Amaokwu Akwụkwọ Nsọ Ndị Ama Ama siteré na YAKOBUS 1

Kesaa

E sangsiulurangku, iammi tobang tama ma’rupa-rupa peroso, sanga bangmi kaparannuan kapua tu iannato; belanna mitandai, kumua iatu kadisudianna kapatonganammi umpabu’tu kabantangan.

Anna iake denkomi tu tang kinaa, sipatu la napalaku lako Puang Matua, tu umpa’kamasean bangi lako mintu’ tau sia tang Napopeko’to’, manassa la Napa’kamasean lako kalena.

Kanassai te iannate, e sangsiuluran pa’kaboro’ku. Melo ke mintu’ tau matira’ ma’perangi, napela’i ma’kada-kada sia sengke.

Sipatu tu kabantangan la landa’ lako ma’kalolokanna, dikua ammi sundun sia tang attangan, nalan mintu’nato tae’mo sayuammi.

Sipatu tongankomi la unturu’i tu kada iato, tangia to ma’perangi umpakena kalena kalena.

Maupa’ tu to batta’ untanggung peroso, belanna ke mangkami disudi, la unnappa’ katuoan dadi makotana, tu Naallu’ Puang Matua lako mintu’ to ungkamali’I.

Iatu mintu’na pamengan sia mintu’na pa’kamase lu dao mai, songlo’ dao mai Ambe’, oto’na mintu’ parrangna dao langi’, Iamotu tang membali sia tae’ natimbayo len katileleanNa.

Belanna iake denni tau urrangii tu kada iato, apa tae’ naturu’i, iamo susito umpemaranga lindo tonganna lan sammin. Iatonna mangkamo untiroi tu kalena, malemi, apa ta’pa tang nakilalai tumba rupanna.

Iatu kapengkaolan masero sia tae’ sayuanna dio oloNa Puang Matua, Ambe’, iamote: unto’longi pia biung pu’pu’ sia baine balu lan kamasussanna, sia ungkaritutui kale dio mai kamaruttakanna te lino iate.

Moi misa’ tau da nama’kada, ke naruai peroso, kumua: Narosona’ Puang Matua, belanna inang tae’ Ia narosoi kakadakean, sia tae’ duka Ia Naurroso tau moi misa’; sangadinna mintu’ tau narua peroso, iake nabintii sia napakenai kamailuanna kalena.

Apa sipatu tu siulu’ tu lan a’gan kamadiongan la massattuan diona kadipamadaoanna