Psalms 3:1-8

(2) Senyè, ala anpil lènmi m yo anpil!
Ala anpil moun k'ap leve dèyè m yo anpil!
(3) Ala anpil moun k'ap pale sou mwen yo anpil!
Y'ap di: Aa! Bondye p'ap delivre l!

(4) Men ou menm, Senyè, w'ap toujou pran defans mwen.
W'ap fè m genyen batay la.
Ou p'ap kite m wont devan lènmi m yo.
(5) Mwen rele Senyè a ak tout fòs mwen.
Li rete sou mòn ki apa pou li a, li reponn mwen.

(6) Mwen kouche, mwen dòmi,
mwen leve anbyen, paske Senyè a ap soutni mwen.
(7) Mwen pa pè tout kantite moun sa yo
ki sènen m toupatou.

(8) Leve non, Senyè! Sove m non, Bondye mwen!
Ou bay tout lènmi m yo yon souflèt.
Ou kase dan mechan yo.
(9) Se ou menm sèl, Senyè, ki ka sove nou.
Beni tout pèp ou a.