Psalms 68:19-27

(20) Ann fè lwanj Senyè a chak jou!
Li pote chay nou pou nou:
Se li ki Bondye nou,
se li ki delivre nou.
(21) Bondye sa a se Bondye delivrans nou!
Senyè a, Bondye nou an, ap wete nou nan bouch twou a.
(22) Bondye gen pou l kraze tèt lènmi li yo.
Wi, li gen pou l kraze zo bwa tèt moun k'ap viv nan peche.
(23) Senyè di:
— M'ap fè lènmi yo tounen sòti nan peyi Bazan.
M'ap fè yo tounen sòti nan fon lanmè a.
(24) pou ou ka mache nan san yo,
pou chen ou yo ka jwenn pa yo nan lènmi ou yo.

(25) Bondye, tout moun wè jan y'ap fè fèt pou ou.
Yo wè ki jan Bondye mwen an, wa mwen an,
ap mache antre kote ki apa pou li a.
(26) Moun k'ap chante ap mache devan,
mizisyen yo dèyè.
Jenn fi yo nan mitan, y'ap bat tanbouren.
(27) Fè lwanj Bondye nan mitan pèp la lè l reyini.
Fè lwanj li, nou tout pitit pitit Izrayèl yo!
(28) Benjamen, ki pi piti a, vin alatèt yo.
Apre li, vini chèf peyi Jida yo ak lame yo.
Apre yo, vini chèf peyi Zabilon ak chèf peyi Neftali yo.