Amaokwu Akwụkwọ Nsọ Ndị Ama Ama siteré na KADA OMBO’ LAKO RASULU’ YOHANES 13

Kesaa

Iamote tu nanii payan tu kakinaan. Sipatu tu to kepenaa umbilangi tu bilangan olo’-olo’ iato; belanna bilangan tolino sia. Iatu bilanganna annanratu’ annan pulona nnannan.

Mintu’na tu to torro lan te lino la umpenombai, iamotu to randuk dio mai diparandanganninna te lino, tang disura’ sanganna lan sura’ katuoanNa Anak domba, tu mangkamo direre’.

Sia umpalalo gau’ anna mintu’ tau, bitti’, kapua, sugi’, bongko, to makaka, ba’tu kaunan, diben nasang misa’ tanda dio lima kananna ba’tu dio kidena; sia moi misa’ tau tae’ nama’din ma’baluk sia mangalli, sangadinna iapi tu to den tanda iato dio kalena, iamotu sanga olo’-olo’ iato ba’tu bilangan sanganna.

Minda-minda mangrampa tau, manassa la dirampa; minda-minda la umpatei tau unnoong pa’dang, tae’ nasalai tang dipatei duka pa’dang. Lan mintu’na te sipatu mintu’ to masallo’ umpa’pekitanan kabattaran sia kapatonganan.

Kutiro pole’omi misa’ olo’-olo’ masuru sun lan mai tasik sangpulo tandukna, sia pitu ulunna; na sangpulo makota dao tandukna, sia dao ulunna, disura’ ba’tu pira-pira sanga pa’kada solang.

Sia dieloran sirari mintu’ to masallo’ sia la untaloi, sia diben kuasa ungkuasai mintu’ suku sia to sangpetayanan sia basa sia bangsa.

Napapusai tu mintu’ to torro lan te lino tete dio ma’rupa-rupa tanda kalle-kallean tu dibenni la napogau’ dio tingayona olo’-olo’ iato. Nasuami tu mintu’ to torro lan te lino unggaraganni rapang-rapang dipodeata tu olo’-olo’ mangka nabangkei pa’dang, apa tuo sia. Diben duka kuasa la umpatamai penaa tu rapang-rapang dipodeata olo’-olo’ iato, kumua anna ma’kada, sia anna palalo gau’, tu napobannang mintu’ tu to tang umpenombai rapang-rapang dipodeata olo’-olo’ iato, dipatei.

Iatu olo’-olo’ kutiro susi arimau tamarang tu rupanna, sia lette’na susi lette’ beruang, sia kamorona susi kamoro singa. Nabenmi kamatotoranna naga, sia kao’koranna sia kuasa kapua.

Dibenmi misa’ puduk umpasun kada matampo sia kada solang tu olo’-olo’ iato; diben duka kuasa la umpogau’i to patangpulo ndua bulanna.

Kutiro tu ulunna misa’ takua to bangke malua’; apa iatu bangke malua’na to mondomo, namintu’ issinna lino mangnga anna turu’i tu olo’-olo’ iato.

Kutiromi misa’ olo’-olo’ masuru senga’ sun diong mai padang, da’dua tandukna susi tanduk Anak domba; ma’kada susi naga. Sia napalalo tu mintu’ kuasanna olo’-olo’ bunga’na dio tingayona, sia iate lino sola mintu’ tu to torro lan nalalan umpenombai tu olo’-olo’ bunga’na, tu mondomo bangke malua’na.