgə́ atǐ yə əshîʼnə á zə́mə mənta mimə əshîʼnə, atǐə təpɔŋə á zə́mə mənta mə́ təpɔŋ.

Mbɔʼ atǐ yə əshîʼnə á kě mənta mə́ təpɔŋ zə́m pô, atǐə təpɔŋə á kě mənta mimə əshîʼnə kə́ ńdzə́m pô.

Atǐə atsəm páʼ á kě nə́ mənta mimə əshîʼnə zə́m pô pə́ kə́ʼ ḿmaʼə̂ əsê ńtoonə̂ nəkyɛlə́.