Amaokwu Akwụkwọ Nsọ Ndị Ama Ama siteré na MATIUS 7

Kesaa

Palakui, ammi diben, daka’i ammi appa’i; tumbekki tu ba’ba ammi dibungkaran.

Belanna minda-minda tu malaku, la ditadoi, sia iatu mandaka’na, la naappa’, sia iatu untumbekna ba’ba, la dibungkaran.

Iamoto minda-minda tu urangii te mintu’ kadangKu naturu’i, iamo dipasusi misa’ to kinaa tu umpabendan banuanna dao batu lappa’

Iamoto apa-apa tu miporai la napogau’ tau lako kalemi, ten dukato la mipogau’ lako; belanna iamoto tu natuntunna Sukaran aluk sia sura’na nabi-nabi.

Apa sukku’ tu ba’ba sia pangkun tu lalan, tu mebaa lako katuoan, sia sidi’ri tau ungkabu’tui.

Unnola tamakomi ba’ba sukku’, belanna loka’ tu ba’ba sia malona’ tu lalan, tu mebaa lako kasanggangan, sia buda tau unnolai.

Iamoto, ia duka tu kamu to kadake miissan duka umbengan pamengan melo lako anakmi, ontong pissan tu Ambe’mi dao suruga la umpa’bengan apa melo lako to umpalakui lako Kalena?

Da mipasala tau, da ammi dipasala. Belanna iatu mininna ma’pasala, ia pole’ la dinii umpasalakomi, sia iatu sukaran mipassukaran tau, ia duka la dipassukarangkomi.

Sia minda-minda tu urrangii te mintu’ kadangKu, apa tae’ naturu’i, iamo dipasusi misa’ to baga, tu umpabendan banuanna dao to’ bungin

Ma’apari mukitai tu bulisak lan matanna siulu’mu, apa kayu sangbatang lan matammu tae’ musa’dingi? Ma’apari ammu la kumuara lako siulu’mu: Da’ito angku alai tu bulisak lan mai matammu, anna iko kalena nanii kayu sangbatang lan matammu?

Kanandaikomi kalemi dio mai nabi tang tongan, tu sae lako kalemi ma’rupa domba, apa lan penaanna susi guruk masuru. Dio bangsia mai buanna la minii untandai. Denmoraka tau unnala bua anggoro’ dio mai oto’ duri, ba’tu bua ara dio mai oto’ a’da’?

Ten dukato tu mintu’-mintu’na kayu melo, inang melo siami buanna; apa iatu kayu kadake, kadake siami buanna.

Tae’ nabelai tu kayu melo umpasun bua kadake, ba’tu kayu kadake umpasun bua melo.

Mintu’-mintu’na tu kayu tang umpasun bua melo, la dilelleng nadibuang tama to’ api.